തൃശൂര്: പാല് പിരിക്കാതെ തന്നെ നേരിട്ട് തൈരും മറ്റ് പാലുല്പ്പന്നങ്ങളും നിര്മ്മിക്കാനാവശ്യമായ നൂതന വിദ്യയുമായി കേരള വെറ്ററിനറി ആന്റ് ആനിമല് സയന്സസ് സര്വ്വകലാശാലയിലെ ശാസ്ത്രജ്ഞര്. നീണ്ട കാലത്തെ ഗവേഷണങ്ങള്ക്കും പരിശോധനകള്ക്കും ശേഷം ഈ കണ്ടെത്തലിന് കേന്ദ്ര സര്ക്കാരിന്റെ പേറ്റന്റ് ലഭിച്ചു. തൈരിന്റെ ഗുണമേന്മ വര്ദ്ധിപ്പിക്കാനും കൂടുതല് കാലം കേടുകൂടാതെ സൂക്ഷിക്കാനും സഹായിക്കുന്ന ‘സ്റ്റാര്ട്ടര് കള്ച്ചര്’ സാങ്കേതികവിദ്യയാണ് ഇവര് വികസിപ്പിച്ചെടുത്തത്.
ക്ഷേമ പെൻഷൻ വിതരണം ഈ മാസം 25 മുതൽ
തിരുവനന്തപുരം ഡെയറി സയന്സ് കോളേജിലെയും മണ്ണുത്തി വര്ഗീസ് കുര്യന് ഇന്സ്റ്റിറ്റ്യൂട്ടിലെയും ഡോ. രജീഷ് ആര്, ഡോ. ബീന എ.കെ ഉള്പ്പെടെയുള്ള ആറംഗ സംഘമാണ് ഈ നേട്ടത്തിന് പിന്നില്. സാധാരണ ഗതിയില് വായുരഹിത ശ്വസനത്തിലൂടെ പാല് പുളിപ്പിക്കുന്ന ബാക്ടീരിയകളെ, വായുസഹിത ശ്വസനപ്രക്രിയയ്ക്ക് വിധേയമാക്കിയപ്പോഴാണ് ഈ അത്ഭുത മാറ്റം സംഭവിച്ചത്. ഇത്തരത്തില് തയ്യാറാക്കുന്ന ‘ഉറ’ നാലു മാസത്തിലധികം ഫ്രിഡ്ജില് സൂക്ഷിക്കാനാകും.
ഇത് ക്ഷീരകര്ഷകര്ക്കും വ്യവസായ മേഖലയ്ക്കും വലിയ ആശ്വാസമാകും. ഉല്പ്പന്നങ്ങളുടെ കാര്യശേഷിയും സഹിഷ്ണുതയും വര്ദ്ധിക്കുന്നതോടെ വിപണിയില് വലിയ വിപ്ലവം സൃഷ്ടിക്കാന് ഈ കണ്ടുപിടിത്തത്തിന് കഴിയുമെന്നാണ് പ്രതീക്ഷ
പയ്യോളിയിൽ പ്ലസ്ടു വിദ്യാർഥിയെ കാണാതായി; ട്യൂഷന് പോയ വിദ്യാർഥിക്കായി അന്വേഷണം ഊർജിതം
