മുംബൈ: വാംഖഡെ സ്റ്റേഡിയത്തിൽ നടന്ന ഐപിഎൽ ‘എൽക്ലാസിക്കോ’ പോരാട്ടത്തിൽ മുംബൈ ഇന്ത്യൻസിനെ തകർത്തെറിഞ്ഞ് ചെന്നൈ സൂപ്പർ കിങ്സിന് തകർപ്പൻ ജയം. മലയാളി താരം സഞ്ജു സാംസണിന്റെ തകർപ്പൻ സെഞ്ച്വറി പ്രകടനമാണ് ചെന്നൈയ്ക്ക് കരുത്തായത്. 54 പന്തിൽ നിന്ന് പുറത്താകാതെ 101 റൺസ് അടിച്ചുകൂട്ടിയ സഞ്ജു, മുംബൈ ബൗളർമാരെ അക്ഷരാർത്ഥത്തിൽ നിഷ്പ്രഭരാക്കി. മുംബൈയെ വെറും 104 റൺസിന് ചുരുട്ടിക്കെട്ടാൻ ചെന്നൈയ്ക്ക് സാധിച്ചു എന്നത് ഈ വിജയത്തിന്റെ തിളക്കം കൂട്ടുന്നു.
ബംഗ്ലാദേശില് ഐപിഎല് സംപ്രേക്ഷണം വിലക്കി; മുസ്താഫിസുറിനെ മാറ്റിയതിന് തിരിച്ചടി; ബിസിസിഐക്ക് പണികിട്ടുമോ?
ഈ സെഞ്ച്വറിയോടെ ഐപിഎൽ ചരിത്രത്തിൽ അഞ്ച് ശതകങ്ങൾ തികയ്ക്കുന്ന താരമായി സഞ്ജു സാംസൺ മാറി. ഇതോടെ സെഞ്ച്വറി വേട്ടക്കാരുടെ എലൈറ്റ് പട്ടികയിൽ സഞ്ജു നിർണ്ണായക സ്ഥാനത്തെത്തി വിരാട് കോഹ്ലി: 8 സെഞ്ച്വറികൾ.ജോസ് ബട്ട്ലർ: 7 സെഞ്ച്വറികൾ.ക്രിസ് ഗെയ്ൽ: 6 സെഞ്ച്വറികൾ.കെ.എൽ. രാഹുൽ & സഞ്ജു സാംസൺ 5 സെഞ്ച്വറികൾ വീതം. ചെന്നൈ സൂപ്പർ കിങ്സിന്റെ ജഴ്സിയിൽ സഞ്ജുവിന്റെ പ്രകടനം റെക്കോർഡ് ബുക്കുകളിൽ ഇടംപിടിക്കുകയാണ്മുംബൈ ഇന്ത്യൻസിനെതിരെ ഐപിഎൽ ചരിത്രത്തിൽ സെഞ്ച്വറി നേടുന്ന ആദ്യ സിഎസ്കെ താരമാണ് സഞ്ജു.ഷെയ്ൻ വാട്സന് ശേഷം (2018), ഒരു സീസണിൽ ചെന്നൈയ്ക്കായി രണ്ട് സെഞ്ച്വറികൾ നേടുന്ന രണ്ടാമത്തെ താരമായി സഞ്ജു മാറി.ഷെയ്ൻ വാട്സൻ, മുരളി വിജയ്, റിതുരാജ് ഗെയ്ക്വാദ് എന്നിവർക്ക് ശേഷം ചെന്നൈയ്ക്കായി രണ്ട് സെഞ്ച്വറികൾ നേടുന്ന നാലാമത്തെ താരമാണ് സഞ്ജു.
184 മത്സരങ്ങളിൽ നിന്ന് 4997 റൺസാണ് ഐപിഎല്ലിൽ സഞ്ജുവിന്റെ സമ്പാദ്യം. 5439 റൺസുള്ള എം.എസ്. ധോണിയുടെ റെക്കോർഡ് മറികടക്കാൻ സഞ്ജുവിന് ഇനി വെറും 442 റൺസ് കൂടി മതി. അടുത്ത സീസണോടെ ഈ നേട്ടവും സഞ്ജുവിന് കൈവരിക്കാനാകുമെന്നാണ് പ്രതീക്ഷ. കൂടാതെ, ടി20 ഫോർമാറ്റിലെ ഏറ്റവും കൂടുതൽ സെഞ്ച്വറികൾ നേടിയ ഇന്ത്യൻ താരങ്ങളുടെ പട്ടികയിൽ വിരാട് കോഹ്ലി, അഭിഷേക് ശർമ (9 വീതം) എന്നിവർക്ക് തൊട്ടുപിന്നിൽ രോഹിത് ശർമയ്ക്കൊപ്പം 8 സെഞ്ച്വറികളുമായി സഞ്ജു രണ്ടാം സ്ഥാനത്തുണ്ട്.
ഒളിംപ്യൻ രാജാ രണ്ധീര് സിംഗ് അന്തരിച്ചു ; ഓർമ്മയായത് ഇന്ത്യയുടെ ആദ്യ ഷൂട്ടിംഗ് സ്വർണ്ണമെഡൽ ജേതാവ്
മെയ് രണ്ടിന് ചെപ്പോക്കിൽ നടക്കുന്ന മുംബൈ-ചെന്നൈ രണ്ടാം പാദ പോരാട്ടത്തിനായി ക്രിക്കറ്റ് ലോകം ആകാംക്ഷയോടെ കാത്തിരിക്കുകയാണ്. ജസ്പ്രീത് ബുംറയും സഞ്ജു സാംസണും തമ്മിലുള്ള പോരാട്ടത്തിന്റെ രണ്ടാം ഭാഗം കാണാൻ ആരാധകർ വൻ ആവേശത്തിലാണ്.
