തിരുവനന്തപുരം: വി.ഡി. സതീശൻ സർക്കാരിന്റെ ആദ്യ ബജറ്റിൽ വൻ വികസന പദ്ധതികൾ പ്രഖ്യാപിച്ചതായി ധനവകുപ്പ് അറിയിച്ചു. സംസ്ഥാനത്തിന്റെ വികസന കുതിപ്പിന് പുതിയ ദിശാബോധം നൽകുന്ന നിരവധി നിർണ്ണായക പ്രഖ്യാപനങ്ങളാണ് ഇത്തവണത്തെ ബജറ്റിൽ ഉൾപ്പെടുത്തിയിരിക്കുന്നത്. തീരദേശ സംരക്ഷണത്തിനും സമുദ്ര സുരക്ഷയ്ക്കും മുൻഗണന നൽകിക്കൊണ്ട് സംസ്ഥാനത്ത് പുതിയ കപ്പൽ നിർമ്മാണ ശാല ആരംഭിക്കുമെന്നതാണ് ബജറ്റിലെ ഏറ്റവും പ്രധാനപ്പെട്ട പ്രഖ്യാപനം. ഇതിനൊപ്പം തന്നെ തീരദേശ വികസനം ലക്ഷ്യമിട്ടുകൊണ്ട് വിഭാവനം ചെയ്ത ‘മിഷൻ സമുദ്ര’ പദ്ധതിക്കായി 400 കോടി രൂപയും ബജറ്റിൽ വകയിരുത്തിയിട്ടുണ്ട്. ദക്ഷിണ കേരളത്തിന്റെ സാമ്പത്തിക വളർച്ചയ്ക്ക് വേഗം കൂട്ടാൻ ലക്ഷ്യമിട്ട് പ്രഖ്യാപിച്ച ദക്ഷിണ കേരള സാമ്പത്തിക ഇടനാഴിക്കായി ആദ്യഘട്ടത്തിൽ 50 കോടി രൂപയാണ് അനുവദിച്ചത്.
ശബരിമല സ്വർണ്ണക്കൊള്ള ; അന്വേഷണം പൂർത്തിയാക്കാൻ എസ്.ഐ.ടിക്ക് രണ്ടാഴ്ച കൂടി നൽകി ഹൈക്കോടതി
സംസ്ഥാനത്തേക്ക് കൂടുതൽ ആഭ്യന്തര-വിദേശ നിക്ഷേപങ്ങൾ ആകർഷിക്കുന്നതിനായി മുഖ്യമന്ത്രി അധ്യക്ഷനും വ്യവസായ മന്ത്രി ഉപാധ്യക്ഷനുമായി പുതിയ ഇൻവെസ്റ്റ്മെന്റ് അഡ്വൈസറി കൗൺസിൽ രൂപീകരിക്കുമെന്നും ബജറ്റ് പ്രസംഗത്തിൽ വ്യക്തമാക്കിയിട്ടുണ്ട്. ഉദ്യോഗാർത്ഥികൾക്ക് ആഗോളതലത്തിലെ തൊഴിൽ സാധ്യതകൾ വേഗത്തിൽ ലഭ്യമാക്കുന്നതിനായി 2 കോടി രൂപ ചെലവിൽ ‘ഗ്ലോബൽ ജോബ് വാച്ച് ടവർ’ സ്ഥാപിക്കും. സംസ്ഥാനത്തെ ഉന്നത വിദ്യാഭ്യാസ രംഗത്ത് വിപ്ലവകരമായ മാറ്റങ്ങൾ ലക്ഷ്യമിട്ടുകൊണ്ട് പ്രഖ്യാപിച്ച ‘കേരള നോളേജ് വാലി’ പദ്ധതിക്കായി 100 കോടി രൂപയാണ് ബജറ്റിൽ നീക്കിവെച്ചിട്ടുള്ളത്. അടിസ്ഥാന സൗകര്യ വികസനത്തിനും വിദ്യാഭ്യാസ-വ്യവസായ മേഖലകൾക്കും ഒരുപോലെ പ്രാധാന്യം നൽകുന്നതാണ് പുതിയ സർക്കാരിന്റെ ഈ കന്നി ബജറ്റ് എന്ന് ധനവകുപ്പ് വ്യക്തമാക്കി.
ട്വന്റി 20 ലോകകപ്പില് ഇന്ത്യ-പാക് ഗ്ലാമര് പോരാട്ടമില്ല. ലോകകപ്പില് കളിക്കും ഇന്ത്യയോട് കളിക്കില്ലെന്ന് പാകിസ്ഥാന് ; ചുട്ടമറുപടിയുമായി ബിസിസിഐ; ഇന്ത്യന് ടീം കൊളംബോയിലെത്തും രണ്ട് പോയിന്റ് നേടും
