കൊട്ടാരക്കര: നിയമസഭാ തിരഞ്ഞെടുപ്പ് അടുത്തിരിക്കെ കേരള രാഷ്ട്രീയത്തിൽ കൂടുമാറ്റങ്ങൾ തുടരുന്നു. യുഡിഎഫിന് കനത്ത തിരിച്ചടി നൽകിക്കൊണ്ട് മഹിളാ കോൺഗ്രസ് നേതാവ് ആർ. രശ്മി ബിജെപിയിലേക്ക് ചേരുന്നതായാണ് ഏറ്റവും പുതിയ റിപ്പോർട്ടുകൾ. മുൻപ് കൊട്ടാരക്കര മണ്ഡലത്തിൽ യുഡിഎഫ് സ്ഥാനാർത്ഥിയായി മത്സരിച്ചിട്ടുള്ള രശ്മി, കോൺഗ്രസിന്റെ ഉറച്ച മുഖങ്ങളിലൊന്നായിരുന്നു. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറുമായി ഇന്ന് മാരാർജി ഭവനിൽ വെച്ച് രശ്മി കൂടിക്കാഴ്ച നടത്തും. ഉച്ചയ്ക്ക് 12 മണിക്ക് നടക്കുന്ന വാർത്താസമ്മേളനത്തിൽ വെച്ച് അവരുടെ ബിജെപി പ്രവേശനം ഔദ്യോഗികമായി പ്രഖ്യാപിക്കുമെന്നാണ് സൂചന.
വണ്ടാനം മെഡിക്കൽ കോളേജ് വിവാദം: ഡോക്ടറുടെ പ്രതികരണത്തിൽ അതൃപ്തി അറിയിച്ച് ആരോഗ്യമന്ത്രി; കുറ്റക്കാർക്കെതിരെ കർശന നടപടി.
യൂത്ത് കോൺഗ്രസ് നേതാവായിരുന്ന അഖിൽ മാരാർ കഴിഞ്ഞ ദിവസം ട്വന്റി 20 വഴി എൻഡിഎ പാളയത്തിലെത്തിയതിന് പിന്നാലെയാണ് രശ്മിയുടെയും ഈ ചുവടുമാറ്റം. കോൺഗ്രസ് നേതൃത്വത്തിൽ നിന്ന് അവഗണന നേരിടുന്നതാണ് ഇത്തരം മാറ്റങ്ങൾക്ക് പിന്നിലെ പ്രധാന കാരണമെന്ന് വിലയിരുത്തപ്പെടുന്നു. കൊട്ടാരക്കരയിൽ സജീവ സാന്നിധ്യമായിരുന്ന ഒരു വനിതാ നേതാവ് കൂടി മുന്നണി വിടുന്നത് വരാനിരിക്കുന്ന തിരഞ്ഞെടുപ്പിൽ യുഡിഎഫിന്റെ സാധ്യതകളെ പ്രതികൂലമായി ബാധിച്ചേക്കാം.
സ്ഥാനാർത്ഥി നിർണ്ണയവുമായി ബന്ധപ്പെട്ട തർക്കങ്ങളും നേതൃത്വത്തിന്റെ ഏകപക്ഷീയമായ നിലപാടുകളുമാണ് നേതാക്കളെ ബിജെപിയിലേക്ക് അടുപ്പിക്കുന്നത്. അഖിൽ മാരാർ കൊട്ടാരക്കരയിൽ സ്ഥാനാർത്ഥിയാകാൻ സാധ്യത തെളിയുന്നതിനിടെ രശ്മി കൂടി എത്തുന്നതോടെ എൻഡിഎ ക്യാമ്പ് ആത്മവിശ്വാസത്തിലാണ്. കോൺഗ്രസിൽ നിന്ന് വരും ദിവസങ്ങളിൽ കൂടുതൽ പേർ പാർട്ടി വിടുമോ എന്ന ആശങ്കയിലാണ് പ്രാദേശിക നേതൃത്വം.
ആര്.സി.സിയിലെ നഴ്സിംഗ് നിയമന തട്ടിപ്പില് നടപടി ! റാങ്ക് ലിസ്റ്റ് റദ്ദാക്കി; ചീഫ് നഴ്സിംഗ് ഓഫീസര്ക്കെതിരെ വിജിലന്സ് അന്വേഷണം; അനന്തരവള്ക്ക് ഒന്നാം റാങ്ക് നല്കി തട്ടിപ്പ്
