തിരുവനന്തപുരം: ലൈംഗികാതിക്രമ കേസിൽ പ്രതിയായ നടൻ സിദ്ദീഖിന് വിദേശയാത്രയ്ക്ക് കോടതി അനുമതി നൽകി. ഷാർജയിൽ നടക്കുന്ന ‘രാജകീയം’ എന്ന സ്റ്റേജ് ഷോയിൽ പങ്കെടുക്കുന്നതിനായി പാസ്പോർട്ട് വിട്ടുനൽകണമെന്ന സിദ്ദീഖിന്റെ ആവശ്യം തിരുവനന്തപുരം ഒന്നാം ക്ലാസ് ജുഡീഷ്യൽ മജിസ്ട്രേറ്റ് കോടതി അംഗീകരിക്കുകയായിരുന്നു. സുപ്രീം കോടതി അനുവദിച്ച ജാമ്യവ്യവസ്ഥകളുടെ ഭാഗമായാണ് സിദ്ദീഖ് പാസ്പോർട്ട് കോടതിയിൽ ഹാജരാക്കിയിരുന്നത്.
മാറ്റത്തിന് വേണ്ടിയുള്ള ജനവിധി”; യുഡിഎഫ് വിജയത്തിൽ പ്രതികരണവുമായി ജി. സുകുമാരൻ നായർ; വി.ഡി. സതീശനോട് ഇപ്പോഴും വിയോജിപ്പ്
ജോലി സംബന്ധമായ ആവശ്യങ്ങൾ പരിഗണിച്ച് പാസ്പോർട്ട് താൽക്കാലികമായി വിട്ടുനൽകിയ കോടതി, മാർച്ച് 31-നകം അത് തിരികെ ഹാജരാക്കണമെന്നും കർശന നിർദ്ദേശം നൽകിയിട്ടുണ്ട്. സിനിമയിൽ അവസരം വാഗ്ദാനം ചെയ്ത് 2016 ജനുവരി 28-ന് തിരുവനന്തപുരത്തെ മസ്കറ്റ് ഹോട്ടലിൽ വെച്ച് യുവനടിയെ പീഡിപ്പിച്ചുവെന്നാണ് സിദ്ദീഖിനെതിരെയുള്ള കേസ്. സംഭവത്തിൽ പോലീസ് നേരത്തെ കുറ്റപത്രം സമർപ്പിച്ചിരുന്നു. സാക്ഷിമൊഴികളും മസ്കറ്റ് ഹോട്ടലിൽ നടത്തിയ തെളിവെടുപ്പിലെ വിവരങ്ങളും കുറ്റപത്രത്തിൽ ഉൾപ്പെടുത്തിയിട്ടുണ്ട്.
ഹേമ കമ്മിറ്റി റിപ്പോർട്ട് പുറത്തുവന്നതിന് പിന്നാലെ ഉയർന്ന വെളിപ്പെടുത്തലുകളെത്തുടർന്നാണ് നടിക്കെതിരെ കേസെടുത്തത്. നിലവിൽ അന്വേഷണവുമായി സഹകരിക്കണമെന്ന വ്യവസ്ഥയിലാണ് സിദ്ദീഖിന് കോടതി ജാമ്യം അനുവദിച്ചിരിക്കുന്നത്. വിദേശയാത്ര കഴിഞ്ഞ് മടങ്ങിയെത്തിയ ശേഷം കേസിലെ വിചാരണ നടപടികൾ ഊർജ്ജിതമാക്കും.
അമ്പലപ്പുഴയിൽ ജി. സുധാകരന് പിന്തുണ: “52 വർഷത്തെ ബന്ധം അവസാനിക്കുന്നു”; കോൺഗ്രസ് വിട്ട് കെപിസിസി ജനറൽ സെക്രട്ടറി എം.ജെ. ജോബ്
