തിരുവനന്തപുരം: മാരാരിക്കുളത്തെ അപ്രതീക്ഷിത പരാജയത്തിന് ശേഷം വി.എസ്. അച്യുതാനന്ദന് മലമ്പുഴയിലേക്ക് തട്ടകം മാറ്റി തന്റെ രാഷ്ട്രീയ കരുത്ത് തെളിയിച്ച ചരിത്രം കേരള രാഷ്ട്രീയത്തിന്റെ ഭാഗമാണ്. ഈ വിജയം ആവര്ത്തിക്കാന് മകന് വി.എ. അരുണ്കുമാര് ഒരുങ്ങുന്നു. നിയമസഭാ തിരഞ്ഞെടുപ്പില് വി.എ. അരുണ്കുമാറിനെ മലമ്പുഴയില് സ്ഥാനാര്ത്ഥിയാക്കാന് സി.പി.എം. ഗൗരവകരമായ ആലോചന തുടങ്ങിക്കഴിഞ്ഞു. വി.എസിന്റെ കുടുംബവുമായി പാര്ട്ടി നേതൃത്വം പ്രാഥമിക ചര്ച്ചകള് പൂര്ത്തിയാക്കിയതായാണ് സൂചന.
ചാനല് ചര്ച്ചകളിലെ ഇടത് ശബ്ദം അഡ്വ.ബി.എന്.ഹസ്കര് സി.പി.എം വിട്ട് ആര്.എസ്.പിയില്.
ആദ്യ തവണ പിണറായി സര്ക്കാര് അധികാരത്തിലേറിയത് വി.എസ്. അച്യുതാനന്ദനെ മുന്നിര്ത്തി നേടിയ ജനപിന്തുണയുടെ കരുത്തിലായിരുന്നു. ഇപ്പോള് ഭരണത്തുടര്ച്ചയുടെ ഹാട്രിക് എന്ന ചരിത്രനേട്ടം ലക്ഷ്യമിടുമ്പോള്, അതേ വി.എസ്. ഫാക്ടര് മകന് വി.എ. അരുണ്കുമാറിലൂടെ വീണ്ടും പരീക്ഷിക്കാനാണ് മുഖ്യമന്ത്രി പിണറായി വിജയന്റെ നീക്കം. മാരാരിക്കുളത്തെ അപ്രതീക്ഷിത പരാജയത്തിന് ശേഷം വി.എസ്. മലമ്പുഴയിലേക്ക് തട്ടകം മാറ്റി നേടിയ രാഷ്ട്രീയ വിജയം മകനിലൂടെ ആവര്ത്തിക്കാന് സി.പി.എം. ഗൗരവകരമായ ആലോചന തുടങ്ങിക്കഴിഞ്ഞു.
ഇത്തവണ തദ്ദേശ തിരഞ്ഞെടുപ്പില് മലമ്പുഴയില് ബി.ജെ.പി. വലിയ മുന്നേറ്റം നടത്തിയ സാഹചര്യത്തില്, വി.എസിന്റെ തട്ടകം കാക്കാന് ‘വി.എസ്. ഇഫക്റ്റ്’ തന്നെ അനിവാര്യമാണെന്ന് സി.പി.എം. വിലയിരുത്തുന്നു. അവിടെ ബി.ജെ.പിക്ക് വേണ്ടി സി. കൃഷ്ണകുമാര് വീണ്ടും ജനവിധി തേടാന് സാധ്യതയുള്ളതിനാല്, ശക്തനായ ഒരു സ്ഥാനാര്ത്ഥിയിലൂടെ മാത്രമേ സിറ്റിംഗ് സീറ്റ് നിലനിര്ത്താനാകൂ എന്ന് പാര്ട്ടി തിരിച്ചറിയുന്നു. വി.എസ്. എന്ന പേര് വോട്ടര്മാരിലുണ്ടാക്കുന്ന സ്വാധീനം അരുണ്കുമാറിലൂടെ വോട്ടാക്കി മാറ്റാനാണ് നീക്കം.
ഹാപ്പിലാൻഡ് റൈഡ് അപകടം: ആർ ഡി ഒ തല അന്വേഷണത്തിന് മനുഷ്യാവകാശ കമ്മിഷൻ ഉത്തരവ്
പണ്ട് വി.എസിനെ രാഷ്ട്രീയമായി തളയ്ക്കാന് പാര്ട്ടിയിലെ ഒരു വിഭാഗം ശ്രമിച്ചപ്പോള് അദ്ദേഹത്തിന്റെ പ്രവര്ത്തനമേഖലകളില് മാറ്റം വരികയും അരുണ്കുമാറിനെതിരെ വിവാദങ്ങള് ഉയരുകയും ചെയ്തിരുന്നു. എന്നാല് കേരളാ രാഷ്ട്രീയത്തില് സി.പി.എമ്മിന്റെ ഹാട്രിക് വിജയം ഉറപ്പിക്കാന് വി.എസ്. ഫാക്ടര് ഇല്ലാതെ കഴിയില്ലെന്ന് നേതൃത്വം ഇപ്പോള് മനസ്സിലാക്കുന്നു. ജി. സുധാകരന്റെ അതൃപ്തി ഉള്പ്പെടെയുള്ള ആലപ്പുഴയിലെ പ്രശ്നങ്ങള് മറികടക്കാന് അരുണ്കുമാറിനെ കായംകുളത്തോ മലമ്പുഴയിലോ മത്സരിപ്പിക്കുന്നത് ഗുണകരമാകുമെന്ന് പാര്ട്ടി കണക്കാക്കുന്നു.
കായംകുളത്ത് ബി.ജെ.പി. ശോഭാ സുരേന്ദ്രനെ പോലെയുള്ള കരുത്തരെ ഇറക്കിയാല് അവിടെയും അരുണ്കുമാര് ഒരു മികച്ച പോരാളിയാകുമെന്നാണ് വിലയിരുത്തല്. നിലവില് ഐ.എച്ച്.ആര്.ഡി. ഉദ്യോഗസ്ഥനായ അരുണ്കുമാര്, ഔദ്യോഗിക പദവി രാജി വെച്ച് സജീവ രാഷ്ട്രീയത്തിലേക്ക് ഇറങ്ങുന്നതോടെ പഴയ വിവാദങ്ങള്ക്കെല്ലാം വിരാമമിട്ട് അച്യുതാനന്ദന്റെ പിന്ഗാമിയായി അദ്ദേഹം നിയമസഭയിലെത്തുമെന്നാണ് സിപിഎം അണികളുടെ പ്രതീക്ഷ.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
