കല്പ്പറ്റ: പറവൂരിലെ പുനര്ജനി പുനരധിവാസ പദ്ധതിയുമായി ബന്ധപ്പെട്ട വിദേശ പണപ്പിരിവ് കേസില് സിബിഐ അന്വേഷണം ആവശ്യപ്പെട്ടുള്ള വിജിലന്സ് ശുപാര്ശയെ പൂര്ണ്ണമായും സ്വാഗതം ചെയ്യുന്നതായി പ്രതിപക്ഷ നേതാവ് വി.ഡി. സതീശന് വ്യക്തമാക്കി. വര്ലസ് മീഡിയയോട് അതീവ ആത്മവിശ്വാസത്തോടെയാണ് അദ്ദേഹം സര്ക്കാരിനെ വെല്ലുവിളിച്ചത്. വിജിലന്സ് ശുപാര്ശ മുഖ്യമന്ത്രിക്ക് മുന്നിലെത്തിയിട്ടുണ്ടെങ്കില് അതില് ഉടന് അന്വേഷണം പ്രഖ്യാപിക്കണമെന്നും ഏത് അന്വേഷണത്തെയും നേരിടാന് താന് സജ്ജനാണെന്നും അദ്ദേഹം പറഞ്ഞു.
ഭാവനയോട് പിണറായി നേരിട്ട് സമ്മതം ചോദിക്കും; കളി മാറ്റാന് ‘കണ്ണൂര്’ ഓഫര്; ഐഷാ പോറ്റിയുടെ കൂറുമാറ്റത്തിന് ഭാവനയിലൂടെ തിരിച്ചടി നല്കാന് സിപിഎം; ഇടതുപക്ഷത്തിന്റെ ‘ബിഗ് സര്പ്രൈസ്’ ഭാവനയില്; ഇടതിന് ഭരണം തുടര്ച്ച കിട്ടിയാല് മന്ത്രിയാകാനും സാധ്യത; നടി സമ്മതം മൂളുമെന്ന് സൂചന
നിയമസഭാ തിരഞ്ഞെടുപ്പിന് കേവലം രണ്ട് മാസം മാത്രം ബാക്കിയുള്ളപ്പോള് ഇത്തരമൊരു ശുപാര്ശ വരുന്നത് രാഷ്ട്രീയ ലക്ഷ്യത്തോടെയാണെന്നും വാര്ത്തയുടെ ‘ടൈമിംഗ്’ ശ്രദ്ധേയമാണെന്നും സതീശന് ചൂണ്ടിക്കാട്ടി. തിരഞ്ഞെടുപ്പ് വേളയില് ഇങ്ങനെയൊരു നീക്കം നടത്തിയാല് അത് മനസ്സിലാക്കാനുള്ള സാമാന്യബുദ്ധി കേരളത്തിലെ ജനങ്ങള്ക്കുണ്ടെന്നും അദ്ദേഹം പരിഹസിച്ചു. ഈ വാര്ത്ത മാധ്യമങ്ങള്ക്ക് നല്കിയവരോട് താന് ‘മരണഭയത്തിലാണ്’ എന്ന് പോയി പറയണമെന്ന് അദ്ദേഹം പരിഹാസരൂപേണ പറഞ്ഞു. ശബരിമല സ്വര്ണ്ണക്കൊള്ള ഉള്പ്പെടെയുള്ള വലിയ കേസുകളില് സിബിഐ അന്വേഷണം തടയുന്ന സര്ക്കാര്, പുനര്ജനി കേസ് സിബിഐക്ക് വിടാന് തയ്യാറാണെങ്കില് അത് നടപ്പിലാക്കട്ടെ എന്ന് അദ്ദേഹം വെല്ലുവിളിച്ചു. ഇപ്പോള് ഈ വാര്ത്ത മാധ്യമങ്ങള്ക്ക് നല്കിയവരോട് ‘ഞാന് പേടിച്ചെന്ന് പറയണം’ എന്നും സതീശന് പറഞ്ഞു.
വിജിലന്സ് നേരത്തെ അന്വേഷിച്ച് തള്ളിയ പരാതിയില് വീണ്ടും അന്വേഷണം കൊണ്ടുവരുന്നത് നിയമപരമായി നിലനില്ക്കില്ലെന്ന് സതീശന് ആവര്ത്തിച്ചു. ഏഴ് വര്ഷം മുന്പേ അന്വേഷണത്തെ താന് സ്വാഗതം ചെയ്തതാണെന്നും പുനര്ജനി പദ്ധതിയുമായി ബന്ധപ്പെട്ട എല്ലാ പ്രവര്ത്തനങ്ങളും സുതാര്യവും നിയമപരവുമാണെന്നും അദ്ദേഹം വ്യക്തമാക്കി. ഇതിനിടെ, വിഷയത്തില് പ്രതികരിച്ച സി.പി.എം സംസ്ഥാന സെക്രട്ടറി എം.വി. ഗോവിന്ദന്, വിദേശ ഫണ്ട് ശേഖരണവുമായി ബന്ധപ്പെട്ട ഈ വിജിലന്സ് റിപ്പോര്ട്ടില് തുടര്നടപടി സ്വീകരിക്കേണ്ടത് സര്ക്കാരാണെന്ന് പറഞ്ഞു.
ബി. അശോകിനെ കുടുക്കാന് പുതിയ ‘ഇടതു തന്ത്രം’; ഫയല് നീക്കത്തില് പൂട്ടാന് നീക്കം, പതറാതെ അശോക്; സിപിഎം പ്രതികാരം തുടരുന്നു
സിബിഐ അന്വേഷണം എല്ലാത്തിന്റെയും അവസാന വാക്കാകണമെന്നില്ലെന്നും ഗോവിന്ദന് കൂട്ടിച്ചേര്ത്തു. 2018-ലെ പ്രളയത്തിന് ശേഷം പറവൂരില് നടപ്പിലാക്കിയ ഭവന പദ്ധതിക്കായി വിദേശനാണ്യ വിനിമയ ചട്ടങ്ങള് ലംഘിച്ച് പണം സമാഹരിച്ചു എന്നതാണ് സതീശനെതിരെയുള്ള പ്രധാന ആരോപണം.
