ന്യൂഡൽഹി: രാജ്യത്തെ റെയിൽവേ മേഖലയിൽ ഹരിതവും സുസ്ഥിരവുമായ ഗതാഗത സംവിധാനങ്ങൾ പ്രോത്സാഹിപ്പിക്കുന്നതിനായി റെയിൽവേ മന്ത്രാലയം നിർണ്ണായക തീരുമാനം കൈക്കൊണ്ടു. ഇതിന്റെ ഭാഗമായി രാജ്യത്തെ ആദ്യത്തെ ഹൈഡ്രജൻ ഇന്ധനത്തിൽ പ്രവർത്തിക്കുന്ന 10 കോച്ചുകളുള്ള ഡിഇഎംയു (DEMU) ട്രെയിൻ സർവീസിന് മന്ത്രാലയം ഔദ്യോഗികമായി അംഗീകാരം നൽകി. ഹരിയാനയിലെ ജിന്ദ്, സോനിപത് എന്നീ സ്റ്റേഷനുകൾക്കിടയിലാണ് ഈ അത്യാധുനിക ട്രെയിൻ സർവീസ് നടത്തുക.
തമിഴ്നാട്ടില് തിരിച്ചടി, കേരളത്തില് കുതിപ്പ്; കോണ്ഗ്രസ് നേതാവിനെ റാഞ്ചി ചുവടുറപ്പിക്കാന് ബിജെപി; ഓപ്പറേഷന് താമര ഇനി കേരളത്തില്
പരമാവധി 75 കിലോമീറ്റർ വേഗതയിൽ സഞ്ചരിക്കുന്ന ഈ ട്രെയിനിൽ ഊർജ്ജം ഉൽപ്പാദിപ്പിക്കുന്നതിനായി റെയിൽവേ അത്യാധുനിക ഹൈഡ്രജൻ ഫ്യുവൽ സെല്ലുകളാണ് ഉപയോഗിക്കുന്നത്. പാരമ്പര്യേതര ഊർജ്ജ സ്രോതസ്സുകളിലേക്ക് മാറുന്നതിന്റെ ഭാഗമായി നടപ്പിലാക്കുന്ന ഈ പദ്ധതി പരിസ്ഥിതി മലിനീകരണവും കാർബൺ ഉദ്വമനവും ഗണ്യമായി കുറയ്ക്കാൻ സഹായിക്കുമെന്ന് റെയിൽവേ അധികൃതർ വ്യക്തമാക്കി. പരിസ്ഥിതി സൗഹൃദ ഗതാഗത രംഗത്ത് വലിയൊരു ചുവടുവെപ്പായി ഈ പുതിയ ഹൈഡ്രജൻ ട്രെയിൻ സർവീസ് മാറും.
ഡിഎംകെ കോട്ടയിൽ വിള്ളൽ വീഴ്ത്താൻ ലീമ റോസ്; ലാൽഗുഡിയിൽ എഐഎഡിഎംകെയുടെ വജ്രായുധം
