മലപ്പുറം: മുസ്ലിം ലീഗ് സംസ്ഥാന അധ്യക്ഷന് പാണക്കാട് സാദിഖലി ശിഹാബ് തങ്ങളെ അപകീര്ത്തിപ്പെടുത്താനും ബ്ലാക്മെയില് ചെയ്യാനും ശ്രമിച്ച കേസില് നിര്ണ്ണായക നീക്കങ്ങളുമായി പോലീസ്. കേസിലെ മുഖ്യപ്രതി പെരിന്തല്മണ്ണ സ്വദേശി മുഹമ്മദ് റോഷന് രാജ്യം വിട്ടതായാണ് അന്വേഷണ സംഘത്തിന്റെ പുതിയ സംശയം. ഇയാളെ പിടികൂടാന് ലുക്ക് ഔട്ട് നോട്ടീസ് പുറപ്പെടുവിക്കാനുള്ള നടപടികള് പോലീസ് യുദ്ധകാലാടിസ്ഥാനത്തില് ആരംഭിച്ചു കഴിഞ്ഞു.
മാസങ്ങള് നീണ്ട കൃത്യമായ പ്ലാനിംഗോടെയാണ് പാണക്കാട് കുടുംബത്തിനെതിരെ ഈ ഗൂഢാലോചന നടന്നതെന്നാണ് പുറത്തുവരുന്ന വിവരങ്ങള്. തങ്ങളെയും കുടുംബത്തെയും അപമാനിക്കാനും സമൂഹത്തില് കലാപമുണ്ടാക്കാനും ശ്രമിച്ച ഈ നീക്കത്തിന് പിന്നില് വന് സ്രാവുകളുണ്ടോ എന്ന സംശയത്തിലാണ് അന്വേഷണ സംഘം.
15 കോടിയുടെ ഭീഷണി: 2026 ജനുവരി 31-ന് പെരിന്തല്മണ്ണയിലെ ഒരു മാളിലേക്ക് പാണക്കാട് കുടുംബാംഗമായ മൊയീന് അലി ശിഹാബ് തങ്ങളെ വിളിച്ചുവരുത്തിയാണ് റോഷന് കളി തുടങ്ങിയത്. സാദിഖലി തങ്ങളുടേതെന്ന പേരില് ചില വ്യാജ ദൃശ്യങ്ങള് മൊബൈലില് കാട്ടി 15 കോടി രൂപ നല്കണമെന്നായിരുന്നു ആവശ്യം.
പദ്ധതി പാളിയപ്പോള് സൈബര് ആക്രമണം: പണം നല്കാന് വിസമ്മതിച്ചതോടെയാണ് മാര്ച്ച് 21-ന് ‘ഷാനു ഷാനു’ എന്ന വ്യാജ ഫേസ്ബുക്ക് ഐഡിയിലൂടെ തങ്ങളെ അപകീര്ത്തിപ്പെടുത്തുന്ന പോസ്റ്റുകള് ഇട്ടത്. സൈബര് വിദ്വേഷം പ്രചരിപ്പിക്കാന് വേണ്ടി മാത്രമാണ് ഈ ഐഡി നിര്മ്മിച്ചതെന്ന് വ്യക്തമാണ്.
തായ്വാന് ലൊക്കേഷന് എന്ന ചതി: വി.പി.എന് ഉപയോഗിച്ച് തായ്വാനില് നിന്നാണ് പോസ്റ്റ് ഇട്ടതെന്നാണ് പ്രതി വരുത്തിത്തീര്ത്തത്. എന്നാല് സൈബര് സെല്ലിന്റെ അതിസൂക്ഷ്മമായ പരിശോധനയില് ഈ ഐ.പി. അഡ്രസ് വ്യാജമാണെന്നും ഇതിന്റെ യഥാര്ത്ഥ ഉറവിടം പെരിന്തല്മണ്ണയാണെന്നും പോലീസ് കണ്ടെത്തി.
കാപ്പ കേസില് പ്രതിയായ മുഹമ്മദ് റോഷന് പരാതി ഉയര്ന്നതോടെയാണ് മുങ്ങിയത്. ഇയാള് വിദേശത്തേക്ക് കടന്നുവെന്ന നിഗമനത്തില് എല്ലാ വിമാനത്താവളങ്ങളിലും പോലീസ് ജാഗ്രതാ നിര്ദ്ദേശം നല്കിയിട്ടുണ്ട്. പാണക്കാട് തങ്ങളെ വ്യക്തിപരമായി തേജോവധം ചെയ്യാനുള്ള നീക്കത്തെ എന്ത് വിലകൊടുത്തും നിയമപരമായി നേരിടുമെന്ന് പി.കെ. കുഞ്ഞാലിക്കുട്ടി വ്യക്തമാക്കിയതോടെയാണ് അന്വേഷണം ഊര്ജിതമായത്.
പ്രതിക്ക് ഒളിവില് പോകാന് സൗകര്യം ചെയ്തുകൊടുത്തവരെക്കുറിച്ചും പോലീസ് അന്വേഷണം നടത്തുന്നുണ്ട്. മത-രാഷ്ട്രീയ നേതാക്കള്ക്കെതിരെ സൈബര് ആക്രമണം നടത്തുന്ന ക്രിമിനല് സംഘങ്ങള്ക്കുള്ള ശക്തമായ മുന്നറിയിപ്പായി ഈ കേസിനെ മാറ്റാനാണ് പോലീസിന്റെ നീക്കം.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
കാലവര്ഷം നേരത്തെയെത്തും; സംസ്ഥാനത്ത് മഴ കനക്കുന്നു, വിവിധ ജില്ലകളില് യെല്ലോ അലര്ട്ട്
