കൊച്ചി: ഇന്ത്യയും പാകിസ്ഥാനും ക്രിക്കറ്റ് മൈതാനത്ത് മത്സരത്തിനെത്തി. പാകിസ്ഥാന് നായകനെ നോക്കാതേയും കൈ കൊടുക്കാതേയും ടോസ് ഇടാന് വന്ന ഇന്ത്യന് നായകന് സൂര്യകുമാര് യാദവ് എന്ന സ്കൈ തന്റെ രാജ്യത്തിന്റെ വികാരം ഉയര്ത്തി പിടിച്ചു. പഹല്ഗാമിലെ ക്രൂരതയ്ക്കുള്ള മറുപടിയായിരുന്നു അത്. അന്ന് ഇന്ത്യന് ക്രിക്കറ്റ് ടീം നായകന് ചര്ച്ചകളിലെ താരമായി. അങ്ങനെയാകണം നിലപാട് എന്ന സോഷ്യല് മീഡിയ കുറിച്ചു. ഇതിന് സമാനമായി രണ്ടു പേര് അടുത്ത സമയം കണ്ടു മുട്ടി. സിപിഎം സംസ്ഥാന സെക്രട്ടറി എംവി ഗോവിന്ദനും നടന് ദിലീപും. അതിജീവിതയ്ക്കൊപ്പം എന്ന് പ്രഖ്യാപിക്കുന്ന പാര്ട്ടിയാണ് സിപിഎം. മുഖ്യമന്ത്രി പിണറായി വിജയന് അത് പ്രഖ്യാപിക്കുകയും ചെയ്തു. പക്ഷേ നടിയെ ആക്രമിച്ച കേസില് പ്രതിസ്ഥാനത്ത് നിന്നും കോടതി വെറുതെ വിട്ട ദിലീപിനെ കണ്ടതും പ്രഖ്യാപനമെല്ലാം ഗോവിന്ദന് മറന്നു. ഗോവിന്ദനെ കണ്ടതും ഉപചാരപൂര്വ്വം ദിലീപ് കൈകൂപ്പി. അത് സ്വാഭാവികം. പാകിസ്ഥാന് നായകനെ കണ്ടില്ലെന്ന് നടിച്ച് പോയ ഇന്ത്യന് ക്രിക്കറ്റ് ടീം നായകനെ പോലെ ഗോവിന്ദനും പോകുമെന്ന് കരുതി. എന്നാല് ഗോവിന്ദന്റെ ദിലീപിന്റെ അടുത്തേക്ക് ചെന്നു. കൈ പിടിച്ചു കുലുക്കി. ചെറിയ സുഖാന്വേഷണം. എന്നിട്ട് മുമ്പോട്ട് പോയി. ഇതെല്ലാം ശ്രീനിവാസന് അന്തിമോപചാരം അര്പ്പിക്കാന് ഗോവിന്ദന് എത്തിയപ്പോള് സംഭവിച്ചതാണ്. ഇതിന്റെ വീഡിയോ സോഷ്യല് മീഡിയയില് വൈറലാണ്.
സംസ്ഥാന പോലീസിന് തൊടാന് കഴിയാത്ത രാഷ്ട്രീയ വന്മരങ്ങളിലേക്ക് ഇ.ഡി കടന്നുചെല്ലും; ഭണ്ഡാരിയെയും ഗോവര്ദ്ധനെയും കസ്റ്റഡിയില് വാങ്ങി ചോദ്യം ചെയ്യുന്നതോടെ ‘വമ്പന് സ്രാവുകള്’ കുടുങ്ങും; ഇ.ഡി എത്തുമ്പോള് തകിടം മറിയുന്നത് രാഷ്ട്രീയ വന്മരങ്ങളുടെ ഉറക്കം; 30ന് എസ് ഐ ടിയും അന്വേഷണം നിര്ത്തില്ല; സര്ക്കാര് തിട്ടൂരം വെറുതെയായി
ശ്രീനിവാസന് അന്തിമോപചാരം അര്പ്പിക്കാനെത്തിയപ്പോഴുള്ള വീഡിയോ സോഷ്യല് മീഡിയയില് വൈറലായതോടെ രാഷ്ട്രീയ-സിനിമാ രംഗത്ത് വലിയ സംവാദങ്ങള്ക്കാണ് തുടക്കമിട്ടിരിക്കുന്നത്. അതിജീവിതയ്ക്കൊപ്പം നില്ക്കുമെന്ന് പ്രഖ്യാപിക്കുന്ന പാര്ട്ടിയാണ് സിപിഎം. മുഖ്യമന്ത്രി പിണറായി തന്നെ നിയമസഭയിലും പുറത്തും ഇക്കാര്യം വ്യക്തമാക്കിയിട്ടുള്ളതാണ്. എന്നാല്, നടിയെ ആക്രമിച്ച കേസില് പ്രതിസ്ഥാനത്തുണ്ടായിരുന്ന ദിലീപുമായി പാര്ട്ടി സെക്രട്ടറി സൗഹൃദം പങ്കുവെച്ചത് പാര്ട്ടിയുടെ പ്രഖ്യാപിത നിലപാടുകളിലെ വൈരുദ്ധ്യമാണെന്ന വിമര്ശനം ഇതിനോടകം ഉയര്ന്നു കഴിഞ്ഞു. ഇന്ത്യന് ക്യാപ്റ്റന്റെ നിലപാടിന് സമാനമായ ഒരു ആര്ജ്ജവം എം.വി. ഗോവിന്ദന്റെ ഭാഗത്തുനിന്നും അതിജീവിതയ്ക്ക് വേണ്ടി ഉണ്ടാകുമെന്ന് കരുതിയവര്ക്ക് ഈ കൂടിക്കാഴ്ച വലിയ നിരാശയാണ് നല്കിയത്.
ഗോവിന്ദനെ കണ്ടപ്പോള് ദിലീപ് ഉപചാരപൂര്വ്വം കൈകൂപ്പി. എന്നാല് ഒരു പുഞ്ചിരിയില് ഒതുക്കാതെ ദിലീപിന്റെ അടുത്തേക്ക് ചെന്ന് കൈ പിടിച്ചു കുലുക്കി കുശലാന്വേഷണം നടത്തിയാണ് ഗോവിന്ദന് മുന്നോട്ട് പോയത്. ഇത് വെറുമൊരു മര്യാദയ്ക്ക് അപ്പുറമാണെന്നാണ് വീഡിയോ കണ്ടവരുടെ പക്ഷം. അതിജീവിതയ്ക്ക് ആത്മവിശ്വാസം നല്കേണ്ട ഉത്തരവാദിത്തം ഭരണകക്ഷിക്കുണ്ട്. എന്നാല് കേസിലെ മുമ്പ് പ്രതിയായിരുന്ന പരസ്യമായി ഇത്രയും സൗഹൃദം കാട്ടുന്നത് കേസിനെ തന്നെ ബാധിക്കുമെന്നും പോലീസിനും അന്വേഷണ ഉദ്യോഗസ്ഥര്ക്കും ഇത് തെറ്റായ സൂചന നല്കുമെന്നും രാഷ്ട്രീയ നിരീക്ഷകര് വിലയിരുത്തുന്നു. വിധിക്കെതിരെ സര്ക്കാര് അപ്പീല് നല്കുമെന്ന് പ്രഖ്യാപിച്ചിട്ടുണ്ട്.
ശ്രീനന്ദ ഇനി നൊമ്പരച്ചിത്രം; 1500 അടി താഴ്ചയില് മൃതദേഹം കണ്ടെത്തി; നിലയ്ക്കാതെ കണ്ണീര്
വീഡിയോ പുറത്തുവന്നതോടെ വലിയ രീതിയിലുള്ള സൈബര് പോരാണ് നടക്കുന്നത്. ‘അതിജീവിതയ്ക്കൊപ്പം എന്ന് പറയുന്നത് രാഷ്ട്രീയ നാടകമാണോ?’ എന്നാണ് ഭൂരിഭാഗം പേരുടെയും ചോദ്യം. പാര്ട്ടി പ്രവര്ത്തകര്ക്കിടയിലും ഈ കൂടിക്കാഴ്ച അസ്വാരസ്യമുണ്ടാക്കിയിട്ടുണ്ട്. നടി ആക്രമിക്കപ്പെട്ട കേസിനുശേഷം പൊതുവേദികളില് നിന്നും പാര്ട്ടി പരിപാടികളില് നിന്നും ദിലീപിനെ അകറ്റി നിര്ത്താന് പല രാഷ്ട്രീയക്കാരും പ്രത്യേകിച്ച് സിപിഎമ്മും ശ്രമിക്കാറുണ്ട്. ഈ സംഭവം പാര്ട്ടിയുടെ ഗൗരവത്തെ ചോര്ത്തുന്നുവെന്ന പരാതി ശക്തമാണ്. ഗോവിന്ദന്റെ ഈ നീക്കം ദിലീപിന് രാഷ്ട്രീയമായ അംഗീകാരം നല്കുന്നതിന് തുല്യമാണെന്നും വിമര്ശനമുണ്ട്. വിവാദത്തില് സിപിഎം ഇതുവരെ ഔദ്യോഗികമായി പ്രതികരിച്ചിട്ടില്ല.
ഒരു മരണവീട്ടിലെ പൊതുവായ മര്യാദ മാത്രമാണിതെന്നും രാഷ്ട്രീയമായി ഇതിനെ കാണേണ്ടതില്ലെന്നുമാണ് ഗോവിന്ദന് അനുകൂലികളുടെ വാദം. നിലപാടുകള് വാക്കുകളില് മാത്രം മതിയോ എന്ന ചോദ്യം അതിജീവിതയ്ക്ക് വേണ്ടി വാദിക്കുന്നവര് ഉയര്ത്തുന്നു. ഗോവിന്ദന്റെ മകനും സിനിമാ മേഖലയിലുള്ള വ്യക്തിയാണ്. അതുകൊണ്ടാണോ സൗഹൃദം കാട്ടിയതെന്ന ചോദ്യവും സജീവം.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
