മുംബൈ : മഹാരാഷ്ട്ര രാഷ്ട്രീയത്തില് അപ്രതീക്ഷിത നീക്കം. അംബെര്നാഥ് മുനിസിപ്പല് കോര്പ്പറേഷന് മേയര് തിരഞ്ഞെടുപ്പില് ബദ്ധവൈരികളായ കോണ്ഗ്രസും ബിജെപിയും കൈകോര്ത്തു. മുഖ്യമന്ത്രി ഏകനാഥ് ഷിന്ഡെയുടെ നേതൃത്വത്തിലുള്ള ശിവസേനയെ അധികാരത്തില് നിന്ന് പുറത്താക്കാനാണ് ഈ വിചിത്ര സഖ്യം രൂപീകരിച്ചത്.
2011-ല് കമ്മ്യൂണിസ്റ്റ് ഭരണത്തെ പുറത്താക്കിയ ജനങ്ങള് മമതയില് അര്പ്പിച്ച വിശ്വാസം 15 വര്ഷത്തിനിപ്പുറം തകര്ന്നു; ബംഗാളില് സുവേന്ദു യുഗം; ആദ്യ ബിജെപി മുഖ്യമന്ത്രിയായി സുവേന്ദു അധികാരി ഇനി അധികാരി
‘അംബെര്നാഥ് വികാസ് അഘാടി’ എന്ന പേരിലാണ് കോണ്ഗ്രസും ബിജെപിയും സഖ്യമുണ്ടാക്കിയത്.ബിജെപിയുടെ തേജശ്രീ കരഞ്ജുലെ 32 വോട്ടുകള് നേടി മേയറായി തിരഞ്ഞെടുക്കപ്പെട്ടു.
എന്സിപി (അജിത് പവാര് വിഭാഗം) അംഗങ്ങളും ബിജെപി സ്ഥാനാര്ത്ഥിക്കാണ് വോട്ട് ചെയ്തത്. ശിവസേന ഷിന്ഡെ വിഭാഗം സ്ഥാനാര്ത്ഥി മനീഷ വാലെകര് പരാജയപ്പെട്ടു.
തിരുവനന്തപുരത്ത് പെട്രോളിന് 110 രൂപ; പശ്ചിമേഷ്യന് പ്രതിസന്ധിയില് കനക്കുന്ന ഇന്ധനവില മോദി സര്ക്കാരിന് തിരിച്ചടിയാകുന്നു; കോണ്ഗ്രസ് പ്രക്ഷോഭത്തിലേക്ക്; വില ഇനിയും കൂടിയേക്കും
ഡിസംബറില് നടന്ന തിരഞ്ഞെടുപ്പില് ആര്ക്കും ഭൂരിപക്ഷം ലഭിച്ചിരുന്നില്ല. ശിവസേനയെ ഭരണത്തില് നിന്ന് അകറ്റാന് ബിജെപിയും കോണ്ഗ്രസും ഒത്തുചേര്ന്നതോടെ ഷിന്ഡെ വിഭാഗത്തിന് ഭരണം നഷ്ടമായി.
ശിവസേനയുടെ അഴിമതിക്കും ഭീഷണി രാഷ്ട്രീയത്തിനു.ം അറുതി വരുത്തി വികസനം ഉറപ്പാക്കാനാണ് ഈ സഖ്യമെന്ന് പുതിയ മേയര് തേജശ്രീ കരഞ്ജുലെ പറഞ്ഞു. സഖ്യത്തെ ഷിന്ഡെ വിഭാഗം എംഎല്എ ബാലാജി കിനികര് നിശിതമായി വിമര്ശിച്ചു. കോണ്ഗ്രസ് മുക്ത ഭാരതം എന്ന് പ്രസംഗിക്കുന്ന ബിജെപി, താഴെത്തട്ടില് കോണ്ഗ്രസുമായി കൂട്ടുപിടിക്കുന്നത് ഇരട്ടത്താപ്പാണെന്നും അദ്ദേഹം പരിഹസിച്ചു.
