തിരുവനന്തപുരം : വര്ഷത്തില് അഞ്ചോ അതിലധികമോ തവണ ട്രാഫിക് നിയമങ്ങള് ലംഘിച്ചാല് ഡ്രൈവിംഗ് ലൈസന്സ് റദ്ദാക്കാനുള്ള കേന്ദ്ര സര്ക്കാരിന്റെ പുതിയ മോട്ടോര് വാഹന ചട്ട ഭേദഗതിയില് സംസ്ഥാനത്തിന്റെ നിലപാട് വ്യക്തമാക്കി ഗതാഗത മന്ത്രി കെ.ബി. ഗണേഷ് കുമാര്. കേന്ദ്ര നിയമം അതേപടി കേരളത്തില് നടപ്പിലാക്കില്ലെന്നും സാധാരണക്കാരെ ബുദ്ധിമുട്ടിക്കാത്ത രീതിയില് മാത്രമേ തീരുമാനങ്ങള് എടുക്കൂ എന്നും മന്ത്രി ഫേസ്ബുക്കില് കുറിച്ചു.
മുള്ളൻപന്നിയെ കൊന്ന കേസ്: വെള്ളനാട് പഞ്ചായത്ത് പ്രസിഡന്റ് ഒളിവിൽ
മോട്ടോര് വാഹന നിയമത്തിലെ കേന്ദ്ര ഭേദഗതികള് സംസ്ഥാനത്ത് നടപ്പിലാക്കുന്നതിന് മുന്പ് വിശദമായ കൂടിയാലോചനകള് ആവശ്യമാണ്. ഇക്കാര്യത്തില് സംസ്ഥാന സര്ക്കാര് ഇതുവരെ അന്തിമ തീരുമാനമെടുത്തിട്ടില്ലെന്ന് മന്ത്രി വ്യക്തമാക്കി.കേന്ദ്ര നിയമങ്ങള് കര്ശനമാക്കുന്നത് അപകടങ്ങള് കുറയ്ക്കാന് സഹായിക്കുമെങ്കിലും, അവ അപ്പാടെ നടപ്പിലാക്കുന്നത് പ്രായോഗിക ബുദ്ധിമുട്ടുകള് ഉണ്ടാക്കിയേക്കാം. അതിനാല് കേന്ദ്ര ഭേദഗതികള് എങ്ങനെ ലഘൂകരിക്കാം എന്നതിനെക്കുറിച്ച് പഠിച്ച ശേഷം മാത്രമേ തുടര്നടപടികള് സ്വീകരിക്കൂ എന്ന് മന്ത്രി പറഞ്ഞു.
സാധാരണക്കാരായ ഡ്രൈവര്മാരെയും വാഹന ഉടമകളെയും ദ്രോഹിക്കുന്ന നിയമങ്ങള് നടപ്പിലാക്കാന് സര്ക്കാരിന് ഉദ്ദേശ്യമില്ല. ചര്ച്ചകള്ക്കും പഠനങ്ങള്ക്കും ശേഷം മാത്രമേ നിയമം പരിഷ്കരിക്കുകയുള്ളൂവെന്നും കെ.ബി ഗണേഷ് കുമാര് അറിയിച്ചു.
ദേശീയ ഗാനം വീണ്ടും തെറ്റിച്ച് കോണ്ഗ്രസ് നേതാക്കള്; കെ.പി.സി.സി ആസ്ഥാനത്ത് സ്ഥാപക ദിനാഘോഷത്തിനിടയിലാണ് നാണക്കേടുണ്ടാക്കുന്ന അബദ്ധമുണ്ടായത്
