കൊച്ചി: കരുവന്നൂർ സർവീസ് സഹകരണ ബാങ്ക് തട്ടിപ്പുമായി ബന്ധപ്പെട്ട കള്ളപ്പണ ഇടപാട് കേസിൽ സി.പി.എമ്മിനും പാർട്ടിയിലെ പ്രമുഖ നേതാക്കൾക്കും കനത്ത തിരിച്ചടി നേരിടുന്നു. കേസിൽ ഉൾപ്പെട്ടിട്ടുള്ള പ്രതികൾക്കെതിരെ പ്രഥമദൃഷ്ട്യാ തെളിവുകളുണ്ടെന്ന് വ്യക്തമാക്കിയ കൊച്ചിയിലെ പ്രത്യേക പി.എം.എൽ.എ (കള്ളപ്പണ നിരോധന നിയമം) കോടതി, ഇവർക്കെതിരെ വിചാരണ നടപടികളുമായി മുന്നോട്ടുപോകാൻ അനുമതി നൽകി.
അനൂപ് ജേക്കബിനേയും സിപി ജോണിനേയും മന്ത്രിയാക്കുമോ? വിദ്യാഭ്യാസ വകുപ്പ് ലീഗില് നിന്ന് തിരിച്ചുപിടിച്ചേക്കും; സ്വതന്ത്രരെ മന്ത്രിമാരാക്കില്ല
മുതിർന്ന സി.പി.എം നേതാക്കളായ എ.സി. മൊയ്തീൻ, കെ. രാധാകൃഷ്ണൻ, എം.എം. വർഗീസ് എന്നിവരടക്കം കുറ്റപത്രത്തിലുള്ള 28 പ്രതികളെയും വിചാരണ ചെയ്യാനാണ് കോടതി ഇപ്പോൾ ഉത്തരവിട്ടിരിക്കുന്നത്. നേതാക്കൾക്ക് പുറമെ സി.പി.എം എന്ന രാഷ്ട്രീയ പാർട്ടിയെയും പ്രതിപ്പട്ടികയിൽ ഉൾപ്പെടുത്തിയാണ് എൻഫോഴ്സ്മെന്റ് ഡയറക്ടറേറ്റ് (ഇ.ഡി) കോടതിയിൽ അന്തിമ കുറ്റപത്രം സമർപ്പിച്ചിരുന്നത്.
കരുവന്നൂർ ബാങ്കിൽ 232 കോടി രൂപയുടെ വലിയ സാമ്പത്തിക തട്ടിപ്പും അതിലൂടെ കള്ളപ്പണ ഇടപാടും നടന്നതായാണ് കേന്ദ്ര ഏജൻസിയായ ഇ.ഡിയുടെ കണ്ടെത്തൽ. ഇ.ഡി കോടതിയിൽ സമർപ്പിച്ച ഈ കുറ്റപത്രത്തിലാണ് സി.പി.എമ്മും തൃശ്ശൂർ ജില്ലയിലെ പ്രമുഖ നേതാക്കളും പ്രതികളായി മാറിയത്. ഇന്ത്യയുടെ ചരിത്രത്തിൽ തന്നെ ആദ്യമായാണ് ഒരു സഹകരണ തട്ടിപ്പുകേസിൽ ഇ.ഡി ഏതെങ്കിലുമൊരു രാഷ്ട്രീയ പാർട്ടിയെ ഔദ്യോഗികമായി പ്രതി ചേർക്കുന്നത് എന്ന പ്രത്യേകതയും ഈ കേസിനുണ്ട്. അന്വേഷണത്തിന്റെ ഭാഗമായി സി.പി.എമ്മിന്റെ ഉടമസ്ഥതയിലുള്ള സ്ഥലം നേരത്തെ ഇ.ഡി കണ്ടുകെട്ടുകയും ചെയ്തിരുന്നു. കോടതിയുടെ പുതിയ ഉത്തരവോടെ കേസിൽ വിചാരണ നടപടികൾ വേഗത്തിലാകുമെന്നാണ് സൂചനകൾ വ്യക്തമാക്കുന്നത്.
ഗുരുവായൂരിൽ വോട്ട് ചോദിച്ചത് വർഗീയത പറഞ്ഞോ? ബി. ഗോപാലകൃഷ്ണനെതിരെ തിരഞ്ഞെടുപ്പ് കമ്മീഷന് പരാതി; “50 വർഷമായി ഹിന്ദു എംഎൽഎ ഇല്ല”; വീഡിയോ വിവാദത്തിൽ
