തിരുവനന്തപുരം: ഭക്തലക്ഷങ്ങള് കാണിക്കയായി നല്കുന്ന അയ്യപ്പന്റെ തങ്കപ്പാളികള് പോലും ഉരുക്കി വില്ക്കുന്ന അതിഭീകരമായ കൊള്ളയാണ് ശബരിമലയില് നടന്നതെന്ന് വ്യക്തമാകുന്നു. ദേവസ്വം ബോര്ഡിലെ ഉന്നതരും അന്തര്സംസ്ഥാന സ്വര്ണ്ണ മാഫിയയും തമ്മിലുള്ള അവിശുദ്ധ കൂട്ടുകെട്ട് പവിത്രമായ സന്നിധാനത്തെ ഒരു കച്ചവട കേന്ദ്രമാക്കി മാറ്റിയിരിക്കുകയാണ്. വര്ഷങ്ങളായി തുടരുന്ന ഈ ഗൂഢാലോചനയില് ഓരോ ഘട്ടത്തിലും സ്വര്ണ്ണം മോഷ്ടിച്ച ശേഷം അത് മറയ്ക്കാനായി വീണ്ടും സ്വര്ണ്ണം പൂശി നല്കുന്ന വിചിത്രമായ ‘പാപപരിഹാര’ തന്ത്രമാണ് പ്രതികള് പയറ്റിയത്. കേസില് ചെന്നൈ സ്മാര്ട്ട് ക്രിയേഷന്സ് സി.ഇ.ഒ പങ്കജ് ഭണ്ഡാരിയും ബെല്ലാരിയിലെ വ്യാപാരി ഗോവര്ധനും കുടുങ്ങിയതോടെ ദേവസ്വം ഉന്നതര്ക്കായുള്ള കുരുക്ക് മുറുകുകയാണ്.
അതിവേഗം മുഖ്യമന്ത്രി വന്നേ മതിയാകൂ… യുഡിഎഫ് മുഖ്യമന്ത്രി പ്രഖ്യാപനം നീളുന്നു; ഖജനാവ് ശൂന്യം, ശമ്പളവും പെന്ഷനും പ്രതിസന്ധിയില്; ഭരണസ്തംഭനത്തില് കേരളം
അറസ്റ്റ് ഒഴിവാക്കാന് ‘ഓര്മ്മക്കുറവ്’ തന്ത്രം: കേസിലെ ഒന്നാം പ്രതി എം. പത്മകുമാര് ഉള്പ്പെടെയുള്ളവര് ജയിലഴിക്കുള്ളില് കഴിയുമ്പോഴും, ഐപിഎസ് ഉദ്യോഗസ്ഥനായ ഹരിശങ്കറിന്റെ പിതാവും മുന് ദേവസ്വം അംഗവുമായ ശങ്കര്ദാസിനെ സ്പര്ശിക്കാന് പോലീസ് മടിക്കുന്നത് വലിയ പ്രതിഷേധത്തിന് വഴിവെച്ചിട്ടുണ്ട്. 85 വയസ്സായെന്നും ഓര്മ്മക്കുറവുണ്ടെന്നുമുള്ള മുടന്തന് ന്യായങ്ങള് നിരത്തി ഇദ്ദേഹത്തെ അറസ്റ്റില് നിന്ന് ഒഴിവാക്കാനാണ് ഉന്നതതല നീക്കം. ഇതിനായി മെഡിക്കല് രേഖകള് ചമച്ചതായും ആക്ഷേപമുണ്ട്. സാധാരണക്കാര് പ്രതികളാകുമ്പോള് കാട്ടാത്ത ഈ പരിഗണന, ഐപിഎസ് പുത്രന്റെ സ്വാധീനം മൂലമാണെന്ന ആരോപണം പോലീസിനുള്ളില് തന്നെ ഭിന്നതയുണ്ടാക്കിയിട്ടുണ്ട്.
സ്വര്ണ്ണം കടത്തിയത് ഇങ്ങനെ: ദ്വാരപാലക പാളികള് സ്വര്ണ്ണം പൂശാനെന്ന വ്യാജേന ചെന്നൈയിലെത്തിച്ചാണ് സ്വര്ണ്ണം വേര്തിരിച്ചെടുത്തത്. ഇത്തരത്തില് മോഷ്ടിച്ച 470 ഗ്രാം സ്വര്ണ്ണം ബെല്ലാരിയിലെ വ്യാപാരിയില് നിന്ന് പോലീസ് കണ്ടെടുത്തിട്ടുണ്ട്. സന്നിധാനത്തെ സുരക്ഷാ സംവിധാനങ്ങളെല്ലാം കാറ്റില് പറത്തിയാണ് ഈ കൊള്ള നടന്നത്. ദേവസ്വം ഉന്നതരുടെ നേരിട്ടുള്ള ഇടപെടലില്ലാതെ തങ്കപ്പാളികള് പുറത്തുകടക്കില്ലെന്നിരിക്കെ, വിജിലന്സിനെയും ലേബര് ഓഫീസിനെയും നിശബ്ദമാക്കാന് ആര് നിര്ദ്ദേശം നല്കി എന്നതിലാണ് ഇനി വ്യക്തത വരേണ്ടത്.
നേമത്തെ ന്യൂനപക്ഷ വോട്ടുകള് നിര്ണ്ണായകം; ‘ഒരു വിഭാഗത്തിന്റെയും വോട്ട് വേണ്ടെന്നു പറയില്ല’; എസ്ഡിപിഐ പിന്തുണയില് നിലപാട് വ്യക്തമാക്കി വി. ശിവന്കുട്ടി; ബിജെപിയുടെ ആക്കൗണ്ട് തുറക്കല് മോഹം നടക്കില്ലേ? മുസ്ലീം വോട്ട് മുഴുവന് നേടാന് സിപിഎം; ത്രികോണ ചൂടില് നേമം തിളയ്ക്കുമ്പോള്
ഓഡിറ്റിംഗില്ലാത്ത സ്വര്ണ്ണശേഖരം: ശബരിമലയിലെ സ്വര്ണ്ണ ശേഖരത്തിന് വര്ഷങ്ങളായി കൃത്യമായ ഓഡിറ്റിംഗ് നടക്കാത്തതാണ് ഇത്തരം മാഫിയകള്ക്ക് വളമായത്. ഭക്തര് നല്കുന്ന വിലപിടിപ്പുള്ള വസ്തുക്കള്ക്ക് കൃത്യമായ കണക്കില്ലാത്തത് വലിയ സുരക്ഷാ വീഴ്ചയാണ്. നിലവിലെ സാഹചര്യത്തില് സന്നിധാനത്തെ ഓരോ ഉരുപ്പടിയും ശാസ്ത്രീയ പരിശോധനയ്ക്ക് വിധേയമാക്കണമെന്ന് ഭക്തജന സംഘടനകള് ആവശ്യപ്പെടുന്നു. ശങ്കര്ദാസിനെ രക്ഷിക്കാനുള്ള നീക്കം തുടര്ന്നാല് ഹൈക്കോടതിയെ സമീപിക്കാനാണ് നീക്കം.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
