ബെംഗളൂരു: തമിഴ്നാട് രാഷ്ട്രീയത്തിലെ അപ്രതീക്ഷിത ഭരണമാറ്റത്തിന് പിന്നാലെ കോണ്ഗ്രസിനെതിരെ രൂക്ഷവിമര്ശനവുമായി പ്രധാനമന്ത്രി നരേന്ദ്ര മോദി രംഗത്ത്. മുപ്പത് വര്ഷത്തിലേറെ പ്രതിസന്ധി ഘട്ടങ്ങളില് ഒപ്പം നിന്ന ഡിഎംകെയെ, രാഷ്ട്രീയ കാറ്റ് മാറിയ നിമിഷം കോണ്ഗ്രസ് ഒറ്റിക്കൊടുത്തുവെന്ന് മോദി കുറ്റപ്പെടുത്തി. തമിഴക വെട്രി കഴകം നേതാവ് വിജയ് നയിക്കുന്ന സര്ക്കാരില് പങ്കാളിയാകാനുള്ള കോണ്ഗ്രസ് തീരുമാനത്തെ ‘അധികാരത്തോടുള്ള അത്യാര്ത്തി’ എന്നാണ് പ്രധാനമന്ത്രി വിശേഷിപ്പിച്ചത്.
തമിഴ്നാട്ടില് ഡിഎംകെ തീര്ത്തും ഒറ്റപ്പെട്ട സാഹചര്യത്തില്, ബെംഗളൂരുവില് നടന്ന ചടങ്ങിലാണ് മോദിയുടെ ഈ പരാമര്ശങ്ങള്. അധികാരം നിലനിര്ത്താന് കിട്ടിയ ആദ്യ അവസരത്തില് തന്നെ കോണ്ഗ്രസ് ഡിഎംകെയെ പിന്നില് നിന്ന് കുത്തിയെന്നും രാഷ്ട്രീയമായി നിലനില്ക്കാന് മറ്റൊരു പാര്ട്ടിയുടെ തണല് തേടേണ്ട ഗതികേടിലാണ് കോണ്ഗ്രസെന്നും അദ്ദേഹം പരിഹസിച്ചു. എക്സിലൂടെയും പ്രധാനമന്ത്രി തന്റെ വിമര്ശനങ്ങള് കടുപ്പിച്ചു.
യുപിഎ ഭരണകാലത്ത് പത്തു വര്ഷത്തോളം കോണ്ഗ്രസ് കേന്ദ്രത്തില് അധികാരം നിലനിര്ത്തിയത് ഡിഎംകെയുടെ പിന്തുണ കൊണ്ടാണെന്ന ചരിത്രം മോദി ഓര്മ്മിപ്പിച്ചു. അക്കാലത്തെല്ലാം ഡിഎംകെയുടെ സഹായം തേടിയവര്, ഇപ്പോള് തമിഴ് മണ്ണില് വിജയ് എന്ന പുതിയ ശക്തി ഉയര്ന്നുവന്നപ്പോള് പഴയ സുഹൃത്തിനെ ഉപേക്ഷിച്ചത് കോണ്ഗ്രസിന്റെ രാഷ്ട്രീയ നൈതികതയില്ലായ്മയാണ് കാണിക്കുന്നതെന്ന് അദ്ദേഹം കൂട്ടിച്ചേര്ത്തു.
ദേശീയ രാഷ്ട്രീയത്തില് കോണ്ഗ്രസിന്റെ വിശ്വാസ്യത തകര്ക്കുന്ന നീക്കമാണിതെന്ന് ബിജെപി വിലയിരുത്തുന്നു. സഖ്യകക്ഷികളെ സംരക്ഷിക്കുന്നതില് കോണ്ഗ്രസ് പരാജയമാണെന്ന സന്ദേശം മറ്റ് പ്രാദേശിക പാര്ട്ടികള്ക്കും ഇതിലൂടെ ലഭിക്കുമെന്ന് മോദി സൂചിപ്പിച്ചു. രാഷ്ട്രീയ ലാഭത്തിനായി ആരെയും തള്ളിപ്പറയുന്ന കോണ്ഗ്രസ് ശൈലി തമിഴ് ജനത തിരിച്ചറിയുമെന്നും അദ്ദേഹം പറഞ്ഞു.
വിജയ് നയിക്കുന്ന ടിവികെ സര്ക്കാരില് കോണ്ഗ്രസ് ചേരുന്നത് ഡിഎംകെയെ സംബന്ധിച്ചിടത്തോളം വലിയ ആഘാതമാണ്. ഈ വിള്ളല് വരാനിരിക്കുന്ന ലോക്സഭാ തിരഞ്ഞെടുപ്പിലും തദ്ദേശ തിരഞ്ഞെടുപ്പിലും പ്രതിഫലിക്കുമെന്ന് ഉറപ്പാണ്. ഡിഎംകെ നേരിടുന്ന ഈ ഒറ്റപ്പെടല് തമിഴ്നാട്ടില് എന്ഡിഎ സഖ്യത്തിന് പുതിയ വാതിലുകള് തുറക്കുമെന്ന പ്രതീക്ഷയും ബിജെപി ക്യാമ്പിലുണ്ട്.
സ്റ്റാലിന് നയിക്കുന്ന ഡിഎംകെ സര്ക്കാരിനെ വീഴ്ത്തി അധികാരത്തിലെത്തിയ വിജയ് സഖ്യത്തിന് ദേശീയ തലത്തില് ലഭിക്കുന്ന പ്രാധാന്യത്തെ ബിജെപി ജാഗ്രതയോടെയാണ് കാണുന്നത്. എങ്കിലും, കോണ്ഗ്രസിന്റെ ഈ ‘കൂടുമാറ്റം’ പ്രതിപക്ഷ ഐക്യത്തിന് (കചഉകഅ മുന്നണി) വലിയ തിരിച്ചടിയായെന്ന് പ്രധാനമന്ത്രിയുടെ വാക്കുകള് അടിവരയിടുന്നു.
സീറ്റ് വിഭജനത്തിലും അധികാരം പങ്കിടുന്നതിലും ഡിഎംകെ കാണിച്ച വിട്ടുവീഴ്ചയില്ലായ്മയാണ് കോണ്ഗ്രസിനെ ചൊടിപ്പിച്ചത്. എന്നാല്, മന്ത്രിസഭയില് പ്രാതിനിധ്യം നല്കിയ വിജയ്യുടെ ഓഫര് സ്വീകരിച്ചതിലൂടെ കോണ്ഗ്രസ് സ്വയം തരംതാഴ്ന്നുവെന്നാണ് മോദിയുടെ വിമര്ശനം. തമിഴ്നാട്ടിലെ ജനങ്ങള് ഈ വഞ്ചനയ്ക്ക് മറുപടി നല്കുമെന്നും അദ്ദേഹം പറഞ്ഞു.
തമിഴ്നാട്ടിലെ രാഷ്ട്രീയ സമവാക്യങ്ങള് മാറുമ്പോള്, ബിജെപിക്ക് അവിടെ വേരുകള് പടര്ത്താന് മികച്ച അവസരമാണ് കൈവന്നിരിക്കുന്നത്. ഡിഎംകെയും കോണ്ഗ്രസും തമ്മിലുള്ള പോര് മുതലെടുത്ത് ദക്ഷിണേന്ത്യയില് സാന്നിധ്യം ഉറപ്പിക്കാന് അമിത് ഷായുടെ നേതൃത്വത്തിലുള്ള സംഘം പുതിയ തന്ത്രങ്ങള് മെനയുന്നതിനിടയിലാണ് മോദിയുടെ ഈ കടന്നാക്രമണം.
രാഹുല് ഗാന്ധിയുടെ രാഷ്ട്രീയ പക്വതയില്ലായ്മയാണ് ഈ തീരുമാനത്തിന് പിന്നിലെന്നും ബിജെപി നേതാക്കള് ആരോപിക്കുന്നു. ദക്ഷിണേന്ത്യയിലെ സുരക്ഷിത താവളമായി കരുതിയ തമിഴ്നാട്ടില് സഖ്യകക്ഷികളെ പിണക്കുന്നത് കോണ്ഗ്രസിന്റെ തകര്ച്ച വേഗത്തിലാക്കുമെന്നാണ് മോദി മുന്നറിയിപ്പ് നല്കുന്നത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
വായനക്കാരുടെ അഭിപ്രായങ്ങള് അവരുടേത് മാത്രമാണ്, വയർലെസ്സ് മീഡിയയുടെ അല്ല.
ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക.
സമൂഹത്തിൽ ഭിന്നതയോ സ്പർധയോ വളർത്തുന്നതോ, അധിക്ഷേപമാകുന്നതോ,
അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്.
അത്തരം പ്രതികരണങ്ങൾ നിയമനടപടി നേരിടേണ്ടി വരും.
500 പേരുടെ എസ്.ഐ.മാരുടെ ഭാവി ആശങ്കയില്; പി.എസ്.സി നിയമനത്തില് വിജിലന്സ് അന്വേഷണം
