ന്യൂ ഡൽഹി: നമ്മൾ ആരോഗ്യപ്രദമെന്ന് കരുതി കുടിക്കുന്ന പാക്കറ്റ് ഫ്രൂട്ട് ജ്യൂസുകൾ യഥാർത്ഥത്തിൽ വെറും ‘പഞ്ചസാര വെള്ളം’ മാത്രമാണെന്ന ഞെട്ടിക്കുന്ന വെളിപ്പെടുത്തലുമായി ആം ആദ്മി പാർട്ടി എം.പി രാഘവ് ഛദ്ദ. പാർലമെന്റിൽ നടത്തിയ പ്രസംഗത്തിലാണ് പ്രമുഖ ഭക്ഷ്യ ബ്രാൻഡുകൾ നടത്തുന്ന തെറ്റിദ്ധരിപ്പിക്കുന്ന പരസ്യങ്ങൾക്കെതിരെ അദ്ദേഹം ശക്തമായി പ്രതികരിച്ചത്.
ആരിഫ് മുഹമ്മദ് ഖാന് കേന്ദ്ര മന്ത്രി സഭയിലേക്ക് ? ബിഹാറും തമിഴ് നാടും ഉൾപ്പടെ 9 സംസ്ഥാനങ്ങളിൽ പുതിയ ഗവർണർമാർ.
വിപണിയിൽ ലഭിക്കുന്ന പല പാനീയങ്ങളും യഥാർത്ഥ പഴച്ചാറുകൾ എന്ന പേരിൽ വിൽക്കപ്പെടുമ്പോഴും അവയിൽ അടങ്ങിയിരിക്കുന്നത് അമിത അളവിലുള്ള പഞ്ചസാരയും രാസവസ്തുക്കളുമാണെന്ന് അദ്ദേഹം ചൂണ്ടിക്കാട്ടി. പാക്കറ്റുകളുടെ മുൻവശത്ത് ആകർഷകമായ പഴങ്ങളുടെ ചിത്രങ്ങൾ നൽകി ഉപഭോക്താക്കളെ തെറ്റിദ്ധരിപ്പിക്കുന്ന കമ്പനികൾ, പാക്കറ്റിന് പിന്നിൽ വളരെ ചെറിയ അക്ഷരങ്ങളിൽ ‘ചിത്രങ്ങൾ മാർക്കറ്റിംഗ് ആവശ്യങ്ങൾക്കായി മാത്രം’ (Pictures for marketing purposes only) എന്ന് രേഖപ്പെടുത്തിയാണ് നിയമപരമായ പഴുതുകൾ കണ്ടെത്തുന്നത്.
ഈ രീതിയിലുള്ള വഞ്ചനാപരമായ ബ്രാൻഡിംഗിലൂടെ ജനങ്ങൾ, പ്രത്യേകിച്ച് കുട്ടികൾ, വലിയ ആരോഗ്യപ്രശ്നങ്ങളിലേക്കാണ് നീങ്ങുന്നത്. ജ്യൂസ് ആണെന്ന് വിശ്വസിച്ച് ഇത്തരം പഞ്ചസാര സിറപ്പുകൾ കുടിക്കുന്നത് രാജ്യത്ത് പ്രമേഹം, അമിതവണ്ണം തുടങ്ങിയ ജീവിതശൈലീ രോഗങ്ങൾ വർധിക്കാൻ കാരണമാകുന്നുവെന്നും അദ്ദേഹം മുന്നറിയിപ്പ് നൽകി.
അഞ്ച് സംസ്ഥാനങ്ങളിലെ തിരഞ്ഞെടുപ്പ്: 1,111 കേന്ദ്ര നിരീക്ഷകരെ നിയോഗിച്ചു; കേരളത്തിൽ 108 പേർ
ഉപഭോക്താക്കളെ വിഡ്ഢികളാക്കുന്ന ഇത്തരം പ്രവണതകൾ തടയാൻ കർശനമായ നിയമനിർമ്മാണവും ലേബലിംഗ് പരിഷ്കാരങ്ങളും വേണമെന്ന് അദ്ദേഹം കേന്ദ്ര സർക്കാരിനോട് ആവശ്യപ്പെട്ടു. രാഘവ് ഛദ്ദയുടെ ഈ ജനകീയ ഇടപെടലിന് വലിയ രീതിയിലുള്ള പിന്തുണയാണ് സോഷ്യൽ മീഡിയയിലടക്കം ലഭിച്ചുകൊണ്ടിരിക്കുന്നത്.
