കൊല്ലം: കരുനാഗപ്പള്ളിയിലെ ഗുണ്ടാ നേതാവ് അലുവ അതുലിനെ പട്ടാപ്പകല് നടുറോഡില് വെട്ടിക്കൊന്ന കേസിലെ ഗുണ്ടകളെയും അവര്ക്ക് തണലേകുന്ന പുത്തൻപാണക്കാരെയും പൂട്ടാന് ഉറച്ച് കൊല്ലം സിറ്റി പോലീസ് കമ്മീഷണര് ഹേമലത ഐപിഎസ്. കമ്മീഷണറുടെ വിട്ടുവീഴ്ചയില്ലാത്ത നിലപാടില് അന്വേഷണം സിനിമാ നിര്മ്മാതാവ് ലിസ്റ്റിന് സ്റ്റീഫനിലേക്കും വിവാദ പുരുഷന് സുനില് സ്വാമിയിലേക്കും നീങ്ങുന്നു. ഇതോടെ വമ്പന് സ്രാവുകള് ഭയന്ന് വിറച്ചിരിക്കുകയാണ്. വാളകത്തെ പാറക്വാറി കേന്ദ്രീകരിച്ച് നടന്ന ഗൂഢാലോചനയുടെ ചുരുളഴിക്കാനാണ് പോലീസ് നീക്കം.
നാടിനെ നടുക്കിയ അതിക്രൂരമായ കൊലപാതകത്തിന് പിന്നില് വന്തോക്കുകളുടെ സംരക്ഷണം ഉണ്ടെന്ന് ബോധ്യപ്പെട്ടതോടെയാണ് ഹേമലത ഐപിഎസ് നേരിട്ട് രംഗത്തിറങ്ങിയത്. കൊട്ടാരക്കര വാളകത്തെ പാറമട ഉടമകളെ ചുറ്റിപ്പറ്റിയാണ് ഇപ്പോള് അന്വേഷണം. ഈ ക്വാറിയില് വിവാദ സ്വാമി സുനില് സ്വാമിക്ക് 47 ശതമാനം ഓഹരിയുണ്ട്. ബാക്കി 53 ശതമാനം ഓഹരികള് പ്രമുഖ നിര്മ്മാതാവ് ലിസ്റ്റിന് സ്റ്റീഫന്, ഒരു അഭിഭാഷക, സുഹൃത്ത് എന്നിവരുടെ പേരിലാണ്. പ്രതികള് മാസങ്ങളോളം ഈ ക്വാറിയില് ഒളിവില് കഴിഞ്ഞുവെന്നും കൊലയ്ക്ക് ഉപയോഗിച്ച ഇന്നോവ കാര് ഇവിടെയാണ് സൂക്ഷിച്ചതെന്നും കണ്ടെത്തിയതോടെ ഉടമകള് വെട്ടിലായിരിക്കുകയാണ്.
അലുവ അതുലിനെ വകവരുത്താനുള്ള എല്ലാ പ്ലാനുകളും തയ്യാറായത് വാളകത്തെ ഈ ക്വാറിയിലാണെന്നാണ് പോലീസ് സംശയിക്കുന്നത്. കൊല്ലപ്പെട്ട അതുലിനെ പട്ടാപ്പകല് വെല്ലുവിളിച്ച് വെട്ടിവീഴ്ത്തിയ സംഘം കൃത്യത്തിന് ശേഷം തെളിവ് നശിപ്പിക്കാനും ശ്രമിച്ചു. ക്വാറിയിലെ സിസിടിവി ദൃശ്യങ്ങള് ഒരു സംഘമെത്തി കടത്തിക്കൊണ്ടുപോയത് ഉടമകളുടെ അറിവോടെയാണോ എന്ന് പോലീസ് പരിശോധിക്കുന്നു. വനിതാ അഭിഭാഷകയുടെ സുഹൃത്തിന് പ്രതികളുമായി അടുത്ത ബന്ധമുണ്ടെന്നതും അന്വേഷണ പരിധിയിലുണ്ട്.
ശബരിമല വിവാദങ്ങളിലും ബാര് കോഴ ആരോപണങ്ങളിലും നേരത്തെ പേര് കേട്ട സുനില് സ്വാമിയുടെ സാമ്പത്തിക ഇടപാടുകള് പോലീസ് അരിച്ചുപെറുക്കുകയാണ്. കോടികളുടെ പലിശ ഇടപാടുകള്ക്കും ക്വാറിയിലെ തര്ക്കങ്ങള് പരിഹരിക്കാനും ഈ ഗുണ്ടാസംഘത്തെ ഇവര് ഉപയോഗിച്ചിരുന്നോ എന്നാണ് ഹേമലത ഐപിഎസ് പ്രധാനമായും അന്വേഷിക്കുന്നത്. സിനിമ-രാഷ്ട്രീയ മേഖലകളിലെ സ്വാധീനം ഉപയോഗിച്ച് അന്വേഷണം അട്ടിമറിക്കാന് നീക്കങ്ങള് നടക്കുന്നുണ്ടെങ്കിലും കമ്മീഷണറുടെ ഉറച്ച നിലപാട് ഇതിന് തടസ്സമാവുകയാണ്.
ഉന്നതരായ ക്വാറി ഉടമകളെ ഉടന് തന്നെ ചോദ്യം ചെയ്യാനാണ് പ്രത്യേക അന്വേഷണ സംഘത്തിന്റെ തീരുമാനം. ഗുണ്ടകള്ക്ക് താവളമൊരുക്കുന്ന മാഫിയാ സംഘങ്ങളെ വേരോടെ പിഴുതെറിയാനുള്ള ഹേമലത ഐപിഎസിന്റെ നീക്കം കൊല്ലത്തെ ക്രിമിനല് ലോകത്ത് വലിയ ചലനമാണ് ഉണ്ടാക്കിയിരിക്കുന്നത്. വരും ദിവസങ്ങളില് സിനിമാ ലോകത്തെയും പണമിടപാട് രംഗത്തെയും പ്രമുഖര് പോലീസിന് മുന്നില് ഹാജരാകേണ്ടി വരുമെന്നുറപ്പാണ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ഇരുമ്പുമറ ഭേദിച്ച് ആ ‘രഹസ്യം’ പുറത്തേക്ക്; പിണറായി കാന്സര് അതിജീവിതന്; രാഷ്ട്രീയ കേരളത്തില് വന് ചര്ച്ച
