ഗുരുവായൂര്: മുഖ്യമന്ത്രി പിണറായി വിജയന്റെ മകന് വിവേക് കിരണ് നടത്തിയ സ്വകാര്യ ദര്ശനത്തിന്റെ വിവരങ്ങള് ചോര്ന്നതില് ദേവസ്വം ബോര്ഡിന് കടുത്ത സംശയം. അതീവ രഹസ്യമായി സൂക്ഷിച്ച സന്ദര്ശന വിവരം ജനം ടിവി റിപ്പോര്ട്ടര് അറിഞ്ഞത് യാദൃശ്ചികമല്ലെന്നാണ് വിലയിരുത്തല്. ദേവസ്വം ഗസ്റ്റ് ഹൗസില് നിന്നോ മറ്റ് ഉന്നത കേന്ദ്രങ്ങളില് നിന്നോ വിവരം ബോധപൂര്വ്വം ചോര്ത്തി നല്കിയതാണോ എന്ന കാര്യത്തില് അന്വേഷണം വേണമെന്ന ആവശ്യം ശക്തമായി. ഹൈക്കോടതി വിലക്ക് ലംഘിച്ച് ദൃശ്യങ്ങള് പകര്ത്താന് ക്യാമറമാന് എത്തിയത് മുന്കൂട്ടി തയ്യാറാക്കിയ പദ്ധതി പ്രകാരമാണെന്നാണ് സൂചന.
തിങ്കളാഴ്ച വൈകിട്ടോടെ നടന്ന ദര്ശനം തികച്ചും സ്വകാര്യമായിരുന്നു. മുഖ്യമന്ത്രിയുടെ മകനെ ഒരു വി.ഐ.പിയായി പരിഗണിച്ച് ഔദ്യോഗികമായി ആരെയും വിവരം അറിയിച്ചിരുന്നില്ല. സുരക്ഷാ കാരണങ്ങളാലും സ്വകാര്യത കണക്കിലെടുത്തുമാണ് വിവരം രഹസ്യമാക്കിയത്. എന്നാല്, യാതൊരു മുന്നറിയിപ്പുമില്ലാത്ത ഈ സന്ദര്ശനത്തില് വിവേക് കിരണിനെ ജനം ടിവി ലേഖകന് കൃത്യമായി തിരിച്ചറിഞ്ഞത് എങ്ങനെ എന്നതാണ് ഉയരുന്ന പ്രധാന ചോദ്യം. ക്ഷേത്രപരിസരത്ത് ക്യാമറയുമായി റിപ്പോര്ട്ടര് എത്തിയത് കൃത്യമായ ടിപ്പ് ലഭിച്ചതിനെ തുടര്ന്നാണെന്ന് ദേവസ്വം അധികൃതര് വിശ്വസിക്കുന്നു.
ദര്ശനത്തിന് എത്തിയ വിവേക് കിരണും കുടുംബവും ദേവസ്വം ഗസ്റ്റ് ഹൗസിലാണ് വിശ്രമിച്ചിരുന്നത്. ഇവിടെ നിന്നാണ് സന്ദര്ശനത്തിന്റെ വിവരം ചോര്ന്നതെന്നാണ് പ്രാഥമിക നിഗമനം. ഈ ചോര്ച്ചയ്ക്ക് പിന്നില് രാഷ്ട്രീയ താല്പ്പര്യങ്ങളുണ്ടോ എന്ന് ദേവസ്വം ബോര്ഡ് പരിശോധിക്കുന്നുണ്ട്. ക്ഷേത്രത്തിനകത്ത് വീഡിയോ ചിത്രീകരണത്തിന് ഹൈക്കോടതിയുടെ കര്ശന വിലക്ക് നിലനില്ക്കെ, അത് ലംഘിച്ച് ദൃശ്യങ്ങള് പകര്ത്താന് ശ്രമിച്ചത് മുഖ്യമന്ത്രിയുടെ മകന്റെ സന്ദര്ശനം രാഷ്ട്രീയ വിവാദമാക്കാനുള്ള ആസൂത്രിത നീക്കത്തിന്റെ ഭാഗമാണെന്നാണ് പരാതി.
വിവേക് കിരണ് സമര്പ്പിച്ച നേര്ച്ചകളെക്കുറിച്ചും പ്രാര്ത്ഥനകളെക്കുറിച്ചും വിവരങ്ങള് ശേഖരിക്കാന് ശ്രമം നടന്നത് ഗൗരവകരമായാണ് അധികൃതര് കാണുന്നത്. സാധാരണ ഭക്തര്ക്ക് ലഭിക്കുന്ന സ്വകാര്യത പോലും മുഖ്യമന്ത്രിയുടെ മകന് ലഭിക്കാത്ത തരത്തില് വിവരങ്ങള് ചോര്ത്തിയത് വലിയ സുരക്ഷാ വീഴ്ചയായാണ് കണക്കാക്കുന്നത്. കോടതിയലക്ഷ്യം നടത്തി ദൃശ്യങ്ങള് പകര്ത്തിയ ജനം ടിവി ലേഖകനെതിരെ പോലീസില് പരാതി നല്കുന്നതിനൊപ്പം, സന്ദര്ശന വിവരങ്ങള് ചോര്ന്നതിനെക്കുറിച്ച് ആഭ്യന്തര അന്വേഷണം നടത്താനും ദേവസ്വം ബോര്ഡ് ആലോചിക്കുന്നുണ്ട്.
പരാതി കിട്ടിയാല് പോലീസ് വരും ദിവസങ്ങളില് ഗസ്റ്റ് ഹൗസ് ജീവനക്കാരെ ഉള്പ്പെടെ ചോദ്യം ചെയ്തേക്കും. വിവേക് കിരണ് നടത്തിയ നേര്ച്ചകളുടെ വിവരങ്ങള് പോലും ചോര്ത്താന് ശ്രമം നടന്നതായാണ് സൂചന. തിങ്കളാഴ്ച വൈകിട്ടോടെയായിരുന്നു വിവേക് കിരണ് കുടുംബസമേതം കണ്ണനെ ദര്ശിക്കാനെത്തിയത്. തുടര്ഭരണത്തിന് വേണ്ടിയുള്ള പ്രാര്ത്ഥനകളുടെ ഭാഗമാണോ എന്ന തരത്തിലുള്ള ചര്ച്ചകള് സോഷ്യല് മീഡിയയില് ഇതിനോടകം സജീവമായിട്ടുണ്ട്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ഭരണം പോയതോടെ തെരുവില് ഇറങ്ങി എസ്.എഫ്.ഐ; നീറ്റ് ക്രമക്കേടില് കേരളമാകെ ‘പ്രതിഷേധക്കടല്’
