തിരുവനന്തപുരം: സംസ്ഥാനത്ത് മിൽമ പാലിന്റെ പുതുക്കിയ വില നാളെ മുതൽ നിലവിൽ വരും. പാൽ ലിറ്ററിന് നാല് രൂപയുടെ വർദ്ധനവാണ് മിൽമ വരുത്തിയിരിക്കുന്നത്. ഇതിന് പിന്നാലെ തൈരിന് കിലോഗ്രാമിന് പത്ത് രൂപയും വർദ്ധിക്കും. വരുംദിവസങ്ങളിൽ മിൽമയുടെ മറ്റ് ഉൽപ്പന്നങ്ങൾക്കും ആനുപാതികമായ വില വർദ്ധനവ് ഉണ്ടാകുമെന്നാണ് അധികൃതർ നൽകുന്ന സൂചന. നിലവിൽ വിപണിയിലുള്ള പാൽ കവറുകളിൽ പഴയ വില തന്നെയാണ് രേഖപ്പെടുത്തിയിട്ടുള്ളത്. പുതിയ നിരക്കുകൾ കവറുകളിൽ അച്ചടിച്ച് പുറത്തിറക്കാൻ ഒരു മാസം വരെ സമയമെടുക്കുമെന്ന് മിൽമ അധികൃതർ അറിയിച്ചു.
പോക്സോ കേസില് എഫ്ഐആർ റദ്ദാക്കണമെന്ന് ആവശ്യപ്പെട്ട് ബിജെപി കൗൺസിലർ ആർ. ശ്രീലേഖ ഹൈക്കോടതിയിൽ
ക്ഷീരകർഷകർ നേരിടുന്ന കനത്ത ഉൽപ്പാദനച്ചെലവ് പരിഗണിച്ചാണ് ഇപ്പോൾ വില വർദ്ധിപ്പിക്കാൻ മിൽമ തീരുമാനിച്ചത്. വർദ്ധിപ്പിച്ച നാല് രൂപയിൽ 83.75 ശതമാനം തുകയായ 3.35 രൂപ കർഷകർക്ക് നേരിട്ട് നൽകുമെന്ന് മിൽമ അധികൃതർ വ്യക്തമാക്കുന്നു. എന്നാൽ നിലവിലെ പ്രതിസന്ധി മറികടക്കാൻ ഈ തുക പര്യാപ്തമല്ലെന്നാണ് കർഷകർ വാദിക്കുന്നത്. 2022 ഡിസംബർ ഒന്നിനാണ് മിൽമ ഇതിനുമുമ്പ് അവസാനമായി വില കൂട്ടിയത്. അന്ന് ലിറ്ററിന് ആറ് രൂപയുടെ വർദ്ധനവാണ് നടപ്പിലാക്കിയിരുന്നത്.
കൊടുവള്ളിയില് ലീഗ് വിസ്മയം സി.പി.എമ്മിനെ വെട്ടി കാരാട്ട് റസാഖ് പാണക്കാട്ടേക്ക്; അന്വറിന് പിന്നാലെ ഇടതുപക്ഷത്തിന് കനത്ത പ്രഹരം; പികെ ഫിറോസിന് നല്ലകാലം
