തൊടുപുഴ: ഇടുക്കി സിപിഎമ്മില് പടലപ്പിണക്കം രൂക്ഷമാകുന്നു. കേരളാ കോണ്ഗ്രസിനെ പിളര്ത്താന് നോക്കിയെന്ന സി.വി. വര്ഗീസിന്റെ വെളിപ്പെടുത്തല് പുറത്തായതോടെ പാര്ട്ടി പ്രതിരോധത്തിലായിരിക്കുകയാണ്.
അടച്ചിട്ട മുറിയില് നടന്ന പാര്ട്ടി യോഗത്തിലെ സംസാരം ആര് റെക്കോര്ഡ് ചെയ്തു, അത് എങ്ങനെ പുറത്തായി എന്നതിനെക്കുറിച്ച് സിപിഎം അന്വേഷണം പ്രഖ്യാപിച്ചു കഴിഞ്ഞു. വര്ഗീസിനെ പൂട്ടാന് സ്വന്തം പാളയത്തില് നിന്ന് തന്നെ ആരോ പണി കൊടുത്തതാണെന്ന സംശയം ശക്തമാണ്. ജില്ലാ സെക്രട്ടറിയുടെ നാക്കുപിഴ ഇടുക്കിയില് പാര്ട്ടിയെയും മുന്നണിയെയും ഒരുപോലെ പ്രതിസന്ധിയിലാക്കിയിരിക്കുകയാണ്.
ജോസ് കെ മാണിയെ തഴഞ്ഞ് റോഷി അഗസ്റ്റിനെ പുകഴ്ത്തിയ വര്ഗീസിന്റെ നടപടിയില് ജോസ് പക്ഷം കടുത്ത അമര്ഷത്തിലാണ്. മുന്നണി മര്യാദകള് ലംഘിച്ച വര്ഗീസിനെതിരെ നടപടി വേണമെന്ന് ജോസ് കെ മാണി മുഖ്യമന്ത്രിയോട് നേരിട്ട് ആവശ്യപ്പെട്ടു കഴിഞ്ഞു. രാഷ്ട്രീയ കേരളം ഉറ്റുനോക്കുന്നത് പിണറായിയുടെ നീക്കത്തിലേക്കാണ്. ജോസിനെ ആശ്വസിപ്പിക്കാന് വര്ഗീസിനെ പരസ്യമായി മുഖ്യമന്ത്രി ശാസിച്ചേക്കുമെന്നാണ് റിപ്പോര്ട്ടുകള്. എന്നാല്, സ്വന്തം മന്ത്രിയെപ്പോലും വിശ്വസിക്കാന് പറ്റാത്ത അവസ്ഥയില് ജോസ് കെ മാണി പകച്ചുനില്ക്കുകയാണ്.
ഈ രാഷ്ട്രീയ നാടകം മുതലെടുക്കാന് യുഡിഎഫ് സജീവമായി രംഗത്തുണ്ട്. മുസ്ലിം ലീഗും കോണ്ഗ്രസും ജോസ് കെ മാണിയെ തിരികെ എത്തിക്കാന് ചരടുവലികള് തുടങ്ങിക്കഴിഞ്ഞു. ഇടുക്കിയില് സിപിഎമ്മിനുള്ളിലെ ഈ ചാരപ്പണി വരും ദിവസങ്ങളില് കൂടുതല് വെളിപ്പെടുത്തലുകളിലേക്ക് വഴിമാറുമെന്ന് ഉറപ്പാണ്. വര്ഗീസിന്റെ ഓഡിയോ ലീക്കായതോടെ സിപിഎം ഇടുക്കി ജില്ലാ കമ്മിറ്റിയില് ഗ്രൂപ്പ് പോര് തെരുവിലേക്ക് വലിച്ചിഴയ്ക്കപ്പെടുമോ എന്നാണ് ഇനി അറിയേണ്ടത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
തിരുവനന്തപുരം ബ്രഹ്മോസ് യൂണിറ്റിന് 180 ഏക്കർ ഭൂമി സൗജന്യമായി നൽകാൻ മന്ത്രിസഭാ തീരുമാനം; പ്രതിരോധ മേഖലയിൽ നിർണ്ണായക ചുവടുവെപ്പ്.കാട്ടാക്കടയിൽ ഉയരുന്നത് വമ്പൻ പ്രതിരോധ സമുച്ചയം;
