തിരുവനന്തപുരം: തലസ്ഥാനത്തെ ഏറ്റവും വലിയ പൊതുജനാരോഗ്യ കേന്ദ്രമായ തിരുവനന്തപുരം മെഡിക്കല് കോളേജിന് കഷ്ടകാലം ഒഴിയുന്നില്ല. മള്ട്ടി സൂപ്പര് സ്പെഷ്യാലിറ്റി ബ്ലോക്കില് തീപിടുത്തം ഉണ്ടായി ഒരു മാസം പിന്നിട്ടിട്ടും ഐ.സി.യു പ്രവര്ത്തനസജ്ജമാക്കാത്ത അധികൃതരുടെ നടപടി രോഗികളെ മരണമുഖത്തേക്ക് തള്ളിവിടുകയാണ്.
കത്തുന്ന ചൂടില് തുണി കെട്ടി മറച്ച താല്ക്കാലിക ഐ.സി.യുവില് നരകയാതന അനുഭവിക്കുന്ന രോഗികളുടെ അവസ്ഥ കണ്ടില്ലെന്ന് നടിക്കുന്ന സര്ക്കാര് നയത്തിനെതിരെ വ്യാപക പ്രതിഷേധം ഉയരുന്നു. തിരഞ്ഞെടുപ്പ് തിരക്കുകള് കഴിഞ്ഞതോടെ ഭരണകൂടം പൂര്ണ്ണമായും ആലസ്യത്തിലായെന്നും സാധാരണക്കാരന്റെ ജീവന് പുല്ലുവിലയാണ് അധികൃതര് നല്കുന്നതെന്നും ആക്ഷേപമുണ്ട്.
കഴിഞ്ഞ മാര്ച്ച് 17-നാണ് മള്ട്ടി സൂപ്പര് സ്പെഷ്യാലിറ്റി വിഭാഗത്തില് വന് തീപിടുത്തം ഉണ്ടായത്. അന്ന് ജീവന് രക്ഷിക്കാനായി രോഗികളെ തട്ടിക്കൂട്ട് ഐ.സി.യു സംവിധാനങ്ങളിലേക്ക് മാറ്റിയിരുന്നു. എന്നാല് ആഴ്ചകള് പിന്നിട്ടിട്ടും സ്ഥിരം ഐ.സി.യു നന്നാക്കി രോഗികളെ തിരികെ പ്രവേശിപ്പിക്കാന് ആശുപത്രി മാനേജ്മെന്റ് ഒരു നടപടിയും സ്വീകരിച്ചിട്ടില്ല. നിലവില് തുണി കൊണ്ട് മറച്ച അശാസ്ത്രീയമായ ഇടങ്ങളിലാണ് അതീവ ഗുരുതരാവസ്ഥയിലുള്ള രോഗികള് കഴിയുന്നത്. ഇവിടെ അണുബാധയുണ്ടാകാനുള്ള സാധ്യത വളരെ കൂടുതലാണെന്നും രോഗികള്ക്ക് സുരക്ഷ ഉറപ്പാക്കാനാകില്ലെന്നും ജനറല് സര്ജറി വിഭാഗം മേധാവി തന്നെ സൂപ്രണ്ടിന് നല്കിയ കത്തില് മുന്നറിയിപ്പ് നല്കുന്നു.
ഐ.സി.യു ഉടന് പ്രവര്ത്തനക്ഷമമാകുമെന്ന് ആശുപത്രി അധികൃതര് ആവര്ത്തിച്ച് വ്യക്തമാക്കുന്നുണ്ടെങ്കിലും പണികള് ഇഴഞ്ഞുനീങ്ങുകയാണ്. വിദേശത്തുനിന്നും മറുനാടുകളില് നിന്നും പോലും ചികിത്സ തേടിയെത്തുന്ന പാവപ്പെട്ട രോഗികളാണ് ഈ ഭരണപരമായ അനാസ്ഥയ്ക്ക് വലിയ വില നല്കേണ്ടി വരുന്നത്. ശസ്ത്രക്രിയ കഴിഞ്ഞ രോഗികള്ക്ക് പോലും കൃത്യമായ തീവ്രപരിചരണം ലഭിക്കാത്ത സാഹചര്യം മെഡിക്കല് കോളേജിന്റെ സല്പ്പേരിന് വലിയ കളങ്കമായി മാറിയിരിക്കുകയാണ്.
അധികൃതരുടെ കണ്ണുതുറക്കാന് ഇനി എന്ത് ദുരന്തമാണ് സംഭവിക്കേണ്ടതെന്നാണ് രോഗികളുടെ ബന്ധുക്കള് ചോദിക്കുന്നത്. ശോചനീയാവസ്ഥ തുടരുന്ന ഈ മെഡിക്കല് കോളേജില് ആര് രോഗിയായാലും കഷ്ടപ്പെടുന്നത് പാവം ജനങ്ങള് മാത്രമാണ്. തലസ്ഥാനത്തെ മെഡിക്കല് കോളേജ് ആശുപത്രിയില് തീപിടുത്തം ഉണ്ടായി ഒരു മാസം പിന്നിട്ടിട്ടും ഐസിയു പ്രവര്ത്തനസജ്ജമാക്കാത്ത അധികൃതരുടെ നടപടി ആരോഗ്യ കേരളത്തിനും നാണക്കേടാണ്.
രോഗികള്ക്ക് ആവശ്യമായ തീവ്രപരിചരണ സംവിധാനങ്ങള് ഒരുക്കുന്നതിന് പകരം തുണി കെട്ടി മറച്ച താല്ക്കാലിക ഇടങ്ങളില് രോഗികളെ കിടത്തുന്നത് മനുഷ്യത്വരഹിതമാണെന്ന് ഡോക്ടര്മാരും പറയുന്നു. തിരഞ്ഞെടുപ്പ് കഴിഞ്ഞതോടെ ഭരണകൂടം പൂര്ണ്ണമായും ആലസ്യത്തിലായെന്നും സാധാരണക്കാരന്റെ ജീവന് വെച്ച് പന്താടുകയാണ് ആരോഗ്യവകുപ്പന്നും അവര് സമ്മതിക്കുന്നുണ്ട്.
ജനറല് സര്ജറി വിഭാഗം മേധാവി തന്നെ ഈ ശോചനീയാവസ്ഥ ചൂണ്ടിക്കാട്ടി സൂപ്രണ്ടിന് കത്ത് നല്കിയിട്ടും നടപടികള് ഉണ്ടാകുന്നില്ല. അണുബാധയേല്ക്കാന് സാധ്യതയുള്ള സാഹചര്യത്തില് തുണി കൊണ്ട് മറച്ച ഇടങ്ങളില് രോഗികളെ താമസിപ്പിക്കുന്നത് വലിയ അപകടങ്ങള്ക്ക് വഴിവെക്കുമെന്നാണ് വിലയിരുത്തല്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ഫേസ്ബുക്ക് പോസ്റ്റും രക്ഷിച്ചില്ല! പിണറായിയുടെ അടുപ്പക്കാരായ പോലീസ് നേതാക്കൾ തെറിച്ചു; ഇനി യൂണിഫോമിൽ റോഡിലേക്ക്
