പുതുവര്‍ഷത്തില്‍ റെയില്‍വേയുടെ പുതിയ സമയക്രമം; വിവിധ ട്രെയിനുകളുടെ സമയത്തില്‍ മാറ്റം്. കേരള എക്‌സ്പ്രസ് ഉള്‍പ്പെടെയുള്ള ട്രെയിനുകളുടെ സമയം മാറും

തിരുവനന്തപുരം : പുതുവര്‍ഷത്തില്‍ ട്രെയിന്‍സമയങ്ങള്‍ക്ക് ചെറിയ മാറ്റം.ന്യൂഡല്‍ഹി- തിരുവനന്തപുരം കേരള എക്‌സ്പ്രസ്: ഈ ട്രെയിന്‍ 20 മിനിറ്റ് നേരത്തേ വൈകിട്ട് 4.30ന് എറണാകുളം ടൗണിലെത്തും. ഇടസ്റ്റേഷനുകളിലെ സമയത്തില്‍ വ്യത്യാസമുണ്ടെങ്കിലും തിരുവനന്തപുരത്ത് എത്തുന്ന സമയത്തില്‍ മാറ്റമില്ല. തിരുവനന്തപുരം- സിക്കന്ദരാബാദ് ശബരി എക്‌സ്പ്രസ്: രാവിലെ 11.10ന് എത്തിയിരുന്ന ഈ ട്രെയിന്‍ ഇനി മുതല്‍ 30 മിനിറ്റ് നേരത്തേ 10.40ന് എറണാകുളം ടൗണിലെത്തും. എന്നാല്‍ തിരുവനന്തപുരത്തുനിന്നു പുറപ്പെടുന്ന സമയത്തില്‍ മാറ്റമുണ്ടാകില്ല. കൊല്ലം- ചെന്നൈ എക്‌സ്പ്രസ് (ചെങ്കോട്ട വഴി): ഒന്നര മണിക്കൂര്‍ നേരത്തേ രാവിലെ 6.05ന് ട്രെയിന്‍ ചെന്നൈ താംബരത്ത് എത്തും.

Also Read വേനൽച്ചൂടിനെ നേരിടാൻ ‘ഉള്ളി’ മരുന്ന്; കീശയിൽ ഉള്ളി കരുതിയാൽ രക്ഷയുണ്ടെന്ന് കേന്ദ്രമന്ത്രി ജ്യോതിരാദിത്യ സിന്ധ്യ

വൈഷ്‌ണോദേവി കട്ര- കന്യാകുമാരി ഹിമസാഗര്‍ വീക്ലി എക്‌സ്പ്രസ്: രാത്രി 8.25ന് പകരം ഒരു മണിക്കൂര്‍ നേരത്തേ 7.25ന് തിരുവനന്തപുരത്ത് എത്തും. മറ്റു സ്റ്റേഷനുകളിലെ സമയത്തിലും വ്യത്യാസമുണ്ടാകും. ബെംഗളൂരു- എറണാകുളം ഇന്റര്‍സിറ്റി: വൈകിട്ട് 4.55നു പകരം 10 മിനിറ്റ് വൈകി 5.05ന് എറണാകുളത്ത് എത്തും.ചെന്നൈ- ഗുരുവായൂര്‍ എക്‌സ്പ്രസ്: രാവിലെ 10.20നു പകരം 10.40ന് ചെന്നൈ എഗ്മോറില്‍നിന്നു പുറപ്പെടും.

യാത്രക്കാര്‍ തങ്ങളുടെ യാത്രയ്ക്ക് മുന്‍പായി റെയില്‍വേയുടെ ഔദ്യോഗിക പോര്‍ട്ടലിലോ അന്വേഷണ വിഭാഗത്തിലോ പുതിയ സമയക്രമം ഉറപ്പുവരുത്തേണ്ടതാണ്.

You May Also Like ഹരിയാനയിൽ അഞ്ച് കോൺഗ്രസ് എംഎൽഎമാർക്ക് സസ്പെൻഷൻ; രാജ്യസഭാ തിരഞ്ഞെടുപ്പിലെ ക്രോസ് വോട്ടിംഗിൽ നടപടിയുമായി എഐസിസി

Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.