കണ്ണൂർ: ആരോഗ്യ മന്ത്രി വീണാ ജോർജിനെ കണ്ണൂർ റെയിൽവേ സ്റ്റേഷനിൽ വെച്ച് തടയുകയും പരിക്കേൽപ്പിക്കുകയും ചെയ്ത സംഭവത്തിൽ അഞ്ച് കെഎസ്യു പ്രവർത്തകരെ പോലീസ് അറസ്റ്റ് ചെയ്തു. കെഎസ്യു ജില്ലാ പ്രസിഡന്റ് എം.സി. അതുൽ ഉൾപ്പെടെയുള്ളവർക്കെതിരെ വധശ്രമം ഉൾപ്പെടെയുള്ള ഗുരുതരമായ വകുപ്പുകൾ ചുമത്തിയാണ് കേസെടുത്തിരിക്കുന്നത്. സി.എച്ച്. മുബാസ്, മുഹമ്മദ് യാസീൻ, അക്ഷയ് മാട്ടൂൽ, ബിഥുൽ എന്നിവരാണ് അറസ്റ്റിലായ മറ്റ് പ്രവർത്തകർ.
സിപിഎമ്മിനു പിന്നാലെ ഭവന സന്ദർശനവുമായി കോൺഗ്രസ്സും; ഫെബ്രുവരി 20 മുതൽ കോൺഗ്രസ് നേതാക്കൾ വീടുകളിലെത്തും
റെയിൽവേ സ്റ്റേഷനുള്ളിൽ വെച്ചാണ് അക്രമം നടന്നതെന്നതിനാൽ അറസ്റ്റിലായ പ്രതികളെ റെയിൽവേ പോലീസിന് കൈമാറാനാണ് നിലവിലെ തീരുമാനം. നിലവിൽ കണ്ണൂർ ടൗൺ പോലീസ് സ്റ്റേഷനിലുള്ള ഇവരെ നിയമനടപടികൾ പൂർത്തിയാക്കിയ ശേഷം കൈമാറും. മന്ത്രിക്കെതിരെയുള്ള കരിങ്കൊടി പ്രതിഷേധം കൈയേറ്റത്തിലേക്ക് മാറിയതും മന്ത്രിക്ക് പരിക്കേറ്റതും വലിയ രാഷ്ട്രീയ വിവാദമായി മാറിയിരിക്കുകയാണ്.
അതേസമയം, വധശ്രമത്തിന് കേസെടുത്തത് രാഷ്ട്രീയ പ്രേരിതമാണെന്ന് കോൺഗ്രസ് ആരോപിക്കുമ്പോൾ, മന്ത്രിയെ ആസൂത്രിതമായി ആക്രമിക്കുകയായിരുന്നുവെന്ന് സിപിഎം കുറ്റപ്പെടുത്തുന്നു. മന്ത്രി നിലവിൽ കണ്ണൂർ ജില്ലാ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിൽ തുടരുകയാണ്. പ്രതികളെ ഇന്ന് തന്നെ കോടതിയിൽ ഹാജരാക്കിയേക്കും.
മതസ്പര്ധയുണ്ടാക്കിയതിനും വിശ്വാസം വ്രണപ്പെടുത്തിയതിനും ഉള്ള വകുപ്പുകള്; ഐടി ആക്ടിന്റെ പൊടി പോലുമില്ല! ലക്ഷ്യം ”പോറ്റിയെ കേറ്റിയെ……” എന്ന പാരഡി ഗാനം സോഷ്യല് മീഡിയയില് അപ്രത്യക്ഷമാക്കല്; സൈബര് പോലീസ് അന്വേഷണത്തിന് പിന്നില് ആ ഒറ്റ ലക്ഷ്യം മാത്രം; നിയമസഭാ തിരഞ്ഞെടുപ്പ് കാലത്ത് ആരും ആ പാട്ട് പാടാതിരിക്കാനുള്ള മുന് കരുതല്
