കൊച്ചി: മലയാള സിനിമയില് വീണ്ടും നിവിന് പോളി തരംഗം ആഞ്ഞടിക്കുന്നു. ‘ഫാര്മ’ സീരീസിന്റെ ഗംഭീര വിജയത്തിന് പിന്നാലെ ‘സര്വ്വം മായ’ നൂറു കോടി ക്ലബ്ബില് ഇടംപിടിച്ചതോടെ നിവിന് പോളിയുടെ ജൈത്രയാത്ര തുടരുകയാണ്. വിജയഗാഥകള്ക്കിടയിലേക്ക് തന്റെ കരിയറിലെ ഏറ്റവും വ്യത്യസ്തമായ കഥാപാത്രവുമായി ‘ബേബി ഗേള്’ എന്ന ചിത്രത്തിലൂടെ നിവിന് എത്തുന്നു.
സന്ദീപ് പ്രദീപ് ചിത്രം ‘കോസ്മിക് സാംസൺ’ ചിത്രീകരണം പൂർത്തിയായി; ഹോളിവുഡ് ആക്ഷൻ മാസ്റ്റർ വ്ലാഡ് റിംബർഗ് വീണ്ടും മലയാളത്തിലേക്ക്
‘ഗരുഡന്’ എന്ന സൂപ്പര്ഹിറ്റിന് ശേഷം അരുണ് വര്മ്മ സംവിധാനം ചെയ്യുന്ന ഈ ചിത്രം നിവിന് പോളിയുടെ സിംഹാസനം മലയാള സിനിമയില് കൂടുതല് ഭദ്രമാക്കുമെന്നുറപ്പാണ്. ആശുപത്രി അറ്റന്ഡന്റായ സനല് മാത്യു എന്ന സാധാരണക്കാരനായി നിവിന് വെള്ളിത്തിരയില് പകര്ന്നാടുമ്പോള്, അത് മലയാളി പ്രേക്ഷകര്ക്ക് ഹൃദയസ്പര്ശിയായ മറ്റൊരു അനുഭവമാകും.
മാജിക് ഫ്രെയിംസിന്റെ ബാനറില് ലിസ്റ്റിന് സ്റ്റീഫന് നിര്മ്മിക്കുന്ന ചിത്രത്തിന് തിരക്കഥയൊരുക്കുന്നത് ഹിറ്റ് മേക്കര്മാരായ ബോബി-സഞ്ജയ് ടീമാണ്. ഒരു നവജാത ശിശുവുമായി ബന്ധപ്പെട്ട് വളരെ ചുരുങ്ങിയ സമയത്തിനുള്ളില് നടക്കുന്ന സംഭവങ്ങളെ റിയലിസ്റ്റിക് ടോണില് അവതരിപ്പിക്കുന്ന ചിത്രം സാമൂഹിക പ്രാധാന്യമുള്ള ഒരു വിഷയമാണ് ചര്ച്ച ചെയ്യുന്നത്.
‘സര്വ്വം മായ’യ്ക്ക് ശേഷം ഹിറ്റടിക്കാന് നിവിന് പോളി വീണ്ടും വരുന്നു! ബോബി-സഞ്ജയ് ടീമിന്റെ ‘ബേബി ഗേള്’
ഇതിനകം തന്നെ പ്രേക്ഷകര് ഏറ്റെടുത്ത നിവിന്റെ പുതിയ രൂപമാറ്റം ചിത്രത്തിന് വലിയ ഹൈപ്പാണ് നല്കുന്നത്. ലിജോ മോള് നായികയായെത്തുന്ന ചിത്രത്തില് സംഗീത് പ്രതാപ്, അഭിമന്യു തിലകന് എന്നിവര്ക്കൊപ്പം ജനിച്ച് നാല് ദിവസം മാത്രം പ്രായമുള്ള കുഞ്ഞും ഒരു പ്രധാന വേഷം കൈകാര്യം ചെയ്യുന്നുവെന്ന പ്രത്യേകതയുമുണ്ട്.
തെന്നിന്ത്യന് സംഗീത മാന്ത്രികന് സാം സി.എസ് ഈണമിടുന്ന ചിത്രത്തിനായി ഫയസ് സിദ്ദിഖാണ് ദൃശ്യങ്ങള് പകര്ത്തിയിരിക്കുന്നത്. അസീസ് നെടുമങ്ങാട്, ജാഫര് ഇടുക്കി, മേജര് രവി തുടങ്ങിയ വന് താരനിരയും ചിത്രത്തിന്റെ ഭാഗമാണ്. ‘ഗരുഡന്’ എന്ന ഇന്വെസ്റ്റിഗേഷന് ത്രില്ലറില് നിന്ന് മാറി ഒരു റിയല് ലൈഫ് സ്റ്റോറിയിലേക്ക് അരുണ് വര്മ്മ ചുവടുമാറ്റുമ്പോള്, അത് നിവിന് പോളിയുടെ കരിയറിലെ തന്നെ മികച്ച വേഷങ്ങളിലൊന്നായി മാറുമെന്നാണ് സിനിമാ ലോകത്തെ വിലയിരുത്തല്.
തിയേറ്ററുകള് കീഴടക്കാന് ബേബി ഗേള് ഒരുങ്ങുമ്പോള് നിവിന് പോളിയുടെ പഴയ പ്രതാപം മടങ്ങിയെത്തുന്നതിന്റെ ആവേശത്തിലാണ് ആരാധകര്. കാണാതായ ഒരു നവജാത ശിശുവിനെ കണ്ടെത്താനുള്ള ശ്രമങ്ങളെ ആസ്പദമാക്കി അരുണ് വര്മ്മ സംവിധാനം ചെയ്ത ഈ ത്രില്ലറിനെക്കുറിച്ച് സോഷ്യല് മീഡിയയില് വരുന്ന പ്രധാന അഭിപ്രായങ്ങള് ഇവയാണ്:
മികച്ച പ്രകടനങ്ങള്: ചിത്രത്തില് ലിജോമോള് ജോസിന്റെ പ്രകടനം അങ്ങേയറ്റം പ്രശംസിക്കപ്പെടുന്നുണ്ട്. നിവിന് പോളിയുടെ നിയന്ത്രിതമായ അഭിനയ ശൈലിയും (restrained performance) പ്രേക്ഷകര്ക്ക് ഇഷ്ടപ്പെട്ടു. ഓവര് ആക്ടിംഗോ അമിതമായ ഹീറോയിസമോ ഇല്ലാത്ത നിവിന്റെ കഥാപാത്രം ചിത്രത്തിന് മുതല്ക്കൂട്ടാണെന്ന് പലരും അഭിപ്രായപ്പെട്ടു.
മികച്ച ത്രില്ലര്: ഒരു ദിവസം കൊണ്ട് നടക്കുന്ന ഉദ്വേഗഭരിതമായ കഥാഗതിയും, രണ്ട് മണിക്കൂറിനുള്ളില് നില്ക്കുന്ന ദൈര്ഘ്യവും ചിത്രത്തിന്റെ പോസിറ്റീവ് ഘടകങ്ങളായി പ്രേക്ഷകര് ചൂണ്ടിക്കാട്ടുന്നു. സാം സി.എസിന്റെ സംഗീതവും ചിത്രത്തിന് വലിയ പിന്തുണ നല്കുന്നുണ്ട്.
