തിരുവനന്തപുരം: മുൻ മുഖ്യമന്ത്രി പിണറായി വിജയന്റെയും മുൻ മന്ത്രി മുഹമ്മദ് റിയാസിന്റെയും വീടുകളിൽ എൻഫോഴ്സ്മെന്റ് ഡയറക്ടറേറ്റ് (ഇഡി) നടത്തിയ റെയ്ഡ് തികഞ്ഞ രാഷ്ട്രീയ പകപോക്കലാണെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ ആരോപിച്ചു. പിണറായി വിജയനെ വ്യക്തിപരമായി ലക്ഷ്യമിട്ടും കടന്നാക്രമിച്ചുമാണ് കേന്ദ്ര ഏജൻസി ഇത്തരം നടപടികളിലേക്ക് കടക്കുന്നതെന്ന് തിരുവനന്തപുരത്ത് വിളിച്ചുചേർത്ത വാർത്താസമ്മേളനത്തിൽ അദ്ദേഹം വിമർശിച്ചു. എന്നാൽ, ഇത്തരം രാഷ്ട്രീയ നീക്കങ്ങളിലൂടെ പിണറായി വിജയനെയോ സിപിഎമ്മിനെയോ ഭയപ്പെടുത്തി തളർത്താമെന്ന് ആരും കരുതേണ്ടതില്ലെന്ന് അദ്ദേഹം മുന്നറിയിപ്പ് നൽകി.
ഇന്ധന വിലയില് അന്ന് പറഞ്ഞത് ഇന്ന് നടത്തണമെന്ന് ബാലഗോപാല്; നിങ്ങളുടെ കടം തീര്ക്കാനുണ്ടെന്ന് മുഖ്യമന്ത്രി; സഭയിലെ ‘സതീശന് തന്ത്രം’; സോഷ്യല് മീഡിയയില് നിന്ന് ഭരണതലപ്പത്തേക്ക്; പ്രതിപക്ഷത്തെ ഞെട്ടിച്ച് വിഡിഎസ്
കേന്ദ്ര ഏജൻസികളെ പൂർണ്ണമായും ദുരുപയോഗം ചെയ്ത് രാജ്യത്തെ പ്രതിപക്ഷ രാഷ്ട്രീയ പാർട്ടികളെ അടിച്ചമർത്താനാണ് കേന്ദ്രസർക്കാർ ശ്രമിക്കുന്നത്. കേന്ദ്ര ഏജൻസികൾ രജിസ്റ്റർ ചെയ്യുന്ന കേസുകളിൽ ഒരു ശതമാനം പോലും ശിക്ഷാവിധി ഉണ്ടാകുന്നില്ലെന്ന് സുപ്രീം കോടതി തന്നെ മുൻപ് ചൂണ്ടിക്കാണിച്ചിട്ടുള്ള കാര്യമാണെന്ന് എം.വി. ഗോവിന്ദൻ ഓർമ്മിപ്പിച്ചു. കേരളത്തിലെ കോൺഗ്രസ് നേതൃത്വവും രാഹുൽ ഗാന്ധിയും പിണറായി വിജയനെ എന്തുകൊണ്ടാണ് ഇഡി അറസ്റ്റ് ചെയ്യാത്തതെന്ന് നിരന്തരം ചോദിച്ചുകൊണ്ടിരിക്കുകയാണ്.
ഇക്കാര്യത്തിൽ ബിജെപിക്കും കോൺഗ്രസിനും ഒരേ നിലപാടാണുള്ളതെന്ന് ഈ കൂട്ടുകെട്ട് തെളിയിക്കുന്നു. ഡൽഹി മുൻ മുഖ്യമന്ത്രി അരവിന്ദ് കെജ്രിവാളിനെയും ഇതേ രീതിയിലാണ് കേന്ദ്രം ജയിലിലടച്ചത്. എന്നാൽ വെറും ഭാവനകൾ നെയ്തുകൂട്ടിയാൽ അത് കൃത്യമായ കുറ്റപത്രമാകില്ലെന്ന് കോടതി വ്യക്തമാക്കുകയും അദ്ദേഹത്തെ വെറുതെ വിടുകയും ചെയ്ത ചരിത്രം നമ്മുടെ മുന്നിലുണ്ട്.
പേര്ഷ്യന് ഗള്ഫ് മേഖലയില് അമേരിക്കന് സൈന്യത്തിന് ഇനി സ്ഥാനമില്ലെ; അധിനിവേശത്തിന് തുനിഞ്ഞാല് അമേരിക്കന് കപ്പലുകള്ക്ക് സമുദ്രത്തിന്റെ അടിത്തട്ടിലായിരിക്കും ഇടം; പേര്ഷ്യന് ഗള്ഫ് യുദ്ധമുനമ്പില്; അമേരിക്കയ്ക്കെതിരെ കടുത്ത വെല്ലുവിളിയുമായി പുതിയ ഇറാനിയന് നേതൃത്വം
ഇതേ രീതിയിലുള്ള കള്ളക്കഥകൾ ചമയ്ക്കലാണ് മുഖ്യമന്ത്രിയുടെ മകളുടെ എക്സാലോജിക് കമ്പനിക്കെതിരെയുള്ള കേസിലും ഇപ്പോൾ നടക്കുന്നത്. നിലവിൽ ഉയർന്നുവന്ന ആരോപണങ്ങളെല്ലാം പൂർണ്ണമായും അടിസ്ഥാനരഹിതമാണ്. വിവാദ ഡയറിയിൽ പേരുള്ള രണ്ടുപേർ നിലവിൽ കേന്ദ്ര മന്ത്രിസഭയിലുണ്ടായിട്ടും അവർക്കെതിരെ യാതൊരുവിധ അന്വേഷണവും കേന്ദ്ര ഏജൻസികൾ നടത്തുന്നില്ല. ഇത് പൂർണ്ണമായും കെട്ടിച്ചമച്ചുണ്ടാക്കിയ കേസാണെന്ന് ഇതിലൂടെ വ്യക്തമാകുന്നു. ഇഡിയുടെ ഈ ഏകപക്ഷീയമായ നടപടിക്കെതിരെ ജനങ്ങളെ അണിനിരത്തി സിപിഎം ശക്തമായ പ്രതിഷേധം സംഘടിപ്പിക്കും. കേന്ദ്രത്തിന്റെ ഈ തെറ്റായ പ്രവണതയെ രാഷ്ട്രീയമായി പ്രതിരോധിക്കാൻ പാർട്ടി ബ്രാഞ്ച് തലങ്ങളിൽ വ്യാപകമായി പന്തംകൊളുത്തി പ്രകടനങ്ങൾ നടത്തുമെന്നും എം.വി. ഗോവിന്ദൻ വാർത്താസമ്മേളനത്തിൽ വ്യക്തമാക്കി.
