ബെയ്ജിംഗ്: ഔദ്യോഗിക സന്ദർശനത്തിനായി ചൈനയിലെത്തിയ അമേരിക്കൻ പ്രസിഡന്റ് ഡൊണാൾഡ് ട്രംപിന് ബെയ്ജിംഗിലെ ഗ്രേറ്റ് ഹാൾ ഓഫ് ദി പീപ്പിളിൽ ചൈന ആവേശോജ്ജ്വലമായ സ്വീകരണം നൽകി. ചൈനീസ് പ്രസിഡന്റ് ഷി ജിൻപിങ് നേരിട്ടെത്തിയാണ് ട്രംപിനെ സ്വീകരിച്ചത്. പത്ത് വർഷത്തിന് ശേഷം ഒരു അമേരിക്കൻ ഭരണാധികാരി ചൈനയിൽ നടത്തുന്ന സന്ദർശനം എന്ന നിലയിൽ അതീവ പ്രാധാന്യത്തോടെയാണ് ലോകം ഇതിനെ നോക്കിക്കാണുന്നത്. ഔദ്യോഗിക സ്വീകരണ ചടങ്ങിൽ ഇരുരാജ്യങ്ങളുടെയും ദേശീയ ഗാനങ്ങൾ ആലപിക്കുമ്പോൾ ഇരു നേതാക്കളും ഒരേ വേദി പങ്കിട്ടു.
“ട്രെയിനിൽ കയറരുത്, ട്രാക്കിൽ നിന്നും മാറിനിൽക്കുക”; ഇറാനിൽ ട്രെയിൻ യാത്ര ഒഴിവാക്കാൻ ഇസ്രയേലിന്റെ മുന്നറിയിപ്പ്;; ടെഹ്റാനിലെ സിനഗോഗ് തകർത്തു; ട്രംപിന്റെ സമയപരിധി ഇന്ന് അവസാനിക്കുന്നു
ഇരുരാജ്യങ്ങളും തമ്മിലുള്ള വ്യാപാര തർക്കങ്ങൾ, ഇറാനിലെ യുദ്ധസാഹചര്യങ്ങൾ തുടങ്ങിയ നിർണ്ണായക വിഷയങ്ങൾ നേതാക്കൾ തമ്മിലുള്ള ചർച്ചയിൽ പ്രധാനമായും ഇടംപിടിക്കും. ആഗോള രാഷ്ട്രീയത്തിലും സാമ്പത്തിക രംഗത്തും വലിയ സ്വാധീനം ചെലുത്തുന്ന രണ്ട് കരുത്തരായ നേതാക്കളുടെ ഈ കൂടിക്കാഴ്ച നിലവിലുള്ള സംഘർഷാവസ്ഥകൾക്ക് പരിഹാരം കാണുന്നതിനുള്ള സുപ്രധാന നീക്കമായി റിപ്പോർട്ടുകൾ വിലയിരുത്തുന്നു.
മേഖലയിലെ സുരക്ഷാ പ്രശ്നങ്ങളും സാമ്പത്തിക സഹകരണവും സംബന്ധിച്ച ഉയർന്ന തലത്തിലുള്ള ചർച്ചകൾ വരും ദിവസങ്ങളിൽ തുടരും. രണ്ട് ദിവസത്തെ ഉച്ചകോടിക്കായി എത്തിയ ട്രംപിനൊപ്പം പ്രമുഖ കമ്പനികളുടെ മേധാവികളും ചൈനയിലുണ്ട്. എൻവിഡിയ സിഇഒ ജെൻസൻ ഹുവാങ്, ടെസ്ല സിഇഒ ഇലോൺ മസ്ക് എന്നിവരടങ്ങുന്ന ഉന്നതതല സംഘമാണ് അമേരിക്കൻ പ്രസിഡന്റിനെ അനുഗമിക്കുന്നത്. ഇതിലൂടെ സാമ്പത്തിക-സാങ്കേതിക മേഖലകളിൽ വലിയ മാറ്റങ്ങൾ ലക്ഷ്യമിടുന്ന സന്ദർശനമാണിതെന്ന് വ്യക്തമാകുന്നു.
ബുധനാഴ്ചയ്ക്കുള്ളില് കരാറായില്ലെങ്കില് ബോംബിടും; ഇറാന് കടുത്ത അന്ത്യശാസനവുമായി ട്രംപ്; പശ്ചിമേഷ്യയില് യുദ്ധഭീതി പാരമ്യത്തില്
