കൊല്ലം: നിയമസഭാ തെരഞ്ഞെടുപ്പിന്റെ വോട്ടെണ്ണൽ ദിനത്തിലുള്ള തിരക്ക് മുതലെടുത്തു മാരക രാസ ലഹരിമരുന്നായ എം ഡി എം എ കടത്താൻ ശ്രമിച്ച ഒരാൾ പിടിയിൽ. ഒരു ലക്ഷം രൂപവിലവരുന്ന എം.ഡി.എം.എ യുമായി മൊത്തവിതരണക്കാരനായ
തിരുവനന്തപുരം വർക്കല മടവൂർ സ്വദേശി തൻസീർ മൻസിലിൽ തൻസീർ (43)ആണ് ചടയമംഗലം എക്സൈസിന്റെ പിടിയിലായത്.
കൊല്ലം ജില്ലയിലെ നിലമേൽ നിന്നാണ് ഇയാൾ പിടിയിലായത്. നിലമേൽ പ്രദേശങ്ങളിലെഎം.ഡി.എം.എ മൊത്തവിതരണക്കാരനാണിയാൾ. ചടയമംഗലം എക്സൈസ് റേഞ്ച് ഇൻസ്പെക്ടർ ജി ബി നന്ദു തേജസിന്റെ നേതൃത്വത്തിലുള്ള സംഘമാണ് ഇയാളെ വലയിലാക്കിയത്. ഇയാളിൽ നിന്നും 20 ഗ്രാം എം.ഡി.എം.എ പിടിച്ചെടുത്തിട്ടുണ്ട് .
ബാംഗ്ലൂരിൽ നിന്നുമാണ് വിൽപ്പനക്കായി ഇയാൾ എം.ഡി.എം.എ എത്തിക്കുന്നത്.ബാംഗ്ലൂരിൽ നിന്നും നൈറ്സർവീസ് ബസ്സുകളിലാണ് സാധാരണ ഇയാൾ മയക്കു മരുന്ന് കൊണ്ടുവരുന്നത്. രഹസ്യവിവരത്തിന്റെ അടിസ്ഥാനത്തിലായിരുന്നു എക്സൈസ് സംഘത്തിന്റെ റെയ്ഡ്. പരിശോധനാ സംഘത്തിൽ പ്രിവന്റീവ് ഓഫീസർമാരായ ബിനു, സബീർ, സിവിൽ എക്സൈസ് ഓഫീസർമാരായ ജയേഷ്, ചന്തു, ബിൻസാഗർ, ശ്രേയസ്, അരുൺ, ജിനു, ശരണ്യ എന്നിവരും ഉണ്ടായിരുന്നു.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ഒന്നാം വിവാഹവാര്ഷികത്തിന്റെ തലേന്നാള് കണ്ണീര്ക്കാഴ്ച; ഭര്തൃവീട്ടുകാരുടെ മുന്നില് യുവതി ആസിഡ് കുടിച്ച് മരിച്ചു; ‘നീ അനുഭവിച്ചോ’ എന്ന് പറഞ്ഞ് മാറിനിന്ന് ഭര്തൃവീട്ടുകാര്; കാസര്കോട് സ്വദേശിനി ഫാത്തിമത്ത് സുഫൈദയുടെ മരണത്തില് ഭര്ത്താവ് ആദില് കസ്റ്റഡിയില്
