തിരുവനന്തപുരം: ബെംഗളൂരുവിലെ ബിടിഎല് നഴ്സിങ് കോളേജ് വിദ്യാര്ത്ഥിയായ ആദിത്യന്റെ മരണത്തില് കോളേജ് അധികൃതര്ക്കെതിരെ ഗുരുതര ആരോപണങ്ങളുമായി പിതാവ് പ്രദീപ്. ആദിത്യന്റെ അഡ്മിഷന് ഘട്ടത്തില് പോലും വലിയ ചതിയാണ് നടന്നതെന്നും മറ്റൊരു പ്രമുഖ കോളേജിന്റെ പേര് പറഞ്ഞാണ് തങ്ങളെ വിശ്വസിപ്പിച്ച് ഇവിടെ ചേര്ത്തതെന്നും പ്രദീപ് വെളിപ്പെടുത്തി. തന്റെ മകന്റെ മരണം വ്യക്തിപരമായ പ്രശ്നങ്ങള് മൂലമാണെന്ന് വരുത്തിത്തീര്ക്കാന് കോളേജ് മാനേജ്മെന്റ് ബോധപൂര്വ്വം ശ്രമിക്കുകയാണെന്നും അദ്ദേഹം ആരോപിച്ചു.
കോളേജിലെ അധ്യാപകനായ സന്ദീപ് പാണ്ഡ്യയില് നിന്ന് നേരിടേണ്ടി വന്ന കടുത്ത മാനസിക-ശാരീരിക ഉപദ്രവങ്ങളെക്കുറിച്ച് ആദിത്യന് അമ്മയോട് സൂചിപ്പിച്ചിരുന്നു. ഹോസ്റ്റല് മുറിയിലെ സഹപാഠികളുടെ ലഹരി ഉപയോഗത്തെ എതിര്ത്തതാണ് ആദിത്യനെ ശത്രുവാക്കിയത്. ലഹരി ഉപയോഗം പിടിക്കപ്പെട്ടപ്പോള് ആദിത്യനും അതില് പങ്കുണ്ടെന്ന് വരുത്തിത്തീര്ക്കാന് ഈ സംഘവും അധ്യാപകനും ചേര്ന്ന് ശ്രമിച്ചു. ഇതാണ് ആദിത്യനെ കടുത്ത മനോവിഷമത്തിലേക്ക് തള്ളിയിട്ടതെന്ന് കുടുംബം കരുതുന്നു. തലേദിവസം വരെ സന്തോഷത്തോടെ വീഡിയോ കോളില് സംസാരിച്ച മകന് ഒരിക്കലും ആത്മഹത്യ ചെയ്യില്ലെന്ന് പിതാവ് ഉറപ്പിച്ചു പറയുന്നു.
പ്രമുഖ രാഷ്ട്രീയ നേതാവും കര്ണാടക ഉപമുഖ്യമന്ത്രിയുമായ ഡി.കെ. ശിവകുമാറിന്റെ ബന്ധുവിന്റെ ഉടമസ്ഥതയിലുള്ളതാണ് ബിടിഎല് നഴ്സിങ് കോളേജ്. അതിനാല് തന്നെ കര്ണാടക പോലീസില് നിന്നോ കോളേജ് അധികൃതരില് നിന്നോ തങ്ങള്ക്ക് നീതി ലഭിക്കില്ലെന്ന് പ്രദീപ് ആശങ്ക പ്രകടിപ്പിക്കുന്നു. ‘അവിടെ അധികാരമുള്ളവര്ക്കെതിരെ കേസ് മുന്നോട്ട് പോകില്ലെന്ന് ഞങ്ങള്ക്കറിയാം. അന്വേഷണം അട്ടിമറിക്കാനാണ് ആദ്യഘട്ടം മുതല് അവര് ശ്രമിക്കുന്നത്,’ പ്രദീപ് ‘പറഞ്ഞു.
ആദിത്യന് അതീവ ഗുരുതരാവസ്ഥയിലാണെന്ന് അറിയിച്ച് ബുധനാഴ്ച ഉച്ചയോടെയാണ് കോളേജില് നിന്ന് വിളിയെത്തിയത്. വീട്ടുകാര് ബെംഗളൂരുവില് എത്തിയപ്പോഴാണ് ആദിത്യന് മരിച്ച വിവരം പോലും അറിയുന്നത്. ഹോസ്റ്റല് മുറിയില് തൂങ്ങിമരിച്ച നിലയില് കണ്ടെത്തിയെന്നാണ് സഹപാഠികള് പറയുന്നത്. എന്നാല്, ഇതില് വലിയ ദുരൂഹതയുണ്ടെന്നും കൃത്യമായ അന്വേഷണം വേണമെന്നുമാണ് ആദിത്യന്റെ കുടുംബത്തിന്റെ ആവശ്യം. പെയിന്റിംഗ് തൊഴിലാളിയായ പ്രദീപിന്റെയും അശ്വതിയുടെയും ഏക മകനായിരുന്നു 19 കാരനായ ആദിത്യന്.
വിഷുവിനാണ് ആദിത്യന് അവസാനമായി നാട്ടിലെത്തിയത്. ഒരു സാധാരണ കുടുംബത്തിന്റെ സ്വപ്നങ്ങളാണ് ബെംഗളൂരുവിലെ ഹോസ്റ്റല് മുറിയില് അറ്റുവീണത്. ഉന്നത സ്വാധീനമുള്ളവര്ക്കെതിരെ കേരള സര്ക്കാര് ഇടപെടണമെന്നും നീതി ലഭ്യമാക്കണമെന്നുമാണ് ബന്ധുക്കളുടെ അപേക്ഷ.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
രാഹുല് കുടുംബം തകര്ത്തുവെന്ന് പരാതിക്കാരിയുടെ ഭര്ത്താവ്, വിവാഹിതയാണെന്ന് അറിഞ്ഞിട്ടും രാഹുല് വഴിവിട്ട ബന്ധം സ്ഥാപിച്ചു; മുഖ്യമന്ത്രിക്കും ഡിജിപിക്കും പരാതി നല്കി
