കൊല്ലം: കൊല്ലം ശൂരനാട്ടിൽ പോലീസുകാരന്റെ ബുള്ളറ്റ് ബൈക്ക് തീയിട്ടു നശിപ്പിച്ച സംഭവത്തിൽ പോലീസ് നിർണ്ണായക വഴിത്തിരിവ് കണ്ടെത്തി. കേസിൽ ശൂരനാട് സ്വദേശി ആരതി, ഇടുക്കി സ്വദേശിനി ഗായത്രി എന്നീ രണ്ട് യുവതികളെ പോലീസ് അറസ്റ്റ് ചെയ്തു. വ്യക്തിവൈരാഗ്യമാണ് ഈ അക്രമത്തിന് പിന്നിലെന്ന് പോലീസ് അന്വേഷണത്തിൽ വ്യക്തമായിട്ടുണ്ട്. സിവിൽ പോലീസ് ഓഫീസറായ വിവേകിന്റെ വീടിന് മുന്നിൽ പാർക്ക് ചെയ്തിരുന്ന ബൈക്കാണ് ഇവർ രാത്രിയിൽ പെട്രോളൊഴിച്ച് കത്തിച്ചത്. വിവേകും പ്രതിയായ ആരതിയും തമ്മിലുണ്ടായിരുന്ന വ്യക്തിപരമായ ചില തർക്കങ്ങളാണ് ഈ അതിക്രമത്തിലേക്ക് നയിച്ചതെന്ന് പോലീസ് പറയുന്നു.
സിപിഒയും സുഹൃത്തുകളും ചേര്ന്ന് എസ്.ഐയെ തല്ലി ഓടയിലിട്ടു! തിരുവനന്തപുരത്ത് പള്ളിക്കല് സ്റ്റേഷനിലെ സി.പി.ഒ ചന്ദു ഉള്പ്പെടെ മൂന്ന് പേര് അറസ്റ്റില്
അതേസമയം ഈ കേസിൽ മറ്റൊരു നാടകീയ സംഭവം കൂടി അരങ്ങേറി. പോലീസ് കസ്റ്റഡിയിലായതിന് പിന്നാലെ വിഷം ഉള്ളിൽച്ചെന്ന നിലയിൽ കണ്ടെത്തിയ ഒന്നാം പ്രതി ആരതിയെ പോലീസ് തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. യുവതി നിലവിൽ തീവ്രപരിചരണ വിഭാഗത്തിൽ ചികിത്സയിലാണ്.
അന്വേഷണം വഴിതിരിച്ചുവിടാൻ പ്രതികൾ ബോധപൂർവ്വം ശ്രമിച്ചിരുന്നതായി പോലീസ് വെളിപ്പെടുത്തി. ബൈക്ക് കത്തിയ സംഭവത്തിന് പിന്നിൽ രാഷ്ട്രീയ വൈരാഗ്യമാണെന്ന് വരുത്തിത്തീർക്കാനും നാട്ടുകാരെയും പോലീസിനെയും തെറ്റിദ്ധരിപ്പിക്കാനും പ്രതികൾ ആസൂത്രിതമായി ശ്രമിച്ചിരുന്നു. എന്നാൽ സൈബർ സെല്ലിന്റെ സഹായത്തോടെ പോലീസ് നടത്തിയ ശാസ്ത്രീയ അന്വേഷണമാണ് പ്രതികളുടെ വ്യക്തിപരമായ പങ്കാളിത്തം പുറത്തുകൊണ്ടുവന്നതും അറസ്റ്റിലേക്ക് നയിച്ചതും.
അയല്ക്കാരുമായി ബന്ധമില്ല; നാലാഞ്ചിറയിലെത്തിയത് നാല് മാസം മുന്പ്; സംശയരോഗം, കഴുത്തറുത്ത ശേഷം കത്തി കഴുകി വൃത്തിയാക്കി; നാലാഞ്ചിറ കൊലപാതകത്തില് പുറത്തുവരുന്നത് ഞെട്ടിക്കുന്ന ക്രൂരതകള്
