പറ്റ്ന : ബിഹാര് മുഖ്യമന്ത്രി നിതീഷ് കുമാറിന്റെ സുരക്ഷാ സന്നാഹം കൂടുതല് ശക്തമാകുന്നു. പ്രധാനമന്ത്രി നരേന്ദ്ര മോദി ഉപയോഗിക്കുന്നതിന് സമാനമായ നാല് റേഞ്ച് റോവര് എസ്യുവികള് മുഖ്യമന്ത്രിയുടെ വാഹനവ്യൂഹത്തിലേക്ക് എത്തിക്കാന് ബിഹാര് സര്ക്കാര് തീരുമാനിച്ചു. ഇതിനായി 11.17 കോടി രൂപ അനുവദിച്ചുകൊണ്ട് ഉത്തരവിറങ്ങി.
രാജ്യത്തെ ആദ്യ നിഷ്ക്രിയ ദയാവധം: ഹരീഷ് റാണയുടെ ജീവൻരക്ഷാ ഉപകരണങ്ങൾ നീക്കം ചെയ്തു
ലോകത്തിലെ ഏറ്റവും സുരക്ഷിതമായ വാഹനങ്ങളിലൊന്നായി കണക്കാക്കപ്പെടുന്ന റേഞ്ച് റോവര് വാങ്ങാനുള്ള തീരുമാനം കഴിഞ്ഞ ജൂലൈയിലാണ് സര്ക്കാര് എടുത്തത്. നിലവില് തലസ്ഥാനത്തിന് പുറത്തുള്ള യാത്രകള്ക്കായി ബുള്ളറ്റ് പ്രൂഫ് ടാറ്റ സഫാരിയാണ് നിതീഷ് കുമാര് ഉപയോഗിക്കുന്നത്. എന്നാല് സുരക്ഷാ ഭീഷണികള് കണക്കിലെടുത്ത് ഇത് അത്യാധുനിക സുരക്ഷാ സംവിധാനങ്ങളുള്ള റേഞ്ച് റോവറിലേക്ക് മാറ്റാന് തീരുമാനിക്കുകയായിരുന്നു.
പട്ന നഗരത്തിനുള്ളിലെ യാത്രകള്ക്കായി നിതീഷ് കുമാര് നിലവില് ഹ്യുണ്ടായി അയോണിക് 5 എന്ന ഇലക്ട്രിക് വാഹനമാണ് ഉപയോഗിക്കുന്നത്. പരിസ്ഥിതി സൗഹൃദ വാഹനമെന്ന നിലയിലാണ് അദ്ദേഹം ഇത് തിരഞ്ഞെടുത്തത്.
അയോധ്യ ക്ഷേത്രപരിസരത്ത് മാംസാഹാരം നിരോധിച്ചു ; 15 കിലോമീറ്റര് ചുറ്റളവില് കര്ശന നിയന്ത്രണം; ലംഘിച്ചാല് കര്ശന നടപടി! സൊമാറ്റോ, സിഗ്ഗിയടക്കം ഓണ്ലൈന് ഭക്ഷണവിതരണക്കാര്ക്കും നിരോധനം ബാധകം
ബുള്ളറ്റ് പ്രൂഫ് സജ്ജീകരണമുള്ള ടാറ്റ സഫാരിയാണ് ദീര്ഘദൂര യാത്രകള്ക്ക് ഉപയോഗിക്കുന്നത്. പുതിയ വാഹനങ്ങള് എത്തുന്നതോടെ ഇവ വാഹനവ്യൂഹത്തില് നിന്ന് മാറ്റിയേക്കും.11 കോടിയിലധികം രൂപ ചിലവഴിച്ചുള്ള ഈ മാറ്റത്തിനെതിരെ പ്രതിപക്ഷം വന് വിമര്ശനമുയര്ത്തിയിട്ടുണ്ട്. മുഖ്യമന്ത്രിയുടെ സുരക്ഷാ മാനദണ്ഡങ്ങള് പരിഷ്കരിക്കുന്നതിന്റെ ഭാഗമായാണ് ഈ നടപടിയെന്ന് സര്ക്കാര് വൃത്തങ്ങള് വിശദീകരിക്കുന്നു.
