ബാംഗ്ലൂര് : കന്നഡ സൂപ്പര്താരം യാഷ് നായകനാകുന്ന, മലയാളി സംവിധായിക ഗീതു മോഹന്ദാസ് ഒരുക്കുന്ന ‘ടോക്സിക്’ എന്ന ചിത്രത്തിന്റെ ടീസറിനെതിരെ പരാതി. ടീസറില് അശ്ലീല ദൃശ്യങ്ങളും സ്ത്രീവിരുദ്ധ ഉള്ളടക്കവുമുണ്ടെന്ന് ആരോപിച്ച് ആം ആദ്മി പാര്ട്ടി കര്ണാടക വനിതാ കമ്മീഷനില് പരാതി നല്കി.
ചിദംബരത്തിനെതിരെ അമിത വേഗതയില് പോലീസ് നടപടി എടുക്കില്ല; പഴയ പരാതിയായതു കൊണ്ട് വിശദ നിയമോപദേശം തേടും
ടീസറില് സ്ത്രീകളുടെ അന്തസ്സിനെ ബാധിക്കുന്ന തരത്തിലുള്ള അശ്ലീല ദൃശ്യങ്ങളുണ്ടെന്നും ഇത് കന്നഡ സാംസ്കാരിക മൂല്യങ്ങളെ തകര്ക്കുമെന്നും എ.എ.പി ആരോപിച്ചു. പ്രായപരിധി സംബന്ധിച്ച മുന്നറിയിപ്പുകളോ മുന്കരുതലോ ഇല്ലാതെയാണ് ടീസര് പുറത്തിറക്കിയതെന്നും ഇത് പ്രായപൂര്ത്തിയാകാത്ത കുട്ടികളെ ദോഷകരമായി ബാധിക്കുമെന്നും പരാതിയില് പറയുന്നു.
സോഷ്യല് മീഡിയ പ്ലാറ്റ്ഫോമുകളില് നിന്ന് ടീസര് ഉടന് നീക്കം ചെയ്യാന് സര്ക്കാരിനോട് നിര്ദ്ദേശിക്കണമെന്ന് എ.എ.പി സംസ്ഥാന സെക്രട്ടറി ഉഷാ മോഹന് ആവശ്യപ്പെട്ടു.പരാതി ഗൗരവകരമായി കണ്ട കര്ണാടക വനിതാ കമ്മീഷന്, വിഷയത്തില് ഇടപെടണമെന്ന് ആവശ്യപ്പെട്ട് സെന്ട്രല് ബോര്ഡ് ഓഫ് ഫിലിം സര്ട്ടിഫിക്കേഷന് കത്തെഴുതി. നിയമങ്ങള്ക്കനുസൃതമായി ടീസര് പരിശോധിച്ച് റിപ്പോര്ട്ട് സമര്പ്പിക്കാനും സി.ബി.എഫ്.സിയോട് ആവശ്യപ്പെട്ടിട്ടുണ്ട്.
സേവ് ബോക്സ് ആപ്പ് തട്ടിപ്പ്: നടൻ ജയസൂര്യയുടെ 39 ലക്ഷം രൂപയുടെ സ്വത്തുക്കൾ ഇഡി മരവിപ്പിച്ചു
ജനുവരി 8-ന് യാഷിന്റെ 40-ാം ജന്മദിനത്തിലാണ് ‘ടോക്സിക്’ ടീസര് പുറത്തിറങ്ങിയത്. ഏറെ പ്രതീക്ഷയോടെ ആരാധകര് കാത്തിരുന്ന ചിത്രത്തിന്റെ ടീസര് ഇതിനോടകം തന്നെ കോടിക്കണക്കിന് ആളുകള് കണ്ടുകഴിഞ്ഞു. ഗീതു മോഹന്ദാസിന്റെ ആദ്യ പാന്-ഇന്ത്യന് ചിത്രമാണിത്.
