തിരുവനന്തപുരം: ആരോഗ്യവകുപ്പ് ഡയറക്ടറേറ്റ് കാര്യാലയത്തിൽ ഡയറക്ടർ കസേരയെച്ചൊല്ലി ഉദ്യോഗസ്ഥർ തമ്മിൽ നാടകീയ രംഗങ്ങളും വലിയ തർക്കവുമുണ്ടായി. അഡ്മിനിസ്ട്രേറ്റീവ് ട്രൈബ്യൂണലിന്റെ വ്യക്തമായ ഉത്തരവിന്റെ പകർപ്പുമായി പുതിയ ഡയറക്ടറായി ചുമതലയേൽക്കാൻ ഡോ. കെ.ജെ. റീന എത്തിയപ്പോൾ, നിലവിൽ ഡയറക്ടറുടെ താൽക്കാലിക ചുമതല വഹിക്കുന്ന ഡോ. വി. മീനാക്ഷി കസേര ഒഴിഞ്ഞുകൊടുക്കാൻ വിസമ്മതിച്ചതാണ് വലിയ തർക്കങ്ങൾക്ക് വഴിവെച്ചത്. സർക്കാർ ഭാഗത്തുനിന്ന് നേരിട്ട് നിർദ്ദേശം ലഭിച്ചാൽ മാത്രമേ താൻ ഡയറക്ടർ പദവിയിൽ നിന്ന് മാറുകയുള്ളൂവെന്ന നിലപാടിൽ ഡോ. മീനാക്ഷി ഉറച്ചുനിന്നു. ഇതോടെ കസേരയ്ക്കായി ഇരു ഉദ്യോഗസ്ഥരും ഒരേ മുറിയിൽ മുഖാമുഖം ഇരുന്നു.
കഴക്കൂട്ടം സീറ്റ് വേണ്ട…. കോണ്ഗ്രസിന് അധികാരം കിട്ടിയാല് ചലച്ചിത്ര അക്കാദമിയുടെ അമരക്കാരനാകും; നടന് പ്രേംകുമാര് കോണ്ഗ്രസിലേക്ക് തന്നെ
തർക്കം രൂക്ഷമായതിനെ തുടർന്ന് വിവരമറിഞ്ഞ് പോലീസ് സ്ഥലത്തെത്തി. ഒടുവിൽ കസേരയ്ക്ക് മുന്നിലെ മേശപ്പുറത്ത് വെച്ച് തന്നെ ഡോ. കെ.ജെ. റീന പുതിയ ഡയറക്ടറായി ചുമതലയേറ്റെടുക്കുന്ന ഔദ്യോഗിക രേഖകളിൽ ഒപ്പുവെക്കുകയായിരുന്നു. ഒരേ മുറിയിൽ രണ്ട് ഡയറക്ടർമാർ ഒരേസമയം പദവിക്കായി അവകാശവാദമുന്നയിച്ചു നിന്നത് ഡയറക്ടറേറ്റ് ജീവനക്കാരെയും ജനങ്ങളെയും ഒരുപോലെ അമ്പരപ്പിച്ചു. ആരോഗ്യവകുപ്പ് ഡയറക്ടർ സ്ഥാനത്തെച്ചൊല്ലി ഉദ്യോഗസ്ഥർ തമ്മിൽ ദീർഘനാളായി നിയമപോരാട്ടം നിലനിന്നിരുന്നു. ഒടുവിൽ ഡോ. കെ.ജെ. റീനയ്ക്ക് അനുകൂലമായി അഡ്മിനിസ്ട്രേറ്റീവ് ട്രൈബ്യൂണലിന്റെ വിധി വരികയും, ഈ ഉത്തരവിന്റെ അടിസ്ഥാനത്തിൽ ഔദ്യോഗികമായി ചുമതലയേൽക്കാൻ ഡോ. റീന ഡയറക്ടറേറ്റ് ഓഫീസിലെത്തുകയുമായിരുന്നു.
അതേസമയം, അഡ്മിനിസ്ട്രേറ്റീവ് ട്രൈബ്യൂണലിന്റെ ഈ നടപടിക്കെതിരെ അടിയന്തരമായി ഇന്ന് തന്നെ ഹൈക്കോടതിയിൽ അപ്പീൽ നൽകാനാണ് സർക്കാർ ശ്രമിക്കുന്നത്. അധികാര തർക്കം നിലനിൽക്കുന്നതിനാൽ ഹൈക്കോടതി സിംഗിൾ ബെഞ്ചിൽ അപ്പീൽ നൽകി ട്രൈബ്യൂണൽ വിധിക്ക് സ്റ്റേ ഉത്തരവ് സമ്പാദിക്കാനാണ് സർക്കാരിന്റെ നീക്കം. ഈ പശ്ചാത്തലത്തിലാണ് താൽക്കാലിക ചുമതലയിലുള്ള ഡോ. വി. മീനാക്ഷി ഡയറക്ടർ കസേരയിൽ തന്നെ തുടരാൻ പരമാവധി ശ്രമിക്കുന്നത്. ട്രൈബ്യൂണലിന്റെ വിധി വന്ന സാഹചര്യത്തിൽ പകരമൊരു കൃത്യമായ ഉത്തരവ് ഇറക്കേണ്ടത് സർക്കാരാണെന്നാണ് ഡോ. മീനാക്ഷിയുടെ വാദം. മുൻപ് ഔദ്യോഗിക സിസ്റ്റത്തിനെതിരെ പ്രവർത്തിച്ചെന്ന ഗുരുതരമായ ആരോപണം ഉന്നയിച്ചാണ് ഡോ. റീനയ്ക്കെതിരെ ആരോഗ്യവകുപ്പ് അച്ചടക്ക നടപടിയെടുത്തിരുന്നത്.
ഉദുമ പിടിക്കാൻ കോൺഗ്രസിന്റെ വമ്പൻ ‘സർപ്രൈസ്’! ശരത് ലാലിന്റെ സഹോദരി അമൃത മത്സരിച്ചേക്കും ?
