തിരുവനന്തപുരം: തിരുവനന്തപുരം മെഡിക്കൽ കോളേജിലുണ്ടായ തീപിടിത്തത്തിന് പിന്നാലെ രണ്ട് രോഗികൾ മരിച്ച സംഭവത്തിൽ ആശുപത്രി അധികൃതർക്കെതിരെ ഗുരുതര ആരോപണവുമായി കുടുംബാംഗങ്ങൾ രംഗത്ത്. നെയ്യാറ്റിൻകര സ്വദേശി സനീഷ്, ഓയൂർ സ്വദേശി കൃഷ്ണൻകുട്ടി എന്നിവരുടെ മരണത്തിലാണ് ബന്ധുക്കൾ ദുരൂഹത ആരോപിക്കുന്നത്. എന്നാൽ ഈ ആരോപണങ്ങൾ മെഡിക്കൽ കോളേജ് അധികൃതർ പൂർണ്ണമായും നിഷേധിച്ചു.
ബൈക്ക് അപകടത്തെത്തുടർന്നാണ് സനീഷിനെ ആശുപത്രിയിൽ പ്രവേശിപ്പിച്ചത്. തീപിടിത്തമുണ്ടായതിന് പിന്നാലെ ഐസിയു മാറ്റിയതോടെയാണ് സനീഷിന്റെ നില വഷളായതെന്നും തൊട്ടടുത്ത ദിവസം രാവിലെ മരണം സംഭവിക്കുകയായിരുന്നുവെന്നും ബന്ധുക്കൾ പരാതിപ്പെട്ടു. തീപിടിത്തമുണ്ടായ ദിവസം ഉച്ചയ്ക്ക് 12.45-നാണ് കൃഷ്ണൻകുട്ടി മരിച്ചത്. തീപിടിത്തത്തെത്തുടർന്ന് ഐസിയുവിൽ നിന്ന് മാറ്റിയതാണ് ആരോഗ്യനില വഷളാകാൻ കാരണമെന്ന് കുടുംബം ആരോപിക്കുന്നു.കുടുംബത്തിന്റെ ആരോപണങ്ങൾ വസ്തുതാവിരുദ്ധമാണെന്ന് മെഡിക്കൽ കോളേജ് അധികൃതർ അറിയിച്ചു.
അതീവ ഗുരുതരാവസ്ഥയിലായിരുന്ന രോഗികളാണ് മരിച്ചത്. ഇവരുടെ മരണത്തിന് തീപിടിത്തവുമായോ ഐസിയു മാറ്റവുമായോ യാതൊരു ബന്ധവുമില്ല. തീപിടിത്തമുണ്ടായ ഉടൻ തന്നെ മുൻകരുതൽ എന്ന നിലയിൽ രോഗികളെ സുരക്ഷിതമായി മറ്റ് ഐസിയു യൂണിറ്റുകളിലേക്ക് മാറ്റിയിരുന്നു. ആശുപത്രിയുടെ പ്രതിച്ഛായ തകർക്കാൻ ലക്ഷ്യമിട്ടുള്ള തെറ്റായ ആരോപണങ്ങൾക്കെതിരെ നിയമനടപടി സ്വീകരിക്കുമെന്നും അധികൃതർ വ്യക്തമാക്കി.
മെഡിക്കൽ കോളേജിലെ ഒരു വിഭാഗം ഐസിയുവിൽ ഉണ്ടായ ഷോർട്ട് സർക്യൂട്ടാണ് തീപിടിത്തത്തിന് കാരണമായതെന്നാണ് പ്രാഥമിക നിഗമനം. അപകടസമയത്ത് വലിയ പരിഭ്രാന്തി ഉണ്ടായെങ്കിലും ജീവനക്കാരുടെ സമയോചിതമായ ഇടപെടൽ വലിയൊരു ദുരന്തം ഒഴിവാക്കിയിരുന്നു. ഇതിനിടയിലാണ് ഇപ്പോൾ രണ്ട് മരണങ്ങൾ റിപ്പോർട്ട് ചെയ്യപ്പെട്ടിരിക്കുന്നത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ഒടുവില് അശോകിന്റെ ‘പ്രവചനം’ ഫലിക്കും; ഡോ. ബി. അശോക് ഐ.എ.എസിനെ സസ്പെന്ഷന് പിന്വലിച്ച് തിരിച്ചെടുക്കാന് സതീശന് സര്ക്കാരിന്റെ തീരുമാനം; ഉന്നത പദവി നല്കും
