കോഴിക്കോട്: മലബാര് രാഷ്ട്രീയത്തെ പിടിച്ചുകുലുക്കി കൊടുവള്ളിയില് വന് രാഷ്ട്രീയ അട്ടിമറി. ഇടത് സ്വതന്ത്രനായി ജയിച്ച് ലീഗിന്റെ ഉരുക്കുകോട്ടയില് വിള്ളലുണ്ടാക്കിയ കാരാട്ട് റസാഖ് ഒടുവില് മാതൃസംഘടനയായ മുസ്ലിം ലീഗിലേക്ക് മടങ്ങി. പാണക്കാട്ടെത്തി സാദിഖലി ശിഹാബ് തങ്ങളില് നിന്ന് അംഗത്വം സ്വീകരിച്ചതോടെ കൊടുവള്ളിയിലെ ഇടത് സ്വപ്നങ്ങള്ക്ക് മേല് കരിനിഴല് വീണിരിക്കുകയാണ്. പി.വി. അന്വര് ഉയര്ത്തിയ പടയൊരുക്കത്തിന് പിന്നാലെ റസാഖും കൂടുമാറിയത് വരാനിരിക്കുന്ന നിയമസഭാ തിരഞ്ഞെടുപ്പില് സി.പി.എമ്മിന് കനത്ത തിരിച്ചടിയാകും.
2016-ല് സീറ്റ് തര്ക്കത്തെത്തുടര്ന്ന് ലീഗ് വിട്ട റസാഖ്, അന്ന് ഇടത് സ്വതന്ത്രനായി മത്സരിച്ച് യു.ഡി.എഫിനെ ഞെട്ടിച്ചിരുന്നു. പി.ടി.എ റഹീമിന് ശേഷം കൊടുവള്ളിയില് ലീഗിനെ വിറപ്പിച്ച ഏക നേതാവായിരുന്നു അദ്ദേഹം. എന്നാല് 2021-ലെ തോല്വിക്ക് പിന്നാലെ സി.പി.എം നേതൃത്വവുമായി അകന്ന റസാഖ്, പിണറായി സര്ക്കാരിനെതിരെ പി.വി. അന്വര് ഉയര്ത്തിയ ‘മരുമോനിസ’ വിരുദ്ധ പോരാട്ടത്തിന് പരസ്യ പിന്തുണ പ്രഖ്യാപിച്ചതോടെയാണ് ഇടത് ബന്ധം പൂര്ണ്ണമായും അറുത്തത്.
ആരോഗ്യകാരണങ്ങളാല് ഡോ. എം.കെ. മുനീര് മാറിനില്ക്കുന്ന കൊടുവള്ളിയില് ഇത്തവണ ലീഗ് പോരിനിറക്കുന്നത് പി.കെ. ഫിറോസിനെയാണ്. മണ്ഡലത്തില് വ്യക്തിപരമായ വലിയ സ്വാധീനമുള്ള കാരാട്ട് റസാഖിന്റെ തിരിച്ചുവരവ് ഫിറോസിന്റെ വിജയസാധ്യത ഇരട്ടിയാക്കും. പ്രാദേശിക നേതൃത്വത്തിന്റെ എതിര്പ്പുകള് അവഗണിച്ച് സംസ്ഥാന നേതൃത്വം റസാഖിനെ തിരികെ എത്തിച്ചത് കൊടുവള്ളി പിടിച്ചെടുക്കുക എന്ന ലക്ഷ്യത്തോടെ തന്നെയാണ്.
പി.ടി.എ റഹീമിനൊപ്പം ചേര്ന്ന് കൊടുവള്ളിയില് ലീഗ് വിരുദ്ധ ചേരി കെട്ടിപ്പടുത്ത റസാഖ് മടങ്ങിയതോടെ എല്.ഡി.എഫിന്റെ വോട്ട് ബാങ്കില് വലിയ ചോര്ച്ചയുണ്ടാകുമെന്ന് ഉറപ്പായി. അന്വറിന് പിന്നാലെ റസാഖും സി.പി.എം വിരുദ്ധ നിലപാട് കടുപ്പിച്ചത് മലബാര് മേഖലയില് ഇടതുമുന്നണിക്ക് വലിയ ആഘാതമാണ് സൃഷ്ടിച്ചിരിക്കുന്നത്.
തിരഞ്ഞെടുപ്പ് ഗോദയില് കൊടുവള്ളി ഇനി ആര്ക്കൊപ്പം നില്ക്കുമെന്ന ചോദ്യത്തിന്, റസാഖിന്റെ പാണക്കാട്ടെ മടക്കം തന്നെയാകും പ്രധാന ഉത്തരം. യു.ഡി.എഫ് ക്യാമ്പുകളില് ആവേശം വാനോളമുയരുമ്പോള്, കരുത്തനായ നേതാവിനെ നഷ്ടപ്പെട്ട ആധിയിലാണ് പ്രാദേശിക സി.പി.എം നേതൃത്വം.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
പി.ടി. കുഞ്ഞുമുഹമ്മദ് കുരുക്കില് ! ചലച്ചിത്ര പ്രവര്ത്തകയെ പീഡിപ്പിച്ച കേസില് കുറ്റപത്രം സമര്പ്പിച്ചു; സിസിടിവി ദൃശ്യങ്ങള് നിര്ണ്ണായകമായി; അഞ്ച് വര്ഷം വരെ തടവ് ലഭിക്കാവുന്ന കുറ്റം!
