ദുബായ്/ലണ്ടന്: ലോകത്തിന്റെ എണ്ണക്കപ്പല് പാതയായ ഹോര്മുസ് കടലിടുക്കില് യുദ്ധസമാനമായ സാഹചര്യം. സമാധാന ചര്ച്ചകള്ക്കായുള്ള വെടിനിര്ത്തല് പ്രഖ്യാപനം നിലനില്ക്കെ, അന്താരാഷ്ട്ര ചരക്കുകപ്പലുകള്ക്ക് നേരെ ഇറാന് വിപ്ലവ ഗാര്ഡിന്റെ ആക്രമണം. ഗ്രീക്ക് പതാക വഹിച്ച ‘എപാമിനോണ്ടസ്’, പാനമയുടെ ‘എം.എസ്.സി ഫ്രാന്സെസ്ക’, ‘യുഫോറിയ’ എന്നീ കപ്പലുകളാണ് ആക്രമിക്കപ്പെട്ടത്. ഇതോടെ ഗള്ഫ് മേഖല 1990-ന് ശേഷമുള്ള ഏറ്റവും വലിയ പ്രതിസന്ധിയിലേക്ക് നീങ്ങുകയാണ്.
ഒമാന് തീരത്തുനിന്ന് 15 നോട്ടിക്കല് മൈല് അകലെ വെച്ചാണ് ഗ്രീക്ക് കപ്പലായ എപാമിനോണ്ടസിന് നേരെ ഇറാന് ഗണ്ബോട്ടുകള് വെടിയുതിര്ത്തത്. കപ്പലിന്റെ മുന്ഭാഗത്തിന് (ബ്രിഡ്ജ്) ഗുരുതരമായ നാശനഷ്ടങ്ങള് സംഭവിച്ചിട്ടുണ്ട്. യാതൊരുവിധ മുന്നറിയിപ്പും നല്കാതെയാണ് ഇറാന് സേന വെടിവെപ്പ് നടത്തിയതെന്ന് യുകെ മാരിടൈം ട്രേഡ് ഓപ്പറേഷന്സ് സെന്റര് അറിയിച്ചു. എന്നാല്, തങ്ങളുടെ മുന്നറിയിപ്പുകള് അവഗണിച്ചതിനാലാണ് നടപടിയെടുത്തതെന്ന് ഇറാന്റെ ഔദ്യോഗിക മാധ്യമങ്ങള് അവകാശപ്പെട്ടു.
പാനമ കപ്പലായ എം.എസ്.സി ഫ്രാന്സെസ്കയെ ഇറാന് സേന വളയുകയും നങ്കൂരമിടാന് നിര്ബന്ധിക്കുകയും ചെയ്തു. കപ്പലിന്റെ പുറംഭാഗത്തിന് കേടുപാടുകള് സംഭവിച്ചിട്ടുണ്ട്. മറ്റൊരു കപ്പലായ യുഫോറിയ നിലവില് ഇറാന് തീരത്ത് തടഞ്ഞുവെച്ചിരിക്കുകയാണെന്നാണ് റിപ്പോര്ട്ട്. ഈ മൂന്ന് കപ്പലുകളും സുരക്ഷാ നിയമങ്ങള് ലംഘിച്ചുവെന്നാണ് ഇറാന്റെ ആരോപണം.
അമേരിക്ക ഏര്പ്പെടുത്തിയിരിക്കുന്ന നാവിക ഉപരോധം നീക്കാതെ സമാധാന ചര്ച്ചകള്ക്കില്ലെന്ന് ഇറാന് പ്രഖ്യാപിച്ചതോടെ മേഖലയിലെ അനിശ്ചിതത്വം തുടരുകയാണ്. ഡൊണാള്ഡ് ട്രംപ് സമയം നീട്ടിക്കൊണ്ടുപോയി പെട്ടെന്നുള്ള സൈനിക നീക്കം നടത്തുമെന്ന് ഇറാന് ഭയപ്പെടുന്നു. നിലവില് ഹോര്മുസ് കടലിടുക്കിലൂടെയുള്ള കപ്പല് ഗതാഗതം ഏതാണ്ട് നിലച്ച മട്ടാണ്.
‘1990-ല് ഇറാഖ് കുവൈത്തിനെ ആക്രമിച്ചതിന് ശേഷമുള്ള ഏറ്റവും വലിയ പ്രതിസന്ധിക്കാണ് ഗള്ഫ് സാക്ഷ്യം വഹിക്കുന്നത്. ഇത് ആഗോള സമ്പദ്വ്യവസ്ഥയെ തകിടം മറിക്കും.’ എന്ന് സുരക്ഷാ നിരീക്ഷകന് ഫ്രാങ്ക് ഗാര്ഡ്നര് പറയുന്നു. ഉപരോധം നിലനില്ക്കുന്നതിനാല് ഇറാനിലേക്കും തിരിച്ചുമുള്ള ഇരുപതിലധികം കപ്പലുകള് തടഞ്ഞതായി അമേരിക്കയും വ്യക്തമാക്കി.
നേരിയ ഒരു തീപ്പൊരി പോലും മേഖലയില് വന് യുദ്ധത്തിന് കാരണമായേക്കാം എന്ന ഭീതിയിലാണ് ലോകരാജ്യങ്ങള്. ഇറാനിലെ ഊര്ജ്ജ നിലയങ്ങള് ആക്രമിക്കുമെന്ന് അമേരിക്ക ഭീഷണി മുഴക്കുമ്പോള്, അയല്രാജ്യങ്ങളിലെ അറബ് രാഷ്ട്രങ്ങളെ ലക്ഷ്യം വയ്ക്കുമെന്നാണ് ഇറാന്റെ മറുപടി.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
സൂപ്പര് ബൗള് പോലുള്ള വന്കിട പരിപാടികള്ക്ക് നല്കാറുള്ള ‘നാഷണല് സ്പെഷ്യല് സെക്യൂരിറ്റി’ പദവി ആ ചടങ്ങിന് നല്കിയിരുന്നില്ല; ട്രംപിനെതിരായ വധശ്രമം: സുരക്ഷാ ക്രമീകരണങ്ങള് അടിമുടി പരിഷ്കരിക്കാന് വൈറ്റ് ഹൗസ്
