തിരുവനന്തപുരം: ഏത് സമയവും വിദ്യാർത്ഥികളുടെ സാന്നിധ്യമുള്ള തിരുവനന്തപുരം യൂണിവേഴ്സിറ്റി കോളേജിലും പാമ്പ്. അഡ്മിഷൻ കാര്യങ്ങൾ അന്വേഷിച്ചത്തിയ ഒരാൾക്ക് പാമ്പുകടിയേൽക്കുകയുംചെയ്തു. സഹോദരിക്ക് വേണ്ടി ഡിഗ്രി പ്രവേശന കാര്യങ്ങൾ അന്വേഷിക്കാൻ എത്തിയ പത്തനംതിട്ട സ്വദേശി അഖിലിനാണ് പാമ്പുകടിയേറ്റത്.ഇന്നലെ ഉച്ചയ്ക്കായിരുന്നു ഈ സംഭവം.
പാമ്പ് കടിയേറ്റയുടൻതന്നെ അഖിലിനെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിക്കാൻ കഴിഞ്ഞു. സമയത്തിന് ചികിത്സ ലഭ്യമായതിനാൽ അദ്ദേഹം അപകടനില തരണം ചെയ്തിട്ടുണ്ട്. ബൈക്കിൽ എത്തിയ അഖിൽ ബൈക്കുകൾ പാർക്ക് ചെയ്യുന്നിടത്ത് വാഹനം പാർക്ക് ചെയ്തശേഷം തിരികെ നടക്കുമ്പോഴാണ് സമീപത്തെ കരിയിലകൾക്കിടയിൽ പതുങ്ങിക്കിടന്ന പാമ്പ് കടിച്ചത്.
ചൂട് കൂടിയതിനാൽ ഇഴ ജന്തുക്കളെല്ലാം മാളംവിട്ട് പുറത്തിറങ്ങുകയാണ് ഇപ്പോൾ. ക്യാമ്പസിൽ പാമ്പിനെ കണ്ടെത്തിയ സാഹചര്യത്തിൽ യൂണിവേഴ്സിറ്റി കോളേജ് പരിസരം വൃത്തിയാക്കാൻ അടിയന്തിര നടപടികൾ സ്വീകരിക്കാൻ കോളേജ് അധികൃതർ തീരുമാനിച്ചിട്ടുണ്ട്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
സംസ്ഥാന പോലീസിന് തൊടാന് കഴിയാത്ത രാഷ്ട്രീയ വന്മരങ്ങളിലേക്ക് ഇ.ഡി കടന്നുചെല്ലും; ഭണ്ഡാരിയെയും ഗോവര്ദ്ധനെയും കസ്റ്റഡിയില് വാങ്ങി ചോദ്യം ചെയ്യുന്നതോടെ ‘വമ്പന് സ്രാവുകള്’ കുടുങ്ങും; ഇ.ഡി എത്തുമ്പോള് തകിടം മറിയുന്നത് രാഷ്ട്രീയ വന്മരങ്ങളുടെ ഉറക്കം; 30ന് എസ് ഐ ടിയും അന്വേഷണം നിര്ത്തില്ല; സര്ക്കാര് തിട്ടൂരം വെറുതെയായി
