കൊച്ചി: തെരഞ്ഞെടുപ്പുകളിൽ അപരൻമാരെ സ്ഥാനാർത്ഥികളായി നിയോഗിക്കുന്നത് ജനാധിപത്യത്തെ കൊല ചെയ്യുന്നതിന് തുല്യമാണെന്ന് ഹൈക്കോടതി. വോട്ടർമാരെ ബോധപൂർവ്വം ആശയക്കുഴപ്പത്തിലാക്കാനും തെരഞ്ഞെടുപ്പിന്റെ സുതാര്യത ഇല്ലാതാക്കാനുമാണ് ഇത്തരം നടപടികൾ സഹായിക്കുന്നതെന്ന് കോടതി നിരീക്ഷിച്ചു. ജസ്റ്റിസ് പി.വി. കുഞ്ഞികൃഷ്ണൻ അടങ്ങിയ സിംഗിൾ ബെഞ്ചാണ് രാഷ്ട്രീയ പാർട്ടികളുടെ ഈ പ്രവണതയ്ക്കെതിരെ കടുത്ത വിമർശനം ഉന്നയിച്ചത്.
ശബരിമല സ്വര്ണ്ണക്കൊളളക്കേസില് കടകംപള്ളിയുടെ വിദേശയാത്രകളില് അന്വേഷണം, മുന് ദേവസ്വം മന്ത്രിയുടെ ബാംഗ്ലൂര്, ചെന്നൈ യാത്രകളും വിശദമായി പരിശോധിക്കാന് എസ്ഐടി
തൃപ്പൂണിത്തുറ മണ്ഡലത്തിലെ എൻഡിഎ സ്ഥാനാർത്ഥി സമർപ്പിച്ച ഹർജി പരിഗണിക്കവെയായിരുന്നു കോടതിയുടെ ഈ സുപ്രധാന നിരീക്ഷണം. പേരും ചിഹ്നവും സാമ്യമുള്ള അപരൻമാർ വരുന്നത് മൂലം ഒരു സ്ഥാനാർത്ഥിക്കും അർഹതപ്പെട്ട വോട്ടുകൾ നഷ്ടപ്പെടാൻ പാടില്ലെന്ന് കോടതി വ്യക്തമാക്കി. സ്ഥാനാർത്ഥികളെ തിരിച്ചറിയുന്നതിൽ വോട്ടർമാർക്ക് പ്രയാസമുണ്ടാകാത്ത രീതിയിലുള്ള നടപടികൾ തെരഞ്ഞെടുപ്പ് കമ്മീഷന്റെ ഭാഗത്തുനിന്ന് ഉണ്ടാകണമെന്നും കോടതി നിർദ്ദേശിച്ചു.
കേരളത്തിലെ തെരഞ്ഞെടുപ്പ് ചരിത്രത്തിൽ പലപ്പോഴും അപരൻമാർ വോട്ടുനിലയെ സ്വാധീനിക്കുകയും പ്രമുഖ സ്ഥാനാർത്ഥികളുടെ തോൽവിക്ക് കാരണമാവുകയും ചെയ്തിട്ടുണ്ട്. ഈ സാഹചര്യത്തിലാണ് ഹൈക്കോടതിയുടെ ഇടപെടൽ ശ്രദ്ധേയമാകുന്നത്. ജനാധിപത്യ പ്രക്രിയയിൽ വോട്ടർമാർക്ക് വ്യക്തമായ ധാരണയോടെ വോട്ട് രേഖപ്പെടുത്താനുള്ള സാഹചര്യം ഒരുക്കേണ്ടത് അത്യാവശ്യമാണെന്നും കോടതി ചൂണ്ടിക്കാട്ടി. അപരൻമാരുടെ ഭീഷണി നേരിടുന്ന മറ്റ് സ്ഥാനാർത്ഥികൾക്കും ഈ വിധി ആശ്വാസകരമാകും.
ആടിയ ശിഷ്ടം നെയ്യ് വിൽപന: ശബരിമലയിൽ നടന്നത് 21 ലക്ഷത്തിന്റെ ക്രമക്കേടെന്ന് വിജിലൻസ്
