ഗുവാഹത്തി: ഐപിഎൽ 19-ാം സീസണിലെ ആവേശപ്പോരാട്ടത്തിൽ ചെന്നൈ സൂപ്പർ കിംഗ്സിനെ എട്ട് വിക്കറ്റിന് തകർത്ത് രാജസ്ഥാൻ റോയൽസ്. ഗുവാഹത്തിയിൽ നടന്ന മത്സരത്തിൽ ചെന്നൈ ഉയർത്തിയ 128 റൺസ് വിജയലക്ഷ്യം വെറും 12.1 ഓവറിൽ രണ്ട് വിക്കറ്റ് മാത്രം നഷ്ടപ്പെടുത്തി രാജസ്ഥാൻ മറികടന്നു. യുവതാരം വൈഭവ് സൂര്യവംശിയുടെ തകർപ്പൻ ബാറ്റിങ് പ്രകടനമാണ് രാജസ്ഥാന്റെ വിജയം അനായാസമാക്കിയത്.
ആരാധകന്റെ സ്നേഹത്തിന് സഞ്ജുവിന്റെ ‘സിക്സര്’ മറുപടി; കോട്ടയത്തെ സൂപ്പര് ഫാനിനെ കാണാന് സഞ്ജു നേരിട്ടെത്തി; പാമ്പാടിയില് എന്തിന് സഞ്ജു എത്തി?
മറുപടി ബാറ്റിങ്ങിനിറങ്ങിയ രാജസ്ഥാന് വേണ്ടി ഓപ്പണർമാരായ യശ്വസ്വി ജയ്സ്വാളും വൈഭവ് സൂര്യവംശിയും ചേർന്ന് വെടിക്കെട്ട് തുടക്കമാണ് നൽകിയത്. വെറും 17 പന്തിൽ നിന്ന് വൈഭവ് 52 റൺസ് അടിച്ചെടുത്തു. മറുവശത്ത് 36 പന്തിൽ 38 റൺസുമായി ജയ്സ്വാളും മികച്ച പിന്തുണ നൽകി. ധ്രുവ് ജുറേൽ (18), റിയാൻ പരാഗ് (14) എന്നിവർ ചേർന്ന് 47 പന്തുകൾ ബാക്കിനിൽക്കെ ടീമിനെ വിജയത്തിലെത്തിച്ചു.
നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ചെന്നൈയുടെ തുടക്കം തന്നെ പാളി. മഴ കാരണം അല്പം വൈകി ആരംഭിച്ച മത്സരത്തിൽ ഓപ്പണർമാരായ സഞ്ജു സാംസണും (ചെന്നൈ താരമായി കളിക്കുന്നു) ക്യാപ്റ്റൻ റിതുരാജ് ഗെയ്ക്വാദും നിരാശപ്പെടുത്തി. ഇരുവരും ആറ് റൺസ് വീതം എടുത്ത് പുറത്തായി. രാജസ്ഥാൻ ബൗളർമാരുടെ കൃത്യതയാർന്ന ബൗളിങ്ങിന് മുന്നിൽ ചെന്നൈ ബാറ്റർമാർ ഒന്നൊന്നായി പതറി വീഴുന്ന കാഴ്ചയാണ് കണ്ടത്.
സെല്ഫിയെടുത്ത ആരാധകന്റെ പൊട്ടിയ ഫോണ് കണ്ടു; പുതിയ ഫോണ് സമ്മാനിച്ച് സഞ്ജു സാംസണ്
36 പന്തിൽ 43 റൺസെടുത്ത ജാമി ഓവർട്ടന്റെ പോരാട്ടം മാത്രമാണ് ചെന്നൈയെ നൂറ് കടത്തിയത്. ശിവം ദുബെ ഉൾപ്പെടെയുള്ള മുൻനിര താരങ്ങൾ പരാജയപ്പെട്ടതോടെ നിശ്ചിത ഓവറിൽ ചെന്നൈയ്ക്ക് ചെറിയ സ്കോറിൽ ഒതുങ്ങേണ്ടി വന്നു.
