തിരുവനന്തപുരം: സംസ്ഥാനത്ത് മിൽമ പാലിന്റെ പുതുക്കിയ വില നാളെ മുതൽ നിലവിൽ വരും. പാൽ ലിറ്ററിന് നാല് രൂപയുടെ വർദ്ധനവാണ് മിൽമ വരുത്തിയിരിക്കുന്നത്. ഇതിന് പിന്നാലെ തൈരിന് കിലോഗ്രാമിന് പത്ത് രൂപയും വർദ്ധിക്കും. വരുംദിവസങ്ങളിൽ മിൽമയുടെ മറ്റ് ഉൽപ്പന്നങ്ങൾക്കും ആനുപാതികമായ വില വർദ്ധനവ് ഉണ്ടാകുമെന്നാണ് അധികൃതർ നൽകുന്ന സൂചന. നിലവിൽ വിപണിയിലുള്ള പാൽ കവറുകളിൽ പഴയ വില തന്നെയാണ് രേഖപ്പെടുത്തിയിട്ടുള്ളത്. പുതിയ നിരക്കുകൾ കവറുകളിൽ അച്ചടിച്ച് പുറത്തിറക്കാൻ ഒരു മാസം വരെ സമയമെടുക്കുമെന്ന് മിൽമ അധികൃതർ അറിയിച്ചു.
തുറന്നുപറച്ചിലുകള്ക്ക് വിലക്ക്; കേന്ദ്ര നിലപാടിന് പുല്ലുവില; തിരുത്തലില്ലെങ്കില് സി.പി.എമ്മിന് ബംഗാള് ഗതിയെന്ന് അണികള്; കൊല്ലത്തെ യോഗത്തില് കൂട്ടപ്പൊരിച്ചില്
ക്ഷീരകർഷകർ നേരിടുന്ന കനത്ത ഉൽപ്പാദനച്ചെലവ് പരിഗണിച്ചാണ് ഇപ്പോൾ വില വർദ്ധിപ്പിക്കാൻ മിൽമ തീരുമാനിച്ചത്. വർദ്ധിപ്പിച്ച നാല് രൂപയിൽ 83.75 ശതമാനം തുകയായ 3.35 രൂപ കർഷകർക്ക് നേരിട്ട് നൽകുമെന്ന് മിൽമ അധികൃതർ വ്യക്തമാക്കുന്നു. എന്നാൽ നിലവിലെ പ്രതിസന്ധി മറികടക്കാൻ ഈ തുക പര്യാപ്തമല്ലെന്നാണ് കർഷകർ വാദിക്കുന്നത്. 2022 ഡിസംബർ ഒന്നിനാണ് മിൽമ ഇതിനുമുമ്പ് അവസാനമായി വില കൂട്ടിയത്. അന്ന് ലിറ്ററിന് ആറ് രൂപയുടെ വർദ്ധനവാണ് നടപ്പിലാക്കിയിരുന്നത്.
മുണ്ടത്തിക്കോട് വെടിക്കെട്ടപകടം: മരണം 13 ആയി;അപകടത്തിൽപ്പെട്ടവരെല്ലാം മലയാളികൾ, സ്ഫോടനത്തിന് കാരണം കനത്ത ചൂടെന്ന് രക്ഷപ്പെട്ടയാൾ
