തിരുവനന്തപുരം: പിണറായി വിജയന്റെ തിരുവനന്തപുരത്തെ വാടകവീട്ടിൽ റെയിഡിനെത്തിയ ഇ ഡി ഉദ്യോഗസ്ഥർ ആക്രമിക്കപ്പെട്ട സംഭവത്തിൽ വെളിവായത് തിരുവനന്തപുരം സിറ്റി പോലീസിന്റെ ഗുരുതര വീഴ്ച്ച. ഇ ഡി ഉദ്യോഗസ്ഥർ മടങ്ങുന്ന സമയം ആവശ്യമായ സുരക്ഷ ഒരുക്കുന്നതിനു കാര്യമായ ഒരുനടപടിയും പോലീസ് സ്വീകരിച്ചില്ല.
Exclusive | പോലീസ് തലപ്പത്ത് അഴിച്ചുപണി? 10 പുതിയ IPS കാർക്ക് ഉടൻ നിയമനം;അന്വേഷണ മികവിന് അംഗീകാരമായി പ്രജീഷ് തോട്ടത്തിലിനും പി വിക്രമനും അടക്കം പത്തു പേര്ക്ക് ഐപിഎസ്; ജോസി ചെറിയാനും പട്ടികയില്; 2023-2024 വര്ഷത്തെ ഐപിഎസ് കണ്ഫര്മേഷന് കേന്ദ്ര വിജ്ഞാപനം; ആ പത്തു പേരുടെ പട്ടിക വയര്ലെസ് എക്സ്ക്ലൂസീവായി പുറത്ത് വിടുന്നു
സിറ്റി പോലീസ് ഡെപ്യുട്ടി കമ്മിഷണർ തപോഷ് ബസുമതി, മ്യൂസിയം എസ് എച്ച് ഒ ആർ പ്രശാന്ത് എന്നിവരുടെ നേതൃത്വത്തിലായിരുന്നു പോലീസ് സംഘം.
വീതികുറഞ്ഞ ഇടവഴിയിലാണ് പിണറായിയുടെ വീട്. അതുകൊണ്ട്തന്നെ ആളുകൾ കുറച്ചായാൽപോലും റോഡ് തിങ്ങിനിറഞ്ഞത് പോലാകും. വഴി ചെറുതായതിനാൽ സുഗമമായ വാഹന ഗതാഗതവും പറ്റില്ല. എന്നിട്ടും റോഡിൽ നിന്ന് പാർട്ടി പ്രവർത്തകരെ മാറ്റാൻ പോലീസ് നടപടി സ്വീകരിച്ചില്ല.
വേഷം മാറി സ്റ്റേഷനിലെത്തിയ തമിഴ് യുവതി; കുരുന്നിന്റെ കൊലപാതകത്തിലെ ചുരുളഴിച്ച മിടുക്കി: കുറ്റവാളികള്ക്ക് പേടിസ്വപ്നം, ജനങ്ങള്ക്ക് കാവലാള്; ഹേമലത ഐപിഎസ് കൊല്ലം കമ്മീഷണര്; കൊല്ലം സിറ്റി ഇനി ‘പെണ്സിങ്കത്തിന്റെ’ കൈകളില്
ഇ ഡി ഉദ്യോഗസ്ഥരുടെ വാഹനത്തിന് സിറ്റി പോലീസിന്റെ ഒരു ജീപ്പ് പൈലറ്റായി ഒരുക്കിയിരുന്നു. എന്നാൽ ആവശ്യത്തിന് പോലീസ് ഇല്ലാത്തതിനാൽ അവരും നിസ്സഹായരായി.
സ്ഥിതിഗതികൾ വിലയിരുത്തുന്നതിൽ റയിഡിനെത്തിയ ഇ ഡി ഉദ്യഗസ്ഥർക്കും സുരക്ഷക്കെത്തിയ കേന്ദ്ര പോലീസ് സേനയായ സി ആർ പി എഫ് ന്റെ ഉദ്യോഗസ്ഥർക്കും വീഴ്ച്ചപറ്റി എന്നുവേണം കരുതാൻ. പ്രതിഷേധക്കാരുടെ എണ്ണം വർദ്ധിക്കുന്നത് മനസ്സിലാക്കി കൂടുതൽ സി ആർ പി എഫ് സേനംഗങ്ങളെ വിളിച്ചുവരുത്താമായിരുന്നു.
കേരള പോലീസിന്റെ വലിയവാഹനം വിളിച്ചുവരുത്തി ഇ ഡി ഉദ്യോഗസ്ഥരെ പുറത്തിറക്കാം എന്ന സാധ്യതയും പോലീസ് ഉപയോഗിച്ചില്ല.കാര്യങ്ങൾ യഥാസമയം ഉന്നതരെ അറിയിക്കുന്നതിൽ സ്പെഷ്യൽ ബ്രാഞ്ച് പോലീസിനും വീഴ്ച്ചപറ്റി.
