കീവ് : യുക്രൈനിലെ ഖാര്കീവില് 200-ലേറെ യാത്രക്കാരുമായി പോയ പാസഞ്ചര് ട്രെയിനിന് നേരെ റഷ്യയുടെ ഭീകരമായ ഡ്രോണ് ആക്രമണം. ഖാര്കീവിലെ യാസികോവിന് സമീപം നടന്ന ഈ ആക്രമണത്തില് അഞ്ചുപേര് കൊല്ലപ്പെട്ടതായാണ് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നത്.
ബ്രിട്ടീഷ് രാഷ്ട്രീയത്തില് വന് ഭൂകമ്പം! പീറ്റര് മണ്ടല്സണ് രാജിവെച്ചു; ആന്ഡ്രൂ രാജകുമാരന്റെ ‘രഹസ്യ ചിത്രങ്ങള്’ പുറത്ത്; ബക്കിങ്ങാം കൊട്ടാരത്തിലും എപ്സ്റ്റീന് ബന്ധമോ? പുറത്തുവരുന്നത് ഞെട്ടിക്കുന്ന വിവരങ്ങള്!
റഷ്യന് ഡ്രോണ് പതിച്ചതിനെത്തുടര്ന്ന് ട്രെയിനിലെ കോച്ചുകളില് ഒന്ന് പൂര്ണ്ണമായും കത്തിയമര്ന്നു. അഗ്നിരക്ഷാസേനയെത്തിയാണ് തീ നിയന്ത്രണവിധേയമാക്കിയത്. 200-ലധികം യാത്രക്കാര് ട്രെയിനിലുണ്ടായിരുന്നതിനാല് മരണസംഖ്യ ഇനിയും ഉയരാന് സാധ്യതയുണ്ടെന്ന ആശങ്ക നിലനില്ക്കുന്നുണ്ട്.
സംഭവസ്ഥലത്തുനിന്ന് കണ്ടെടുത്ത അഞ്ചു മൃതദേഹങ്ങള് പൂര്ണ്ണമായും കത്തിക്കരിഞ്ഞ നിലയിലായിരുന്നു. ഇവരെ തിരിച്ചറിയുന്നതിനായി ഡിഎന്എ (DNA) പരിശോധന നടത്തുമെന്ന് അധികൃതര് അറിയിച്ചു. പരിക്കേറ്റ മറ്റ് യാത്രക്കാരെ സമീപത്തെ ആശുപത്രികളിലേക്ക് മാറ്റിയിട്ടുണ്ട്.
ഇറാന്റെ പുതിയ പരമോന്നത നേതാവായി മുജ്താബ ഖമനേയിയെ തിരഞ്ഞെടുത്തു
റഷ്യന് ആക്രമണത്തെ യുക്രൈന് പ്രസിഡന്റ് വൊളോദിമിര് സെലെന്സ്കി അതിശക്തമായി അപലപിച്ചു. സാധാരണക്കാരെ ലക്ഷ്യം വെച്ചുള്ള ഈ നീക്കം വ്യക്തമായ ഒരു ഭീകരാക്രമണമാണെന്ന് അദ്ദേഹം പറഞ്ഞു. ഇത്തരം ക്രൂരതകള്ക്ക് റഷ്യ അന്താരാഷ്ട്ര സമൂഹത്തിന് മുന്നില് മറുപടി പറയേണ്ടി വരുമെന്നും അദ്ദേഹം കൂട്ടിച്ചേര്ത്തു.
