തിരുവനന്തപുരം: കേരള നിയമസഭാ തിരഞ്ഞെടുപ്പിനോടനുബന്ധിച്ച് സംസ്ഥാനത്ത് മദ്യനിരോധനം ഏർപ്പെടുത്തി. ഇന്ന് (ഏപ്രിൽ 7) വൈകുന്നേരം 7 മണി മുതൽ വോട്ടെടുപ്പ് ദിവസമായ ഏപ്രിൽ 9 വൈകുന്നേരം 7 മണി വരെയാണ് നിയന്ത്രണം.
കായലിൽ കയ്യും കാലും കെട്ടിയ നിലയിൽ എൺപതുകാരിയുടെ മൃതദേഹം ; ദുരൂഹത
തിരഞ്ഞെടുപ്പ് സുഗമമായും സമാധാനപരമായും നടത്തുന്നതിന്റെ ഭാഗമായാണ് 48 മണിക്കൂർ നേരത്തേക്ക് ‘ഡ്രൈ ഡേ’ പ്രഖ്യാപിച്ചിരിക്കുന്നത്. ഈ കാലയളവിൽ സംസ്ഥാനത്തെ ബെവ്കോ (BEVCO), കൺസ്യൂമർഫെഡ് ഔട്ട്ലെറ്റുകൾ, ബാറുകൾ, ക്ലബ്ബുകൾ എന്നിവ പൂർണ്ണമായും അടച്ചിടും. മദ്യത്തിന്റെ വില്പനയോ വിതരണമോ ഈ സമയത്ത് അനുവദനീയമല്ല.
നിയമലംഘനം നടത്തുന്നവർക്കെതിരെ കർശന നടപടി സ്വീകരിക്കുമെന്ന് എക്സൈസ് വകുപ്പ് അറിയിച്ചിട്ടുണ്ട്. വോട്ടെടുപ്പ് പൂർത്തിയായ ശേഷം ഏപ്രിൽ 9-ന് രാത്രി 7 മണിക്ക് ശേഷം മാത്രമേ മദ്യശാലകൾ വീണ്ടും തുറക്കുകയുള്ളൂ. വോട്ടെണ്ണൽ ദിവസമായ മെയ് 4-നും സംസ്ഥാനത്ത് ഡ്രൈ ഡേ ആയിരിക്കും.
വി.ടി സതീശൻ നയിച്ച ‘പുതു യുഗയാത്ര’ സമാപിച്ചു: തിരുവനന്തപുരത്ത് രാഹുൽ ഗാന്ധിയുടെ വമ്പൻ പ്രഖ്യാപനങ്ങൾ ! കെ എസ് ആർ ടി സിയിൽ സ്ത്രീകൾക്ക് ക്കു സൗജന്യ യാത്ര
