തിരുവനന്തപുരം: മസ്കുലാര് ഡിസ്ട്രോഫി എന്ന മാരക രോഗത്തോട് മല്ലിട്ട്, തളരാത്ത മനക്കരുത്തോടെ ജീവിതം കരുപിടിപ്പിച്ച ഗീതു കൃഷ്ണയുടെ കഥ ഇനി വെള്ളിത്തിരയില്. ജീവിതം പകുതിവഴിയില് നിലച്ചുപോകുന്ന വേദനകള്ക്കിടയിലും തളരാതെ പോരാടിയ ഈ മാവേലിക്കര സ്വദേശിനിയുടെ കഥ ‘എന്റെ ജീവിത നൊമ്പരം’ എന്ന പേരില് സിനിമയായി തിയേറ്ററുകളിലെത്തിക്കഴിഞ്ഞു.
പത്താം വയസ്സിലാണ് അപ്രതീക്ഷിതമായി ഗീതുവിനെ മസ്കുലാര് ഡിസ്ട്രോഫി പിടികൂടുന്നത്. ജീവിതത്തിന്റെ വസന്തകാലം രോഗത്തോട് മല്ലിട്ടു തുടങ്ങിയതോടെ ഏഴാം ക്ലാസ്സില് പഠനം നിര്ത്തേണ്ടി വന്നു. ഇടയ്ക്ക് അച്ഛന്റെ ആത്മഹത്യയും ഏക സഹോദരന്റെ വിയോഗവും ആ ജീവിതത്തെ തകര്ത്തെങ്കിലും അമ്മയുടെ കരുത്തില് ഗീതു മുന്നേറി. ഇരുപത്തിമൂന്നാം വയസ്സില് വീണ്ടും പുസ്തകമെടുത്ത ഗീതു പത്താംതരവും പ്ലസ് ടുവും മികച്ച മാര്ക്കോടെ വിജയിച്ച് ലോകത്തിന് മാതൃകയായി.
രാജന് ശ്രീധരനും മനു വി. കുമാറും ചേര്ന്നാണ് ഈ ചിത്രം സംവിധാനം ചെയ്തിരിക്കുന്നത്. ശാന്തിനിയും ശോഭ കുമാരിയുമാണ് നിര്മ്മാതാക്കള്. മസ്കുലാര് ഡിസ്ട്രോഫി ബാധിച്ച ഒരു കുടുംബം അനുഭവിക്കുന്ന മാനസികവും സാമൂഹികവുമായ സംഘര്ഷങ്ങളാണ് ചിത്രത്തിന്റെ പ്രമേയം. താരനിര: നടന് മധു ചിത്രത്തില് പ്രധാന വേഷത്തിലെത്തുന്നു. സൂര്യലക്ഷ്മി, വിഷ്ണു കാര്ത്തിക്, പ്രിയങ്ക ചന്ദ്രന് തുടങ്ങിയവരോടൊപ്പം ഗീതുവിന്റെ രോഗാവസ്ഥയെ വെള്ളിത്തിരയില് അവതരിപ്പിക്കുന്നത് രേഷ്മ എന്ന താരമാണ്.
ഗീതു കൃഷ്ണയുടെ കുട്ടിക്കാലം അവതരിപ്പിച്ച പാര്വ്വതി ബാല എന്ന കുട്ടിതാരത്തിന്റെ പ്രകടനവും ശ്രദ്ധേയമാണ്. ‘എന്റെ ജീവിത നൊമ്പരം’ എന്ന ഗീതുവിന്റെ കവിത മുന്പ് കെ.കെ. ശൈലജയും നടി നവ്യാനായരും ചേര്ന്ന് പ്രകാശനം ചെയ്തിരുന്നു. സ്വന്തം ജീവിതം സിനിമയാകുന്നത് കാണാന് കാത്തുനില്ക്കാതെ ഇരുപത്തിയാറാം വയസ്സില് ഗീതു മരണത്തിന് കീഴടങ്ങി എന്നത് ഒരു നോവായി അവശേഷിക്കുന്നു. എന്നാല് ഗീതു വിട്ടുപോയിട്ടും അവള് പകര്ന്നുനല്കിയ അതിജീവനത്തിന്റെ പാഠങ്ങള് ഈ സിനിമയിലൂടെ ജനങ്ങളിലേക്ക് എത്തുകയാണ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ഒറ്റയ്ക്ക് വഴിവെട്ടി വന്നവന്! വ്യാജ പീഡനാരോപണത്തെ നെഞ്ചു വിരിച്ചു നേരിട്ടു; ‘ഫാര്മ’യില് തിളിങ്ങി സര്വ്വമായയയില് ‘100’ കോടി ക്ലബ്ബും; വ്യാജ രേഖയില് ‘പോളി ജൂനിയറും’ ജയിച്ചു; സിനിമയിലെ ‘ബിജു പൗലോസ്’ ഇനി റിയല് ലൈഫ് ആക്ഷന് ഹീറോ; നിവിന് പോളിയ്ക്ക് കോടതിയില് നിന്നും മറ്റൊരു നീതി വിജയം
