ആലപ്പുഴ: കേരള രാഷ്ട്രീയത്തില് അപ്രതീക്ഷിത വഴിത്തിരിവ് സൃഷ്ടിച്ചുകൊണ്ട് അമ്പലപ്പുഴ നിയമസഭാ മണ്ഡലത്തില് സ്വതന്ത്ര സ്ഥാനാര്ത്ഥിയായി മത്സരിക്കുന്ന മുന് മന്ത്രി ജി. സുധാകരന് കോണ്ഗ്രസ് നിരുപാധിക പിന്തുണ പ്രഖ്യാപിച്ചു. ഇതോടെ അമ്പലപ്പുഴയില് കോണ്ഗ്രസ് സ്വന്തം സ്ഥാനാര്ത്ഥിയെ നിര്ത്തില്ലെന്ന് ഉറപ്പായി. മുഖ്യമന്ത്രി പിണറായി വിജയനെ സുധാകരന് അനുകൂലിച്ചു എന്ന നിലയില് നേരത്തെ നിലനിന്നിരുന്ന ആശയക്കുഴപ്പങ്ങള് നീങ്ങിയതോടെയാണ് യുഡിഎഫ് ഈ നിര്ണ്ണായക തീരുമാനമെടുത്തത്.
താന് ഉയര്ത്തുന്ന നിലപാടുകള് പിണറായി സര്ക്കാരിനും സിപിഎമ്മിന്റെ നിലവിലെ ശൈലിക്കും എതിരാണെന്ന സുധാകരന്റെ വിശദീകരണം കോണ്ഗ്രസ് ഹൈക്കമാന്ഡും സംസ്ഥാന നേതൃത്വവും അംഗീകരിച്ചു. യാതൊരു നിബന്ധനകളും വെക്കാതെയാണ് കോണ്ഗ്രസ് അദ്ദേഹത്തിന് പിന്തുണ നല്കുന്നത്. സുധാകരന്റെ വ്യക്തിപ്രഭാവവും യുഡിഎഫിന്റെ വോട്ട് ബാങ്കും ഒന്നിക്കുന്നത് വിജയസാധ്യത വര്ദ്ധിപ്പിക്കുമെന്നാണ് രാഷ്ട്രീയ നിരീക്ഷകര് വിലയിരുത്തുന്നത്.
ഇടതുപക്ഷത്തിന്റെ കോട്ടയായ അമ്പലപ്പുഴയില് സുധാകരനെപ്പോലൊരു കരുത്തനായ നേതാവ് യുഡിഎഫ് പിന്തുണയോടെ എത്തുമ്പോള് അത് സിപിഎമ്മിന് വലിയ വെല്ലുവിളിയാകും. സുധാകരനെതിരെ ‘വര്ഗ്ഗവഞ്ചന’ ആരോപിച്ചാണ് സിപിഎം രംഗത്തെത്തിയിരിക്കുന്നത്. സുധാകരന്റെ നീക്കം പാര്ട്ടിയെ തകര്ക്കാനുള്ള ബോധപൂര്വ്വമായ ശ്രമമാണെന്നും അദ്ദേഹത്തിന്റെ ഈ ‘രോഗം’ നേരത്തെ തിരിച്ചറിഞ്ഞിരുന്നുവെന്നും സിപിഎം ആലപ്പുഴ ജില്ലാ സെക്രട്ടറി ആര്. നാസര് പരിഹസിച്ചു.
സിറ്റിംഗ് എംഎല്എ ആയ എച്ച്. സലാമിനെ തന്നെ വീണ്ടും അങ്കത്തിനിറക്കാനാണ് സിപിഎം തീരുമാനം. സുധാകരന് സ്വന്തം രക്തസാക്ഷിയായ സഹോദരനെപ്പോലും അപമാനിക്കുന്ന നിലപാടാണ് സ്വീകരിക്കുന്നതെന്ന് സലാം ആരോപിച്ചു. അമ്പലപ്പുഴയില് വോട്ട് വ്യക്തിക്കല്ല, മറിച്ച് പാര്ട്ടിക്കാണെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന് വ്യക്തമാക്കി.
അമ്പലപ്പുഴയില് സുധാകരന് ഉണ്ടാക്കുന്ന സ്വാധീനം ആലപ്പുഴ ജില്ലയിലാകെ യുഡിഎഫിന് കരുത്താകുമെന്നാണ് കോണ്ഗ്രസ് കണക്കുകൂട്ടുന്നത്. വികസന നായകനെന്ന പ്രതിച്ഛായയും ഭരണവിരുദ്ധ വികാരവും വോട്ടാക്കി മാറ്റാനാണ് സുധാകരന്റെ നീക്കം. സുധാകരനെതിരെ പരസ്യമായ പ്രതിഷേധ പരിപാടികള്ക്കും പോസ്റ്റര് പ്രചാരണങ്ങള്ക്കും സിപിഎം തുടക്കം കുറിച്ചു കഴിഞ്ഞു. അമ്പലപ്പുഴയിലെ പോരാട്ടം കേരളം ഇത്തവണ ഉറ്റുനോക്കുന്ന ഏറ്റവും ശ്രദ്ധേയമായ മത്സരമായി മാറിയിരിക്കുകയാണ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
അടുത്ത ഊഴം ചെന്നിത്തലയ്ക്കും കുഞ്ഞാലിക്കുട്ടിക്കും? ഇഡി ഡയറിയിലെ ആ പേരുകളിലേക്ക് അന്വേഷണം പോകുമോ? കേരളത്തിലെ ആഭ്യന്തരമന്ത്രിയുടെ വീട്ടില് റെയ്ഡ് നടത്തുമോ?
