കീവ്: ഈസ്റ്റര് പ്രമാണിച്ച് വ്ലാഡിമിര് പുടിന് ഏകപക്ഷീയമായി പ്രഖ്യാപിച്ച 32 മണിക്കൂര് വെടിനിര്ത്തല് ലംഘിച്ച് റഷ്യ യുക്രെയ്നില് വ്യാപകമായ ഡ്രോണ് ആക്രമണം നടത്തി. വെടിനിര്ത്തല് കാലാവധി തുടങ്ങി മണിക്കൂറുകള്ക്കുള്ളില് തന്നെ 470-ഓളം ലംഘനങ്ങളാണ് റഷ്യന് ഭാഗത്തുനിന്ന് ഉണ്ടായതെന്ന് യുക്രെയ്ന് സൈനിക വൃത്തങ്ങള് അറിയിച്ചു. യുദ്ധം അവസാനിക്കാറായി എന്ന സൂചനകള് ഇരുരാജ്യങ്ങളും നല്കുന്നതിനിടയിലാണ് ഈ പുതിയ പ്രത്യാക്രമണങ്ങള്.
ശനിയാഴ്ച വൈകുന്നേരം 4 മണി മുതല് ഞായറാഴ്ച വരെയായിരുന്നു പുടിന് വെടിനിര്ത്തല് ഉത്തരവിട്ടത്. സമാധാന നീക്കങ്ങള്ക്കായി യുക്രെയ്ന് പ്രസിഡന്റ് വൊളോഡിമിര് സെലെന്സ്കി ഇതിനോട് സഹകരിക്കുമെന്ന് അറിയിച്ചിരുന്നെങ്കിലും ലംഘനമുണ്ടായാല് കര്ശനമായി പ്രതികരിക്കുമെന്ന് മുന്നറിയിപ്പ് നല്കിയിരുന്നു. 3,928 കാമികാസെ ഡ്രോണുകളും 57 വ്യോമാക്രമണങ്ങളും റഷ്യ നടത്തിയതായി യുക്രെയ്ന് സൈന്യം ഫേസ്ബുക്കിലൂടെ അറിയിച്ചു. വെടിനിര്ത്തല് തുടങ്ങുന്നതിന് തൊട്ടുമുന്പ് ഒഡേസയിലും ഖേര്സണിലും നടന്ന ആക്രമണങ്ങളില് ഒരു ബസ് ഡ്രൈവര് ഉള്പ്പെടെ മൂന്ന് പേര് കൊല്ലപ്പെട്ടു.
യുദ്ധം രൂക്ഷമായി തുടരുമ്പോഴും ഇരുപക്ഷവും സമാധാനത്തിന്റെ സൂചനകള് പങ്കുവെക്കുന്നുണ്ട്. ‘രാഷ്ട്രീയവും നയതന്ത്രപരവുമായ പരിഹാരം ചക്രവാളത്തില് തെളിയുന്നു’ എന്ന് റഷ്യന് വിദേശകാര്യ മന്ത്രി അപ്രതീക്ഷിത പ്രസ്താവന നടത്തി. റഷ്യയുടെ നിലപാടില് മാറ്റമുണ്ടെന്നും യുദ്ധം അധികം നീണ്ടുനില്ക്കില്ലെന്ന് താന് കരുതുന്നതായും യുക്രെയ്ന് ചീഫ് നെഗോഷ്യേറ്റര് ലഫ്റ്റനന്റ് ജനറല് കിറിലോ ബുഡാനോവും വ്യക്തമാക്കി.
സംഘര്ഷങ്ങള്ക്കിടയിലും ശനിയാഴ്ച ഇരുരാജ്യങ്ങളും തമ്മില് തടവുകാരെ കൈമാറി. റഷ്യന് സേനയുടെ 175 സൈനികര് മോചിതരായപ്പോള്, 175 യുക്രെയ്ന് സൈനികരെയും 7 സാധാരണക്കാരെയും റഷ്യ തിരികെ വിട്ടു. 2022 മുതല് തടവില് കഴിഞ്ഞിരുന്നവരാണ് ഇവരില് ഭൂരിഭാഗവും. യുക്രെയ്ന് ഡ്രോണ് ബ്രിഗേഡ് ഒരു മാസത്തിനുള്ളില് 8,000 റഷ്യന് സൈനികരെ വധിച്ചതിന്റെ നടുക്കുന്ന ദൃശ്യങ്ങളും ഇതിനിടെ പുറത്തുവന്നു.
വെടിനിര്ത്തല് പ്രഖ്യാപനത്തിന് പിന്നിലെ ‘മനുഷ്യത്വപരമായ’ നിലപാട് റഷ്യ ആവര്ത്തിക്കുമ്പോഴും യുക്രെയ്നിലെ ഊര്ജ്ജ നിലയങ്ങളും ജനവാസ മേഖലകളും ലക്ഷ്യമിട്ടുള്ള ഡ്രോണ് വര്ഷം തുടരുന്നത് ആഗോളതലത്തില് വലിയ പ്രതിഷേധത്തിന് കാരണമായിട്ടുണ്ട്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
പശ്ചിമേഷ്യയിലെ എണ്ണസ്രോതസ്സുകള് ഇനി എത്രത്തോളം വിശ്വസനീയമാണെന്നത് തര്ക്കവിഷയം; പശ്ചിമേഷ്യയില് യുദ്ധമഴവില്; ഇന്ത്യയുടെ ഊര്ജ്ജസുരക്ഷ തുലാസില്: കരുതലോടെ ജീവിക്കാന് പ്രധാനമന്ത്രിയുടെ ആഹ്വാനം
