തിരുവനന്തപുരം: കേരളത്തിലെ ചാനല് മേഖലയിലേക്ക് വമ്പന് നിക്ഷേപം വരുന്നു. കേരളത്തിലെ പ്രധാന മൂന്ന് ചാനലുകളില് ഒന്ന് വാങ്ങാനാണ് ഒരു ശതകോടീശ്വരന്റെ ശ്രമം. നിയമസഭാ തിരഞ്ഞെടുപ്പിന് മുമ്പ് ഈ വാങ്ങല് നടക്കും. ഒരു പ്രധാന രാഷ്ട്രീയ പാര്്ട്ടിയ്ക്ക വേണ്ടിയാണ് ഈ ശതകോടീശ്വരന് ചാനല് വാങ്ങുന്നത്. ബാര്ക് റേറ്റിംഗില് മുന്നില് നില്ക്കുന്ന അഞ്ചു ചാനലുകളില് രണ്ടെണ്ണം ഈ മുതലാളി നോട്ടമിട്ടിട്ടുണ്ട്. ഇതിനൊപ്പം വളര്ന്നു വരുന്ന മറ്റൊരു ചാനലും വാങ്ങല് പാക്കേജിലുണ്ട്. കേരള രാഷ്ട്രീയത്തിലെ അതിപ്രധാനിയ്ക്ക് വേണ്ടിയാണ് പ്രമുഖ ശതകോടീശ്വരന്റെ ഈ നീക്കം.
കേരളത്തിലെ ദൃശ്യമാധ്യമ മേഖലയില് മുമ്പെങ്ങുമില്ലാത്ത വിധം വലിയ നിക്ഷേപങ്ങള്ക്കും ഉടമസ്ഥാവകാശ മാറ്റങ്ങള്ക്കും കളമൊരുങ്ങുന്നുവെന്നതാണ് വസ്തുത. രാഷ്ട്രീയ സ്വാധീനം ഉറപ്പിക്കുന്നതിനായി മാധ്യമശൃംഖലയെ ഉപയോഗിക്കുക എന്ന തന്ത്രപരമായ നീക്കമാണ് ഇതിന് പിന്നില്. ചാനലുകളുടെ ഭൂരിഭാഗം ഓഹരികളും സ്വന്തമാക്കാനാണ് ചര്ച്ചകള് നടക്കുന്നത്. ആന്ധ്ര-തെലങ്കാന മേഖലയില് വേരോട്ടമുള്ള ബിഗ് ടിവി നെറ്റ്വര്ക്ക് കൊച്ചി ആസ്ഥാനമായി പ്രവര്ത്തനം തുടങ്ങാനിരിക്കെയാണ് ഈ പുതിയ നിക്ഷേപ വാര്ത്ത പുറത്തുവരുന്നത്.
ഏപ്രിലില് നടക്കാനിരിക്കുന്ന നിയമസഭാ തിരഞ്ഞെടുപ്പിന് മുന്നോടിയായി പൊതുജന അഭിപ്രായത്തെ സ്വാധീനിക്കാന് ശക്തമായ ഒരു മാധ്യമ സാന്നിധ്യം ആവശ്യമാണെന്ന തിരിച്ചറിവിലാണ് ശതകോടീശ്വരന് പുതിയ കച്ചവടത്തിന് എത്തുന്നത്. പുതിയ നിക്ഷേപം വലിയൊരു രാഷ്ട്രീയ സമവാക്യത്തിന്റെ ഭാഗമായാണ് വിലയിരുത്തപ്പെടുന്നത്. സാമ്പത്തിക പ്രതിസന്ധി നേരിടുന്ന ഒരു പ്രമുഖ ചാനല് ഗ്രൂപ്പുമായി നിക്ഷേപകന് ചര്ച്ചകള് പൂര്ത്തിയാക്കിയതായാണ് വിവരം. നിയമസഭാ തിരഞ്ഞെടുപ്പിന് മുമ്പ് ചാനലിന്റെ എഡിറ്റോറിയല് നയം മാറ്റുക എന്നതാണ് ഇതിന്റെ പിന്നിലെ ഗൂഢലക്ഷ്യം.
വെറും ടിവി ചാനല് മാത്രമല്ല, കേരളത്തിലെ സോഷ്യല് മീഡിയ സ്പേസ് കൂടി പിടിച്ചെടുക്കാന് ഈ ഇന്വെസ്റ്റര് പാക്കേജില് യൂട്യൂബ് ചാനലുകളും ഓണ്ലൈന് പോര്ട്ടലുകളും ഉള്പ്പെടുന്നു. കേരളത്തിലെ രാഷ്ട്രീയ മാറ്റങ്ങളില് നിര്ണ്ണായക സ്വാധീനം ചെലുത്താന് ഒരു മാധ്യമം അനിവാര്യമാണെന്ന തിരിച്ചറിവാണ് 2026-ലെ തിരഞ്ഞെടുപ്പ് ലക്ഷ്യമാക്കി ഈ നീക്കത്തിന് പിന്നില്. ഫണ്ട് പ്രതിസന്ധി നേരിടുന്ന ഒരു ചാനലും, മാനേജ്മെന്റ് മാറ്റത്തിന് തയ്യാറെടുക്കുന്നുണ്ട്. ഒരു വലിയ ചാനലും അതിനൊപ്പം വളര്ന്നു വരുന്ന ഒരു ചെറിയ ചാനലും അടങ്ങുന്ന ‘പാക്കേജ്’ വഴി കേരളത്തിലെ മാധ്യമ വിപണിയുടെ 40% എങ്കിലും നിയന്ത്രിക്കുകയാണ് ലക്ഷ്യം.
അടുത്ത കാലത്ത് കേരളത്തിലെ മാധ്യമ മേഖലയില് ഉയര്ന്ന 100 കോടിയുടെ റേറ്റിംഗ് അഴിമതി ആരോപണങ്ങള് ഈ ചാനല് കൈമാറ്റ ചര്ച്ചകള്ക്ക് വേഗത കൂട്ടിയിട്ടുണ്ട്. ചില ചാനലുകളുടെ വിശ്വാസ്യത തകരുന്ന പശ്ചാത്തലത്തില്, പുതിയ നിക്ഷേപവുമായി വരുന്ന ചാനലുകള്ക്ക് വിപണി പിടിക്കാന് എളുപ്പമാകും. അതുകൊണ്ട് തന്നെ നിലവിലെ ചാനല് ഏറ്റെടുത്താലും പുതിയ രൂപത്തില് അതിനെ ശതകോടീശ്വരന് പുനരവതരിപ്പിക്കും.
മറ്റു പ്രമുഖ ചാനലുകളില് നിന്നും പ്രമുഖ അവതാരകരെയും മാധ്യമപ്രവര്ത്തകരെയും ഉയര്ന്ന ശമ്പളം നല്കി ബിഗ് ടിവി ഇതിനകം സ്വന്തമാക്കിയിട്ടുണ്ട്. ഒരു ‘ന്യൂസ് സ്പെഷ്യലിസ്റ്റ്’ ചാനലായിട്ടായിരിക്കും ഇതിന്റെ എന്ട്രി. ബിഗ് ടിവി മലയാളം വാര്ത്താ വിപണിയില് വന് മാറ്റങ്ങള്ക്കാണ് തുടക്കമിടുന്നത്. ആന്ധ്രയില് നിന്നുള്ള ഈ ചാനല് നെറ്റ്വര്ക്ക് ഇതിനകം തന്നെ കൊച്ചിയില് അത്യാധുനിക സ്റ്റുഡിയോ സജ്ജമാക്കിയിട്ടുണ്ട്.
മുന്നിരയിലുണ്ടായിരുന്ന ചില അവതാരകര് ബിഗ് ടിവിയിലേക്ക് മാറിയത് ചാനലുകള്ക്കിടയില് വലിയ ചര്ച്ചയായിട്ടുണ്ട്. ഉയര്ന്ന പാക്കേജാണ് ഇവരെ ആകര്ഷിക്കുന്നത്. ഉദ്ഘാടനം: ഏപ്രില് മാസത്തിലെ തിരഞ്ഞെടുപ്പ് പ്രഖ്യാപനത്തിന് തൊട്ടുമുമ്പ് ചാനല് സംപ്രേക്ഷണം തുടങ്ങാനാണ് മാനേജ്മെന്റ് ലക്ഷ്യമിടുന്നത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
സിറ്റിംഗ് എം.പിമാരെ കളത്തിലിറക്കാന് കോണ്ഗ്രസില് ആലോചന; നേമത്ത് ശശി തരൂര്, ധര്മ്മടത്ത് മുഖ്യമന്ത്രിയെ നേരിടാന് ഷാഫി; ചിറയിന്കീഴില് കൊടിക്കുന്നില്; കോന്നിയില് അടൂര് പ്രകാശ്; കണ്ണൂരില് കെ സുധാകരനും കൈപ്പത്തി ചിഹ്നത്തില് വോട്ടുപിടിക്കാന് വമ്പന് സ്രാവുകള്; കോണ്ഗ്രസിന്റെ സാധ്യതാ സ്ഥാനാര്ത്ഥി പട്ടിക ഇങ്ങനെ; ചര്ച്ചകള്ക്ക് എഐസിസി തയ്യാറാക്കിയ പട്ടികയുടെ പൂര്ണ്ണ രൂപം
