തൃശൂർ: ശമ്പള പരിഷ്കരണം ആവശ്യപ്പെട്ട് സംസ്ഥാനത്തെ സ്വകാര്യ ആശുപത്രികളിലെ നഴ്സുമാർ നാളെ പണിമുടക്കും. യുണൈറ്റഡ് നഴ്സസ് അസോസിയേഷന്റെ (UNA) നേതൃത്വത്തിലാണ് സംസ്ഥാനവ്യാപകമായി പ്രതിഷേധം സംഘടിപ്പിക്കുന്നത്. കഴിഞ്ഞ ഏഴ് വർഷമായി ശമ്പള പരിഷ്കരണം നടപ്പിലാക്കാത്തതിൽ പ്രതിഷേധിച്ചാണ് നഴ്സുമാർ പണിമുടക്കിലേക്ക് നീങ്ങുന്നത്. അടിസ്ഥാന ശമ്പളം 40,000 രൂപയായി വർദ്ധിപ്പിക്കണമെന്നാണ് സംഘടനയുടെ പ്രധാന ആവശ്യം.
സ്ത്രീ സുരക്ഷയ്ക്ക് പുതിയ കരുത്ത്: കേരള പോലീസിന്റെ ‘നിർഭയ നിശ’ പദ്ധതിയുടെ സംസ്ഥാനതല ഉദ്ഘാടനം ഇന്ന് മുഖ്യമന്ത്രി നിർവ്വഹിക്കും. സുരക്ഷയ്ക്കായി സ്മാർട്ട് പോളുകളും എ.ഐ ക്യാമറകളും!
മൂന്ന് വർഷത്തിലൊരിക്കൽ ശമ്പള പരിഷ്കരണം നടത്തണമെന്ന നിയമം അട്ടിമറിക്കപ്പെട്ടുവെന്ന് യു.എൻ.എ ദേശീയ പ്രസിഡന്റ് ജാസ്മിൻ ഷാ ആരോപിച്ചു. നിലവിൽ ഭൂരിഭാഗം നഴ്സുമാർക്കും 20,000 രൂപ പോലും ലഭിക്കാത്ത സാഹചര്യമാണുള്ളതെന്നും അദ്ദേഹം ചൂണ്ടിക്കാട്ടി.
അതേസമയം, ശമ്പള കുടിശ്ശിക ഉൾപ്പെടെയുള്ള വിവിധ ആവശ്യങ്ങൾ ഉന്നയിച്ച് സർക്കാർ മെഡിക്കൽ കോളജുകളിലെ ഡോക്ടർമാർ നടത്തുന്ന ഒ.പി ബഹിഷ്കരണം അഞ്ചാം ദിവസത്തിലേക്ക് കടന്നു. സമരത്തിൽ പങ്കെടുക്കുന്നവർക്ക് സർക്കാർ ഡയസ്നോൺ (Dies-non) പ്രഖ്യാപിച്ചെങ്കിലും പിന്മാറാൻ കെ.ജി.എം.സി.ടി.എ (KGMCTA) തയ്യാറായിട്ടില്ല. ചർച്ചകൾ പരാജയപ്പെട്ട സാഹചര്യത്തിൽ ഫെബ്രുവരി 26 മുതൽ പരീക്ഷാ ജോലികൾ ഉൾപ്പെടെ ബഹിഷ്കരിച്ച് അനിശ്ചിതകാല സമരത്തിലേക്ക് നീങ്ങാനാണ് ഡോക്ടർമാരുടെ തീരുമാനം.
റസൂൽ പൂക്കുട്ടി കേരള ചലച്ചിത്ര അക്കാദമി ചെയർമാൻ സ്ഥാനം രാജിവെച്ചു
സമരത്തിൽ പങ്കെടുക്കുന്നവരുടെ വിവരങ്ങൾ ശേഖരിക്കാൻ സർക്കാർ ജില്ലാ മെഡിക്കൽ വിദ്യാഭ്യാസ ഡയറക്ടർമാർക്ക് നിർദ്ദേശം നൽകിയിട്ടുണ്ട്. പണിമുടക്ക് ശക്തമാകുന്നതോടെ സംസ്ഥാനത്തെ ആരോഗ്യ പരിപാലന രംഗം വരും ദിവസങ്ങളിൽ പൂർണ്ണമായും പ്രതിസന്ധിയിലാകുമെന്ന ആശങ്ക ശക്തമാണ്. എങ്കിലും അടിയന്തര ചികിത്സാ വിഭാഗങ്ങളെ (Emergency Services) സമരത്തിൽ നിന്ന് ഒഴിവാക്കിയിട്ടുണ്ട്.
