പാലക്കാട്: കേരളത്തെ മുഴുവൻ നടുക്കിയ നെന്മാറ പോത്തുണ്ടി ഇരട്ടക്കൊലപാതകക്കേസിൽ പ്രതി ചെന്താമര കുറ്റക്കാരനാണെന്ന് പാലക്കാട് അഡിഷണൽ ഡിസ്ട്രിക്റ്റ് ആൻഡ് സെഷൻസ് കോടതി-4 കണ്ടെത്തി. പോത്തുണ്ടി തിരുത്തംപാടം ബോയൻ ഉന്നതിയിലെ സുധാകരൻ (55), അദ്ദേഹത്തിന്റെ അമ്മ ലക്ഷ്മി (75) എന്നിവരെ കൊടുവാൾ ഉപയോഗിച്ച് വെട്ടിക്കൊലപ്പെടുത്തിയ കേസിലാണ് ജഡ്ജി കെന്നത്ത് ജോർജ്ജ് പ്രതി കുറ്റക്കാരനാണെന്ന് വിധിച്ചത്. നേരത്തെ ജഡ്ജിയുടെ ആരോഗ്യപരമായ കാരണങ്ങളാൽ മാറ്റിവെച്ചിരുന്ന വിധിപ്രസ്താവമാണ് ഇപ്പോൾ പുറത്തുവന്നിരിക്കുന്നത്. കൊലപാതകം നടന്ന് ഒന്നര വർഷം പിന്നിടുമ്പോഴാണ് ഈ കേസിൽ നിർണ്ണായകമായ കോടതി വിധി വരുന്നത്.
വി.ഡി. സതീശൻ സർക്കാരിന്റെ കന്നി ബജറ്റ് ഇന്ന്; കടുത്ത ധനപ്രതിസന്ധിക്കിടെ വരുമാനം കൂട്ടാൻ എന്ത് പ്രഖ്യാപനം?
പ്രതിയായ ചെന്താമര ഇതിനുമുൻപ് സുധാകരന്റെ ഭാര്യ സജിതയെ (35) വെട്ടിക്കൊലപ്പെടുത്തിയ കേസിലും പ്രതിയായിരുന്നു. സജിത വധക്കേസിൽ ഇതേ കോടതി തന്നെ പ്രതിക്ക് ഇരട്ട ജീവപര്യന്തം തടവും പിഴയും വിധിച്ചിരുന്നു. ഈ കേസിൽ ജാമ്യം നേടി പുറത്തിറങ്ങിയ ചെന്താമര, ജാമ്യവ്യവസ്ഥകൾ ലംഘിച്ച് പോത്തുണ്ടിയിൽ എത്തിയ ശേഷമാണ് സുധാകരനെയും അമ്മ ലക്ഷ്മിയെയും ക്രൂരമായി കൊലപ്പെടുത്തിയത്. തന്റെ കുടുംബം തകരാൻ കാരണം സജിതയും കുടുംബവുമാണെന്ന വ്യക്തിവൈരാഗ്യവും സംശയവുമാണ് ഇരട്ടക്കൊലപാതകത്തിലേക്ക് നയിച്ചതെന്നാണ് പ്രോസിക്യൂഷൻ കേസ്.
2025 ജനുവരി 27-നായിരുന്നു നാടിനെ നടുക്കിയ ഈ ദുരന്തം നടന്നത്. പ്രതി സുധാകരനെ ആക്രമിക്കുന്നത് കണ്ട് തടയാൻ ഓടിയെത്തിയപ്പോഴാണ് അമ്മ ലക്ഷ്മിയെയും ക്രൂരമായി വെട്ടിക്കൊലപ്പെടുത്തിയത്. കൊലപാതകത്തിന് ശേഷം പോത്തുണ്ടി മാട്ടായി വനമേഖലയിലേക്ക് ഒളിവിൽ പോയ പ്രതിയെ രണ്ട് ദിവസം നീണ്ട വലിയ തിരച്ചിലിനൊടുവിലാണ് പോലീസ് അറസ്റ്റ് ചെയ്തത്. കേസിൽ പോലീസ് 480 പേജുള്ള വിശദമായ കുറ്റപത്രമാണ് ചിറ്റൂർ മജിസ്ട്രേറ്റ് കോടതിയിലും തുടർന്ന് സെഷൻസ് കോടതിയിലും സമർപ്പിച്ചത്.
ശിവരൂപങ്ങളും വ്യാളികളും കൊത്തിവെച്ച പ്രഭാമണ്ഡലത്തില് നിന്നും ദശാവതാര രൂപങ്ങള് പതിച്ച പാളികളില് നിന്നും സ്വര്ണ്ണം ഇളക്കിമാറ്റി; ഉന്നത ഉദ്യോഗസ്ഥര് ഗൂഢാലോചനയുടെ ഭാഗം; ദേവസ്വം മുന് അധ്യക്ഷനും കമ്മീഷണര്ക്കും കുരുക്ക് മുറുകും; ആ ഞെട്ടിക്കുന്ന അന്വേഷണ റിപ്പോര്ട്ടിന്റെ പൂര്ണ്ണ രൂപം
കേസിൽ ആകെ 132 സാക്ഷികളുണ്ടായിരുന്നതിൽ വിസ്താരത്തിനിടെ 4 പേർ കൂറുമാറിയിരുന്നു. മുപ്പതിലധികം ഔദ്യോഗിക രേഖകളും ഡിഎൻഎ അടക്കമുള്ള ഫോറൻസിക് ശാസ്ത്രീയ തെളിവുകളും പ്രോസിക്യൂഷൻ കോടതിയിൽ വിജയകരമായി ഹാജരാക്കിയിരുന്നു. മേയ് മാസത്തിൽ ഈ കേസിന്റെ അന്തിമവാദം പൂർത്തിയായിരുന്നു. പ്രതിക്ക് നിയമം അനുശാസിക്കുന്ന പരമാവധി ശിക്ഷ തന്നെ നൽകണമെന്നും, ഇയാൾ പുറത്തിറങ്ങിയാൽ തങ്ങളുടെ ജീവന് വലിയ ഭീഷണിയുണ്ടെന്നും കൊല്ലപ്പെട്ട സുധാകരന്റെ മക്കളായ അഖിലയും അതുല്യയും ആവശ്യപ്പെട്ടിരുന്നു. നിലവിൽ മലമ്പുഴ ജയിലിൽ കഴിയുന്ന പ്രതി ചെന്താമരയെ അതീവ ശക്തമായ സുരക്ഷാ വലയത്തിലാണ് പോലീസ് കോടതിയിൽ ഹാജരാക്കിയത്.
