ശാസ്താംകോട്ട: യുവാക്കളുടെ ശീലങ്ങളെയും രാത്രികാല സഞ്ചാരത്തെയും കുറിച്ച് ശാസ്താംകോട്ട മുന് എസ്.ഐ ഷാനവാസ് നടത്തിയ പ്രസംഗം കേരളത്തിലെ സൈബര് ഇടങ്ങളില് ചര്ച്ചയായി മാറുന്നു. ലഹരി ഉപയോഗം തിരിച്ചറിയാനും തടയാനുമുള്ള മാര്ഗങ്ങള് എന്ന നിലയില് അദ്ദേഹം മുന്നോട്ടുവെച്ച നിര്ദ്ദേശങ്ങളാണ് അനുകൂലിച്ചും പ്രതികൂലിച്ചും ആളുകള് ഏറ്റെടുത്തിരിക്കുന്നത്.
അടുപ്പുകള് പുകയില്ല; വാണിജ്യ സിലിണ്ടറുകള് കിട്ടാനില്ല; ഹോട്ടലുകള് അടച്ചുപൂട്ടലിലേക്ക്; കേരളത്തിലെ തട്ടുകടകളെല്ലാം പ്രതിസന്ധിയിലേക്ക്
കണ്ണ് എഴുതുന്ന യുവാക്കളെ പ്രത്യേകം ശ്രദ്ധിക്കണമെന്നും, ലഹരി ഉപയോഗം മൂലം കണ്ണുകള്ക്കുണ്ടാകുന്ന മാറ്റങ്ങള് മറയ്ക്കാനാണ് പലരും ഇങ്ങനെ ചെയ്യുന്നതെന്നുമാണ് അദ്ദേഹം പറയുന്നത്. രാത്രി 9 മണിക്ക് ശേഷമുള്ള ചായകുടി: രാത്രി ഒന്പത് മണിക്ക് ശേഷം ചായ കുടിക്കാനെന്ന വ്യാജേന പുറത്തിറങ്ങുന്ന കൗമാരക്കാരെ അതിന് അനുവദിക്കരുത്. നമ്മുടെ സമൂഹം ഒന്പത് മണിക്ക് ആഹാരം കഴിച്ച് ഉറങ്ങേണ്ടവരാണെന്നും അദ്ദേഹം ഓര്മ്മിപ്പിച്ചു. 7 മണി കഴിഞ്ഞാല് പുറത്തിറക്കരുത്: ആണ്കുട്ടികളെ രാത്രി ഏഴ് മണിക്ക് ശേഷം പുറത്തുവിടുന്നത് അവര് മയക്കുമരുന്നിന് അടിമപ്പെടാന് കാരണമാകുമെന്നും മാതാപിതാക്കള് ജാഗ്രത പാലിക്കണമെന്നും അദ്ദേഹം പ്രസംഗത്തില് വ്യക്തമാക്കി.
ഷാനവാസിന്റെ പ്രസ്താവനകള് പുറത്തുവന്നതോടെ സോഷ്യല് മീഡിയ രണ്ട് തട്ടിലായി തിരിഞ്ഞിരിക്കുകയാണ്. ആധുനിക കാലത്ത് ‘നൈറ്റ് ലൈഫ്’ സാമ്പത്തിക-വിനോദ മേഖലകളില് വലിയ പ്രാധാന്യമുള്ള ഒന്നാണ്. രാത്രി സഞ്ചാരത്തെ കുറ്റകൃത്യമായി കാണുന്നത് പിന്തിരിപ്പന് ചിന്താഗതിയാണെന്ന് ഇവര് വാദിക്കുന്നു. ജോലി കഴിഞ്ഞ് വൈകി എത്തുന്നവരും ഷിഫ്റ്റുകളില് ജോലി ചെയ്യുന്നവരുമുള്ള ഈ കാലത്ത് രാത്രികാല നിയന്ത്രണങ്ങള് വ്യക്തിസ്വാതന്ത്ര്യത്തിന് മേലുള്ള കടന്നുകയറ്റമാണെന്നാണ് ഒരു വിഭാഗത്തിന്റെ ആക്ഷേപം. ഇത്തരം വാദങ്ങള് ഉയര്ത്തുന്നവര് ലഹരി മാഫിയയെ സഹായിക്കുന്നവരാണോ എന്ന് സംശയിക്കേണ്ടിയിരിക്കുന്നു എന്ന് മറുഭാഗം തിരിച്ചടിക്കുന്നു.
ഡി മണിയെ കുറ്റവിമുക്തനാക്കിയിട്ടില്ല; ശബരിമല സ്വര്ണക്കൊള്ള: പ്രവാസി വ്യവസായിയെ വീണ്ടും ചോദ്യം ചെയ്യും; അന്വേഷണം നിര്ണ്ണായക ഘട്ടത്തിലേക്ക്; തന്ത്രിക്ക് പിന്നാലെ ആരും അഴിക്കുള്ളിലാകാം
മറുവശത്ത്, പോലീസുകാരന് എന്ന നിലയിലുള്ള അദ്ദേഹത്തിന്റെ പ്രായോഗിക അനുഭവങ്ങളാണ് അദ്ദേഹം പങ്കുവെച്ചതെന്നാണ് വലിയൊരു വിഭാഗം വിശ്വസിക്കുന്നത്. തിരിച്ചറിവില്ലാത്ത പ്രായത്തില് വഴിതെറ്റാന് സാധ്യതയുള്ള കുട്ടികളെ കുറിച്ച് മാതാപിതാക്കള്ക്കുള്ള മുന്നറിയിപ്പാണിത്. രാത്രികാലങ്ങളില് ലഹരി സംഘങ്ങള് സജീവമാകുന്ന സാഹചര്യത്തില് കുട്ടികള്ക്ക് അനാവശ്യ സ്വാതന്ത്ര്യം നല്കുന്നത് അപകടമാണെന്നും, നമ്മുടെ സംസ്കാരത്തിന് ചേരാത്ത രാത്രി ശീലങ്ങള് നാശത്തിലേക്കേ നയിക്കൂ എന്നും ഇവര് വാദിക്കുന്നു.
സുരക്ഷയും സ്വാതന്ത്ര്യവും തമ്മിലുള്ള നേര്ത്ത നൂല്പ്പാലത്തിലാണ് ഈ ചര്ച്ചകള്. ലഹരി എന്ന മഹാവിപത്തിനെ തടയാന് കര്ശന നിയന്ത്രണങ്ങള് വേണോ അതോ ബോധവല്ക്കരണമാണോ പ്രധാനം എന്ന കാര്യം ചര്ച്ചയാകുകയാണ്. പോലീസുകാരന്റെ വാക്കുകള് ഏറെ പ്രസക്തവുമാണ്.
അതുല് കൊല്ലത്തിന്റെ ഫെയ്സ് ബുക്ക് പോസ്റ്റ് ചുവടെ
