കൊച്ചി: മലയാളികൾക്ക് ഏറെ സുപരിചിതയായ നടിയും അവതാരകയുമായ മീനാക്ഷി സുധീർ വിവാഹിതയായി. ഫോട്ടോഗ്രാഫറായ കാർത്തിക് നായരാണ് മീനാക്ഷിയുടെ കഴുത്തിൽ താലി ചാർത്തിയത്. ശനിയാഴ്ച രാവിലെ ചോറ്റാനിക്കര ഭഗവതി ക്ഷേത്രത്തിൽ വെച്ചായിരുന്നു അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ വിവാഹ ചടങ്ങുകൾ നടന്നത്.
വിജയ് ദേവരകൊണ്ടയുടെ ഗ്ലോബൽ പ്രൊജക്റ്റ്: ഹൈദരാബാദിൽ തുടക്കം; അണിനിരക്കുന്നത് ഹോളിവുഡ് സാങ്കേതിക വിദഗ്ധർ
നീണ്ട മൂന്ന് വർഷത്തെ പ്രണയത്തിനൊടുവിലാണ് മീനാക്ഷിയും കാർത്തിക്കും ഒന്നിക്കുന്നത്. ഒരു ഫോട്ടോഷൂട്ടിനിടെയുള്ള പരിചയമാണ് പിന്നീട് പ്രണയത്തിലേക്കും ഇപ്പോൾ വിവാഹത്തിലേക്കും നയിച്ചത്. സോഷ്യൽ മീഡിയയിൽ ഏറെ സജീവമായ ഇരുവരുടെയും വിവാഹ ചിത്രങ്ങൾ ഇതിനോടകം തന്നെ ആരാധകർ ഏറ്റെടുത്തു കഴിഞ്ഞു.
മിസ് ടീൻ ഇന്റർനാഷണൽ 2019 ടൈറ്റിൽ ജേതാവായ മീനാക്ഷി സുധീർ, നിരവധി സെലിബ്രിറ്റി അഭിമുഖങ്ങളിലൂടെയും ടെലിവിഷൻ പരിപാടികളിലൂടെയുമാണ് ശ്രദ്ധ നേടിയത്. അഭിനയ രംഗത്തും തന്റെ സാന്നിധ്യം അറിയിച്ചിട്ടുള്ള മീനാക്ഷിക്ക് സിനിമാ-സീരിയൽ രംഗത്തെ നിരവധി പ്രമുഖർ ആശംസകൾ നേർന്നു.
ജീവിതത്തിലെ പുതിയ അധ്യായം തുടങ്ങുന്നു; വീഡിയോയുമായി രേഖ രതീഷ്, വീണ്ടും വിവാഹിതയാകുന്നോ ? ആകാംക്ഷയിൽ ആരാധകർ
